National Pension System: ನಿಮ್ಮ ಎನ್‌ಪಿ‌ಎಸ್ ಅಕೌಂಟ್ ಫ್ರೀಜ್ ಆಗಿದ್ಯಾ? ಚಿಂತೆಬಿಡಿ, ಈ ರೀತಿ ಮತ್ತೆ ಸಕ್ರಿಯಗೊಳಿಸಿ

National Pension System: ಎನ್‌ಪಿಎಸ್ ಎಂದರೆ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಯು ಹೂಡಿಕೆದಾರರಿಗೆ ನಿವೃತ್ತಿಯ ಮೇಲೆ ದೊಡ್ಡ ನಿಧಿ ಮತ್ತು ಪಿಂಚಣಿ ಸೌಲಭ್ಯವನ್ನು ಒದಗಿಸುವ ಯೋಜನೆಯಾಗಿದೆ. ಆದರೆ, ಹೂಡಿಕೆ ಸಮಯದಲ್ಲಿ ಮಾಡುವ ಕೆಲವು ತಪ್ಪುಗಳಿಂದಾಗಿ ಎನ್‌ಪಿ‌ಎಸ್ ಖಾತೆ ಫ್ರೀಜ್ ಆಗಬಹುದು. ಆದರೆ, ಈ ಬಗ್ಗೆ ಚಿಂತಿಸುವ ಅಗತ್ಯವಿಲ್ಲ, ಕೆಲವೇ ಕೆಲವು ಹಂತಗಳನ್ನು ಅನುರಿಸುವ ಮೂಲಕ ನೀವು ನಿಮ್ಮ ಫ್ರೀಜ್ ಆಗಿರುವ ಎನ್‌ಪಿ‌ಎಸ್ ಖಾತೆಯನ್ನು ಮತ್ತೆ ಸಕ್ರಿಯಗೊಳಿಸಬಹುದು.

National Pension System: ವೃದ್ದಾಪ್ಯವನ್ನು ನೆಮ್ಮದಿಯಿಂದ ಕಳೆಯಲು ಕೈಯಲ್ಲಿ ಒಂದಿಷ್ಟು ಹಣ ಇರುವುದು ಬಹಳ ಮುಖ್ಯ. ಇದಕ್ಕಾಗಿ, ನಿವೃತ್ತಿ ನಂತರದ ಜೀವನದಲ್ಲಿ ಹಣಕಾಸಿನ ಅಗತ್ಯತೆಗಳಿಗೆ ಅನುವಾಗುವಂತೆ ನಿಗಾವಹಿಸಲು ದುಡಿಯುವ ಸಮಯದಲ್ಲಿ ಹೂಡಿಕೆ ಮಾಡುವುದು ತುಂಬಾ ಅಗತ್ಯ. ಇಂತಹ ಹೂಡಿಕೆ ಯೋಜನೆಗಳಲ್ಲಿ ಎನ್‌ಪಿ‌ಎಸ್ ಎಂದರೆ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ ಕೂಡ ಒಂದು. 

ಎನ್‌ಪಿಎಸ್‌ನಲ್ಲಿ ಹೂಡಿಕೆ ಮಾಡುವ ಮೂಲಕ ಖಾತೆದಾರರು ಮಾರುಕಟ್ಟೆ ಆಧಾರಿತ ಆದಾಯವನ್ನು ಪಡೆಯುತ್ತಾರೆ. ಹಣವನ್ನು ಎನ್‌ಪಿಎಸ್‌ನಲ್ಲಿ ಎರಡು ರೀತಿಯಲ್ಲಿ ಹೂಡಿಕೆ ಮಾಡಲಾಗುತ್ತದೆ. ಮೊದಲ ಶ್ರೇಣಿ-1 ಇದು ನಿವೃತ್ತಿ ಖಾತೆ ಮತ್ತು ಎರಡನೇ ಶ್ರೇಣಿ-2 ಇದು ಸ್ವಯಂಪ್ರೇರಿತ ಖಾತೆಯಾಗಿದೆ. 60 ವರ್ಷ ತುಂಬಿದ ನಂತರ ನೀವು ಎನ್‌ಪಿಎಸ್‌ನಲ್ಲಿ ಹೂಡಿಕೆ ಮಾಡಿದ ಒಟ್ಟು ಮೊತ್ತದ 60 ಪ್ರತಿಶತವನ್ನು ಏಕರೂಪವಾಗಿ ತೆಗೆದುಕೊಳ್ಳಬಹುದು, ಆದರೆ 40 ಪ್ರತಿಶತವನ್ನು ವರ್ಷಾಶನವಾಗಿ ಬಳಸಲಾಗುತ್ತದೆ. 

