વર્ષો જૂની એક પોસ્ટથી લલિત મોદી અને સુષ્મિતા સેનની એક અંદરની વાત ખૂલી ગઈ!

નવી દિલ્હી: ગઈકાલ (ગુરુવાર)થી સુસ્મિતા સેન અને લલિત મોદીના સમાચાર હોટ ટોપિક બનેલા છે. ઈન્ડિયન પ્રીમિયર લીગના પહેલા અધ્યક્ષ લલિત મોદીએ ખુલાસો કર્યો છે કે તે અભિનેત્રી સુસ્મિતા સેનને ડેટ કરી રહ્યા છે. તેમની આ જાહેરાતે સોશિયલ મીડિયાના માધ્યમથી લોકોને આશ્ચર્યમાં મૂક્યા હતા. ઘણા લોકોએ કહ્યું કે તેઓને ખ્યાલ નથી કે બંને એકબીજાને ઓળખે પણ છે કે નહીં.

ત્યારબાદ લોકો ઈન્ટરનેટ પર તેમના વિશે જાણકારી જાણવામાં લાગ્યા છે. લોકોએ જાણ્યું કે મોદી અને સેન વર્ષોથી એક બીજાને ઓળખે છે અને તેઓ ગાઢ મિત્રો છે. તે સોશિયલ મીડિયા પોસ્ટ પર ઘણી વખત એક બીજાની વાતો કરે છે. એટલે સુધી કે, ભાગેડુ ઉદ્યોગપતિએ પણ એક વખત પૂર્વ બ્યુટી ક્વીનને ટ્વિટર વેરિફિકેશનમાં મદદ કરી હતી. આ માહિતી તેમની એક જૂની પોસ્ટ પરથી સામે આવી છે.

Yippppeeee!!! Finally my twitter acc is verified!! Thank you Lalit(Modi):) for all your help! Sooooo much for a tick mark;) party time:))

— sushmita sen (@thesushmitasen) January 24, 2011

2011માં મળી બ્લૂ ટિક માર્ક
આ ટ્વિટ 2011નું છે, જેમાં સુષ્મિતા સેનને લલિત મોદીને ટ્વિટર પર 'બ્લૂ ટિક માર્ક' અપાવવામાં મદદ કરવા માટે શુભેચ્છા પાઠવી હતી. તેમણે પોતાના ટ્વીટમાં લખ્યું હતું કે, ફાઈનલી મારું ટ્વિટર એકાઉન્ટ વેરિફાય થઈ ગયું!! લલિત મોદી તમારી મદદ માટે આભાર! તેના સિવાય બન્નેની વચ્ચે વાતચીતનું અન્ય ઉદાહરણ પણ ઓનલાઈન સામે આવ્યું છે. એક ટ્વીટમાં લલિત મોદીએ પૂર્વ મિસ યૂનિવર્સને પોતાના એસએમએસનો જવાબ આપવા માટે જણાવ્યું હતું.

@thesushmitasen reply my SMS

— Lalit Kumar Modi (@LalitKModi) April 27, 2013

લલિત મોદીએ શેર કરી હતી તસવીરો
તમને જણાવી દઈએ કે ગુરુવારે 56 વર્ષીય લલિત મોદીએ સેનની સાથે ઘણી તસવીરો શેર કરી અને પૂર્વ મિસ યૂનિવર્સને પોતાની બેટર હાફ ગણાવી. આ ટ્વીટ બાદ બન્નેના લગ્નની અટકળો વહેતી થઈ. જોકે, મોદીએ એક અન્ય ટ્વીટમાં તેની સ્પષ્ટતા કરી અને કહ્યું કે હાલ તેઓ માત્ર એક બીજાને ડેટિંગ કરી રહ્યા છે.

Just back in london after a whirling global tour #maldives # sardinia with the families - not to mention my #betterhalf @sushmitasen47 - a new beginning a new life finally. Over the moon. 🥰😘😍😍🥰💕💞💖💘💓 pic.twitter.com/Vvks5afTfz

— Lalit Kumar Modi (@LalitKModi) July 14, 2022