Job Alert: ನಿಮಗೆ ತಕ್ಷಣ ಉದ್ಯೋಗದ ಅವಶ್ಯತೆ ಇದೆಯೇ? ಹಾಗಿದ್ದಲ್ಲಿ ಇಲ್ಲಿದೆ ಭರಪೂರ ಅವಕಾಶ

ನವದೆಹಲಿ: ನೀವು ಉದ್ಯೋಗಕ್ಕಾಗಿ ಅಲೆಯುತ್ತಿದ್ದರೆ, ಈ ವಾರ ಅರ್ಜಿ ಸಲ್ಲಿಸಬಹುದಾದ ಸರ್ಕಾರಿ ಅಥವಾ ಖಾಸಗಿ ವಲಯದ ಉದ್ಯೋಗಗಳ ಪಟ್ಟಿ ಇಲ್ಲಿದೆ.ಡಿಫೆನ್ಸ್ ರಿಸರ್ಚ್ ಅಂಡ್ ಡೆವಲಪ್‌ಮೆಂಟ್ ಆರ್ಗನೈಸೇಶನ್ (ಡಿಆರ್‌ಡಿಒ) ನಲ್ಲಿ ಖಾಲಿ ಇರುವ ಹುದ್ದೆಗಳಿಂದ ಹಿಡಿದು ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ (ಟಿಸಿಎಸ್) ನಂತಹ ಪ್ರತಿಷ್ಠಿತ ಕಂಪನಿಗಳಲ್ಲಿನ ಹುದ್ದೆಗಳವರೆಗೆ, ಖಾಸಗಿ ಅಥವಾ ಸಾರ್ವಜನಿಕ ವಲಯದಲ್ಲಿ ಉದ್ಯೋಗಗಳನ್ನು ಹುಡುಕುತ್ತಿರುವ ಅಭ್ಯರ್ಥಿಗಳಿಗೆ ಹಲವಾರು ಅವಕಾಶಗಳಿವೆ. ಇದು ವಿವಿಧ ಹಂತದ ಶೈಕ್ಷಣಿಕ ಅರ್ಹತೆಗಳು ಮತ್ತು ಅನುಭವದ ಮಟ್ಟವನ್ನು ಹೊಂದಿರುವ ಅಭ್ಯರ್ಥಿಗಳಿಗೆ ಆಯ್ಕೆಗಳನ್ನು ಒಳಗೊಂಡಿದೆ. ಈ ವಾರ ನೀವು ಅರ್ಜಿ ಸಲ್ಲಿಸಬಹುದಾದ ಅವಕಾಶಗಳ ಪಟ್ಟಿ ಇಲ್ಲಿದೆ.

ಡಿಆರ್‌ಡಿಒ ನೇಮಕಾತಿ

ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (DRDO) ವಿವಿಧ ಹಂತದ ಕೆಲಸದ ಅನುಭವದ ವಿಜ್ಞಾನಿಗಳ 58 ಹುದ್ದೆಗಳನ್ನು ಭರ್ತಿ ಮಾಡಲು ಅರ್ಜಿಗಳನ್ನು ಆಹ್ವಾನಿಸಿದೆ.ಹುದ್ದೆಯ ಆಧಾರದ ಮೇಲೆ ನೇಮಕಾತಿಯ ಮೇಲಿನ ಮಿತಿಯು 35 ರಿಂದ 50 ವರ್ಷಗಳವರೆಗೆ ಇರುತ್ತದೆ. ಎರಡು ಸುತ್ತಿನ ಸಂದರ್ಶನಗಳನ್ನು ಒಳಗೊಂಡಿರುವ ಬಹು ಹಂತದ ಪ್ರಕ್ರಿಯೆಯ ಆಧಾರದ ಮೇಲೆ ಆಯ್ಕೆಯನ್ನು ಮಾಡಲಾಗುತ್ತದೆ. ಆಯ್ಕೆಯಾದ ಅಭ್ಯರ್ಥಿಗಳು ಹಂತ 13 ಎ ಪ್ರಕಾರ ರೂ 1,31,100 ವರೆಗೆ ವೇತನಕ್ಕೆ ಅರ್ಹರಾಗಿರುತ್ತಾರೆ. ಮಾಹಿತಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.