ಈ ರೀತಿಯಾಗಿ ಎನ್‌ಪಿಎಸ್‌ನಲ್ಲಿ ಹೂಡಿಕೆ ಮಾಡುವ ಮೂಲಕ ವೃದ್ಧಾಪ್ಯಕ್ಕಾಗಿ ನೀವು ದೊಡ್ಡ ನಿಧಿ ಮತ್ತು ಪಿಂಚಣಿ ಎರಡನ್ನೂ ವ್ಯವಸ್ಥೆಗೊಳಿಸಬಹುದು. ಆದರೆ, ಡಬಲ್ ಪ್ರಯೋಜನಗಳನ್ನು ನೀಡುವ ಈ ಯೋಜನೆಯಲ್ಲಿ, ಕೊಡುಗೆಯ ಸಮಯದಲ್ಲಿ ಮಾಡಿದ ತಪ್ಪು ನಿಮ್ಮ ಖಾತೆಯನ್ನು ಫ್ರೀಜ್ ಮಾಡಬಹುದು. ಆದಾಗ್ಯೂ, ನೀವು ಫ್ರೀಜ್ ಮಾಡಿದ ಖಾತೆಯನ್ನು ಪುನಃ ಸಕ್ರಿಯಗೊಳಿಸಬಹುದು. ಎನ್‌ಪಿ‌ಎಸ್ ಖಾತೆ ಏಕೆ ನಿಷ್ಕ್ರಿಯವಾಗುತ್ತದೆ ಮತ್ತು ನಿಷ್ಕ್ರಿಯ ಖಾತೆಯನ್ನು ಮರುಸಕ್ರಿಯಗೊಳಿಸುವುದು ಹೇಗೆ ಎಂಬುದನ್ನು ತಿಳಿಯೋಣ... 

ಇದನ್ನೂ ಓದಿ- ESIC Update: ನಿವೃತ್ತ ನೌಕರರಿಗೊಂದು ಭಾರಿ ನೆಮ್ಮದಿಯ ಸುದ್ದಿ ಪ್ರಕಟಿಸಿದ ಇಎಸ್ಐಸಿ, ಯಾರಿಗೆ ಸಿಗಲಿದೆ ಲಾಭ?

ಎನ್‌ಪಿಎಸ್- ಎಂತಹ ಖಾತೆಗಳನ್ನು ಫ್ರೀಜ್ ಮಾಡಲಾಗುತ್ತದೆ? 
ಎನ್‌ಪಿಎಸ್‌ಗೆ ಚಂದಾದಾರರಾಗಲು, ಶ್ರೇಣಿ 1 ಖಾತೆಯನ್ನು ತೆರೆಯುವುದು ಅವಶ್ಯಕ. ಇದರ ನಂತರ, ಸದಸ್ಯರು ಬಯಸಿದರೆ, ಅವರು ಶ್ರೇಣಿ 2 ಖಾತೆಯನ್ನು ಸಹ ತೆರೆಯಬಹುದು. ಖಾತೆಯನ್ನು ತೆರೆಯುವಾಗ, ನೀವು ಟೈರ್ 1 ರಲ್ಲಿ 500 ರೂ.  ಮತ್ತು ಶ್ರೇಣಿ 2 ರಲ್ಲಿ 1000 ರೂ.  ಹೂಡಿಕೆ ಮಾಡಬೇಕು. ಇದರ ನಂತರ, ಶ್ರೇಣಿ 1 ರಲ್ಲಿ ವಾರ್ಷಿಕವಾಗಿ ಕನಿಷ್ಠ 500 ರೂ. ಮತ್ತು ಶ್ರೇಣಿ 2 ರಲ್ಲಿ ವಾರ್ಷಿಕವಾಗಿ ಕನಿಷ್ಠ 250 ರೂ. ಹೂಡಿಕೆ ಮಾಡುವುದು ಅತ್ಯಗತ್ಯ. ಆದಾಗ್ಯೂ, ಈ ಯೋಜನೆಯಲ್ಲಿ ಹೂಡಿಕೆ ಮಾಡಲು ಯಾವುದೇ ಗರಿಷ್ಠ ಮಿತಿಯಿಲ್ಲ.  ಎನ್‌ಪಿ‌ಎಸ್ ಖಾತೆದಾರರು ಯಾವುದೇ ಒಂದು ಆರ್ಥಿಕ ವರ್ಷದಲ್ಲಿ ನಿಗದಿತ ಕನಿಷ್ಠ ಮೊತ್ತವನ್ನು ಠೇವಣಿ ಮಾಡದಿದ್ದರೆ, ಅವರ ಎನ್‌ಪಿ‌ಎಸ್ ಖಾತೆಯನ್ನು ಫ್ರೀಜ್ ಮಾಡಬಹುದು ಅಥವಾ ನಿಷ್ಕ್ರಿಯಗೊಳಿಸಬಹುದು.

