Reels બનાવવાનો શોખ છે તો સરકાર આપી રહી છે મોટી તક, 'બાપા ગર્વથી કહેશે મારો બાબો-બેબી છે'

Social Media Influencers Award: છેલ્લા કેટલાક વર્ષોમાં કન્ટેન્ટ ક્રિએટર્સ (Content Creators) ની સંખ્યામાં ઝડપથી વધારો થયો છે, આજે દરેક પાસે સ્માર્ટફોન છે અને તેના દ્વારા તેઓ ડિજિટલ દુનિયામાં તેમની કલા અથવા તેમનું જ્ઞાન બતાવી રહ્યા છે. અમે આવા લોકોને કન્ટેન્ટ ક્રિએટર કહીએ છીએ, જેઓ વિવિધ વિષયો પર પોતાના વિચારો વ્યક્ત કરે છે અને લોકો સુધી પહોંચાડે છે. ઘણા એવા કન્ટેન્ટ ક્રિએટર્સ છે જેમના સોશિયલ મીડિયા (Social Media) પર લાખો નહીં પરંતુ કરોડો ફોલોઅર્સ છે. જો તમે પણ આ લિસ્ટમાં સામેલ છો અને રીલ (Reel) કરો છો તો સરકાર તરફથી તમને મોટી તક આપવામાં આવી રહી છે.

સરકાર સન્માન કરશે
કેન્દ્ર સરકાર દ્વારા આવા તમામ કન્ટેન્ટ ક્રિએટર્સ (Content Creators) અને ઇફ્લુએન્સરને નેશનલ ક્રિએટર્સ એવોર્ડ આપવામાં આવે છે. આ માટે સરકાર પાસેથી નામાંકન પણ માંગવામાં આવ્યા છે. સરકારે માહિતી આપી છે કે આ પુરસ્કારનો હેતુ દેશભરમાં જ્ઞાનનો ફેલાવો કરી રહેલા સર્જકોને ઓળખવાનો અને તેમનું સન્માન કરવાનો છે. સરકાર દ્વારા કહેવામાં આવ્યું છે કે નેશનલ ક્રિએટર્સ એવોર્ડ 20 વિવિધ કેટેગરીમાં આપવામાં આવશે. નોમિનેશન માટેની છેલ્લી તારીખ 21 ફેબ્રુઆરી 2024 છે.

આ માટે MyGov.in પર એક પેજ તૈયાર કરવામાં આવ્યું છે, જેમાં પીએમ મોદીનો ક્વોટ પણ મૂકવામાં આવ્યું છે. તેમાં લખવામાં આવ્યું છે, "હું જોઉં છું કે તમારું કન્ટેન્ટ આપણા દેશના લોકો પર કેવી અસર કરે છે અને અમારી પાસે આ અસરને વધુ અસરકારક બનાવવાની તક છે."

આ રીતે નોમિનેશન
સૌ પ્રથમ તમારે MyGov વેબસાઇટ innovateindia.mygov.in પર જવું પડશે, ત્યારબાદ તમને નેશનલ ક્રિએટર્સ એવોર્ડ 2024નો વિકલ્પ દેખાશે. તમે અહીં જઈને તમારું નોમિનેશન કરી શકો છો. તમારે તમારા ફોન નંબર અને OTP વડે લોગિન કરવું પડશે, આ પછી તમારી કેટેગરી પસંદ કરો અને તમારી કેટલીક સોશિયલ મીડિયા લિંક્સ એટેચ કરો. હવે જો તમે પણ લોકોમાં જાગૃતિ ફેલાવવાનું અથવા તેમને માહિતી આપવાનું કામ કરો છો, તો તમે આજે જ આ એવોર્ડ માટે પોતાને નોમિનેટ કરી શકો છો.