વિશ્વના એવો રાજા જેની પાસે હતું દુનિયાનું અડધું સોનું હતું : સોનું રાખવા બનાવ્યા હતા મહેલો

Mansa Musa Story: આજના અબજોપતિઓ વિશે તો દરેક જણ જાણે છે, પરંતુ જો તમને 500-600 વર્ષ જૂના અબજોપતિઓના નામ પૂછવામાં આવે તો તમે કદાચ એક પણ વ્યક્તિનું નામ ન આપી શકો. લોકશાહીના આગમન પહેલા વિશ્વમાં રાજાઓ, સમ્રાટો અને સુલતાનો દ્વારા શાસન હતું. આ લોકો પાસે સૌથી વધુ સંપત્તિ હતી. અમે તમને ઇતિહાસના એક એવા રાજા વિશે જણાવવા જઈ રહ્યા છીએ જેની પાસે દુનિયાનું લગભગ અડધું સોનું હતું. આના પરથી તમે કલ્પી શકો છો કે તે વ્યક્તિ કેટલો ધનવાન હશે.

જે શ્રીમંત રાજાની આ વાર્તા છે તેનો દેશ આજે ગરીબ દેશોની યાદીમાં સામેલ છે. એક સમય હતો જ્યારે માલી પર મનસા મુસાનું શાસન હતું. મનસા મુસાએ 1312 થી 1337 સુધી માલી સામ્રાજ્ય પર શાસન કર્યું. ખાસ વાત એ છે કે દુનિયા મનસા મુસાને સોનાના ઉત્પાદક તરીકે ઓળખતી હતી. માલીના આ સુલતાનને ઘણા ઈતિહાસકારોએ દુનિયાનો સૌથી ધનિક વ્યક્તિ ગણાવ્યો છે.

આ પણ વાંચોઃ 'આકાશમાંથી આગ વરસશે', અવકાશને લઈને નાસ્ત્રેદમસની આ ભવિષ્યવાણીએ વધારી ચિંતા

વિશ્વનું અડધું સોનું મહેલોમાં રાખતો હતો
માલીના શાસક મનસા મુસા પાસે વિશ્વના ઘણા દેશોના વેપારીઓ સોનું ખરીદવા આવતા હતા. એવું કહેવાય છે કે મનસા મુસા પાસે એટલું સોનું હતું કે તેને રાખવા માટે મહેલોની જરૂર હતી. એટલું જ નહીં, એવું પણ કહેવાય છે કે તેણે અડધી દુનિયાનું સોનું મહેલોમાં રાખ્યું હતું.

મનસા મુસાની નેટવર્થ
વિશ્વના આર્થિક ઇતિહાસકારોના મતે માલીના શાસક મનસા મુસાની સંપત્તિનું પ્રમાણ નક્કી કરવું અશક્ય છે. વર્ષ 2012માં અમેરિકાની સેલિબ્રિટી નેટવર્થ વેબસાઈટ અનુસાર, મનસા મુસાની કુલ સંપત્તિ લગભગ $400 બિલિયન એટલે કે 33,00000 કરોડ રૂપિયા હતી. જો કે, ઈતિહાસકારો આ સાથે સહમત નથી, કારણ કે તેમને લાગે છે કે આ આંકડો હજુ પણ વધારે હોઈ શકે છે.

બ્રિટિશ મ્યુઝિયમ અનુસાર, જ્યારે માલી પર મનસા મુસાનું શાસન હતું, તે સમયે આ દેશમાં વિશ્વનું અડધું સોનું હતું અને આ બધું સોનું શાહી તિજોરીમાં હતું. આ જ કારણ હતું કે વિશ્વભરમાંથી વેપારીઓ સોનું ખરીદવા માટે માલીમાં આવતા હતા.

આ પણ વાંચોઃ શાહી પરિવાર પર સવાલો ઉઠાવનાર અબજોપતિનું નિધન, ડાયના સાથે પુત્રનું થયું હતું મોત

મનસા મુસા ધનવાન હોવા ઉપરાંત એક મહાન પરોપકારી પણ હતા. માલીની મક્કાની ઐતિહાસિક મુલાકાત દરમિયાન તેમણે લગભગ 2000 કિલો સોનું દાન કર્યું હતું. તેમણે શાહી પરિવાર, સૈનિકો, વેપારીઓ અને 12,000 ગુલામો સહિત 60,000 લોકોના વિશાળ કાફલા સાથે માલી છોડ્યું હતું. મક્કાની તેમની ઐતિહાસિક મુલાકાત દરમિયાન, મનસા મુસા 10 દિવસ ઇજિપ્તમાં રહ્યા, જ્યાં તેમણે લોકોને દાન તરીકે સોનું આપ્યું હતું.