ಇದನ್ನೂ ಓದಿ- ಏನಿದು Blue Aadhaar Card? ಸಾಮಾನ್ಯ ಆಧಾರ್ ಕಾರ್ಡ್‌ಗಿಂತ ಇದು ಹೇಗೆ ಭಿನ್ನವಾಗಿದೆ?

ಫ್ರೀಜ್ ಆಗಿರುವ ಎನ್‌ಪಿ‌ಎಸ್ ಖಾತೆಯನ್ನು ಮತ್ತೆ ಸಕ್ರಿಯಗೊಳಿಸುವುದು ಹೇಗೆ? 
* ನಿಮ್ಮ ಫ್ರೀಜ್ ಆಗಿರುವ ಎನ್‌ಪಿ‌ಎಸ್ ಖಾತೆಯನ್ನು  ಪುನಃ ಸಕ್ರಿಯಗೊಳಿಸಲು, ನೀವು UOS-S10-A ಫಾರ್ಮ್ ಅನ್ನು ಭರ್ತಿ ಮಾಡಿ ಸಲ್ಲಿಸಬೇಕು. ಇದಕ್ಕಾಗಿ ನೀವು ಈ ಫಾರ್ಮ್ ಅನ್ನು ಅಂಚೆ ಕಚೇರಿಯಿಂದ ಅಥವಾ ನಿಮ್ಮಎನ್‌ಪಿ‌ಎಸ್ ಖಾತೆ ಚಾಲನೆಯಲ್ಲಿರುವ ಸ್ಥಳದಿಂದ ನೀವು ಈ ಫಾರ್ಮ್ ಅನ್ನು ತೆಗೆದುಕೊಳ್ಳಬಹುದು. 
* ನೀವು ಫಾರ್ಮ್ ಅನ್ನು ಆನ್‌ಲೈನ್‌ನಲ್ಲಿಯೂ ಡೌನ್‌ಲೋಡ್ ಮಾಡಬಹುದು. ಇದಕ್ಕಾಗಿ ನೀವು ಲಿಂಕ್ ಕೆಳಗೆ ನೀಡಲಾಗಿರುವ ಲಿಂಕ್ ಅನ್ನು ಬಳಸಬಹುದು.  https://npscra.nsdl.co.in/download/non-government-sector/all-citizens-of...
* ಫಾರ್ಮ್ ಭರ್ತಿ ಮಾಡಿದ ಬಳಿಕ ಫಾರ್ಮ್‌ನೊಂದಿಗೆ ಚಂದಾದಾರರ PRAN ಕಾರ್ಡ್‌ನ ನಕಲನ್ನು ಲಗತ್ತಿಸಿ,  ಚಂದಾದಾರರು ವಾರ್ಷಿಕ ಕೊಡುಗೆಯ ಬಾಕಿ ಮೊತ್ತವನ್ನು ಖಾತೆಯಲ್ಲಿ ಜಮಾ ಮಾಡಬೇಕು ಮತ್ತು ಇದರೊಂದಿಗೆ 100 ರೂ. ದಂಡವನ್ನು ಸಹ ಪಾವತಿಸಬೇಕಾಗುತ್ತದೆ. 
* ಅರ್ಜಿಯನ್ನು ಸಲ್ಲಿಸಿದ ನಂತರ, ನಿಮ್ಮ ಖಾತೆಯನ್ನು ಕಚೇರಿ ಅಧಿಕಾರಿಗಳು ಪರಿಶೀಲಿಸುತ್ತಾರೆ. ಇದರ ನಂತರ ನಿಮ್ಮ ಅಪ್ಲಿಕೇಶನ್ ಅನ್ನು ಪ್ರಕ್ರಿಯೆಗೊಳಿಸಲಾಗುತ್ತದೆ ಮತ್ತು PRAN ಅನ್ನು ಸಕ್ರಿಯಗೊಳಿಸಲಾಗುತ್ತದೆ.

ಈ ರೀತಿಯಾಗಿ ನೀವು ನಿಮ್ಮ ನಿಷ್ಕ್ರಿಯ ಎನ್‌ಪಿ‌ಎಸ್ ಖಾತೆಯನ್ನು ಸುಲಭವಾಗಿ ಸಕ್ರಿಯಗೊಳಿಸಬಹುದು.