ಕಲಬುರ್ಗಿ, ಬಳ್ಳಾರಿ ಹಾಗೂ ಬೆಂಗಳೂರಿನಲ್ಲಿಂದು ಮೋದಿ ಮೇನಿಯಾ

ಎರಡನೇ ಹಂತದಲ್ಲಿ ಮೂರು ಜಿಲ್ಲೆಗಳ ಪ್ರವಾಸ ಮಾಡಲಿದ್ದಾರೆ ಪ್ರಧಾನಿ ಮೋದಿ.

ಬೆಂಗಳೂರು: ರಾಜ್ಯ ವಿಧಾನಸಭೆ ಚುನಾವಣೆ ಹಿನ್ನೆಲೆಯಲ್ಲಿ ಮೊನ್ನೆಯಷ್ಟೇ ರಾಜ್ಯ ಪ್ರವಾಸ ಪ್ರಾರಂಭಿಸಿದ ಪ್ರಧಾನಮಂತ್ರಿ ನರೇಂದ್ರಮೋದಿ ಅವರ ಎರಡನೇ ಹಂತದ ಪ್ರವಾಸ ಇಂದು ಮುಂದುವರೆಯಲಿದೆ. ಕಲಬುರ್ಗಿ, ಬಳ್ಳಾರಿ ಹಾಗೂ ಬೆಂಗಳೂರಿನಲ್ಲಿಂದು ಮೋದಿ ಮೇನಿಯಾ ಮುಂದುವರೆಯಲಿದೆ.

ಬೆಳಿಗ್ಗೆ 11 ಗಂಟೆಗೆ ಕಲ್ಬುರ್ಗಿಗೆ ಆಗಮಿಸಲಿರುವ ಮೋದಿ, ಮಧ್ಯಾಹ್ನ 12:30ಕ್ಕೆ ಕಲ್ಬುರ್ಗಿಯ ನವೋದಯ ವಿದ್ಯಾಲಯ ಮೈದಾನದಲ್ಲಿ ಆಯೋಜಿಸಿರುವ ಸಾರ್ವಜನಿಕ ಸಭೆಯಲ್ಲಿ ಮಾತನಾಡಲಿದ್ದಾರೆ. ಅಲ್ಲಿಂದ ಗಣಿ-ಧಣಿಗಳ ನಾಡು ಬಳ್ಳಾರಿಗೆ ತೆರಳಲಿರುವ ನಮೋ ಮಧ್ಯಾಹ್ನ 03:00ಕ್ಕೆ ಬಳ್ಳಾರಿ ಜಿಲ್ಲಾ ಸ್ಟೇಡಿಯಂ ನಲ್ಲಿ ಸಾರ್ವಜನಿಕ ಸಭೆಯಲ್ಲಿ ಭಾಗವಹಿಸಲಿದ್ದಾರೆ. ನಂತರ ಬೆಂಗಳೂರು(ಉತ್ತರ) ಆಗಮಿಸಲಿರುವ ಪ್ರಧಾನಿ ಮೋದಿ ಸಂಜೆ 05:30ಕ್ಕೆ ಸಾರ್ವಜನಿಕ ಸಭೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ.

PM Shri @narendramodi will address public rallies in Karnataka’s Kalaburagi, Ballari and Bengaluru today. Watch LIVE at https://t.co/vpP0MInUi4. Listen LIVE speech by dialing 9345014501. @BJP4Karnataka #NaavuModiJothe pic.twitter.com/4s2WJrR5e6

— BJP (@BJP4India) May 3, 2018