જમ્મુ અને કાશ્મીરમાં કૂપવાડા જિલ્લામાં ભારતીય સુરક્ષાદળોએ 2 આતંકીઓને ઠાર કર્યાં. સુરક્ષા કારણોસર વિસ્તારમાં ઈન્ટરનેટ સેવા પર રોક લગાવવામાં આવી છે. આ ઓપરેશનને સેના, સીઆરપીએફ અને જમ્મુ તથા કાશ્મીર પોલીસની જોઈન્ટ ટીમે અંજામ આપ્યો છે. ગત રાતે સુરક્ષાદળોએ વિસ્તારમાં આતંકીઓ છૂપાયેલા હોવાની સુચના મળ્યા બાદ આજે સવારે 5 વાગે વિસ્તારમાં સર્ચ ઓપરેશન ચલાવ્યું. આ દરમિયાન આતંકીઓએ સુરક્ષાદળો પર ફાયરિંગ શરૂ કરી દીધુ. ત્યારબાદ ભારતીય સુરક્ષાદળોએ પણ જવાબી કાર્યવાહી કરતા આતંકીઓ પર ફાયરિંગ કર્યું.