નવો મોટર વ્હીકલ એક્ટ દેશભરમાં લાગુ કરવામાં આવ્યો છે, જોકે ગુજરાત સરકારે દંડમાં રાહત આપી હતી, અને લોકોને સુવિધા મળે અને તકલીફ ન પડે તે માટે 31મી ઓક્ટોબર સુધી હેલ્મેટ, પીયૂસી અને HSRP નંબર પ્લેટમાં છૂટછાટ આપી હતી. સરકારે આપેલી છૂટછાટ 1લી નવેમ્બરથી પુરી થશે જેથી, પોલીસ વિભાગ ફરી કડક કાર્યવાહી કરવાની તૈયારી કરી રહ્યું છે. સુરત શહેર પોલીસ દ્વારા કડક કાર્યવાહી કરવા માટે એક્શન પ્લાન બનાવવામાં આવ્યો છે.