ಯುಪಿ ಟಿಜಿಟಿ, ಪಿಜಿಟಿ ನೇಮಕಾತಿ

ಉತ್ತರ ಪ್ರದೇಶ ಮಾಧ್ಯಮಿಕ ಶಿಕ್ಷಣ ಸೇವಾ ಆಯ್ಕೆ ಮಂಡಳಿ (UPSESSB) ಸರ್ಕಾರಿ ಅನುದಾನಿತ ಶಾಲೆಗಳಲ್ಲಿ 4,163 ಶಿಕ್ಷಕರ ಹುದ್ದೆಗಳನ್ನು ಭರ್ತಿ ಮಾಡಲು ನೇಮಕಾತಿ ಪ್ರಕಟಣೆ ಹೊರಡಿಸಿದೆ. ಒಟ್ಟು 3,539 ಹುದ್ದೆಗಳು ತರಬೇತಿ ಪಡೆದ ಪದವೀಧರ ಶಿಕ್ಷಕರಿಗೆ (ಟಿಜಿಟಿ) ಲಭ್ಯವಿದ್ದು, 624 ಹುದ್ದೆಗಳು ಸ್ನಾತಕೋತ್ತರ ಶಿಕ್ಷಕರಿಗೆ (ಪಿಜಿಟಿ) ಮೀಸಲಾಗಿವೆ. ಆಯ್ಕೆಯಾದ ಅಭ್ಯರ್ಥಿಗಳು ರೂ 44,900 ರಿಂದ ರೂ 1,42,400 ರವರೆಗಿನ ವೇತನಕ್ಕೆ ಅರ್ಹರಾಗಿರುತ್ತಾರೆ.

ಭಾರತೀಯ ಕೋಸ್ಟ್ ಗಾರ್ಡ್

ಇಂಡಿಯನ್ ಕೋಸ್ಟ್ ಗಾರ್ಡ್ ನ ಪಶ್ಚಿಮ ವಿಭಾಗವು ತನ್ನ ಮುಂಬೈ, ರತ್ನಗಿರಿ, ಕೊಚ್ಚಿ ಮತ್ತು ಕವರಟ್ಟಿ ಸ್ಥಳಗಳಲ್ಲಿ ನೇರ ನೇಮಕಾತಿಯಲ್ಲಿ ವಿವಿಧ ನಾಗರಿಕ ಹುದ್ದೆಗಳಿಗೆ ಅರ್ಜಿಗಳನ್ನು ಆಹ್ವಾನಿಸಿದೆ. ನೇಮಕಾತಿಯು ಜನರಲ್ ಸೆಂಟ್ರಲ್ ಸರ್ವೀಸ್ ಗ್ರೂಪ್ 'ಸಿ' ನಾನ್ ಗೆಜೆಟ್ ಅಡಿಯಲ್ಲಿ ಖಾಲಿ ಹುದ್ದೆಗಳನ್ನು ಭರ್ತಿ ಮಾಡುತ್ತದೆ. ಎಲ್ಲಾ ಅರ್ಜಿ ನಮೂನೆಗಳನ್ನು ಜುಲೈ 9 ರಂದು ಅಥವಾ ಅದಕ್ಕೂ ಮೊದಲು ಭಾರತೀಯ ಕೋಸ್ಟ್ ಗಾರ್ಡ್ ಪ್ರಧಾನ ಕಛೇರಿಗೆ ಕಳುಹಿಸಬೇಕು. 

RRB ನೇಮಕಾತಿ

ಇನ್‌ಸ್ಟಿಟ್ಯೂಟ್ ಆಫ್ ಬ್ಯಾಂಕಿಂಗ್ ಪರ್ಸನಲ್ ಸೆಲೆಕ್ಷನ್ (IBPS) RRB ಗಳಲ್ಲಿ ಗ್ರೂಪ್ 'ಎ' ಆಫೀಸರ್ಸ್ (ಸ್ಕೇಲ್-I, II ಮತ್ತು III) ಮತ್ತು ಗ್ರೂಪ್ 'ಬಿ' ಆಫೀಸ್ ಅಸಿಸ್ಟೆಂಟ್ (ಮಲ್ಟಿಪರ್ಪಸ್) ಮಟ್ಟದ ಹುದ್ದೆಗಳಿಗೆ 8,106 ಖಾಲಿ ಹುದ್ದೆಗಳಿಗೆ ಅರ್ಜಿಗಳನ್ನು ಆಹ್ವಾನಿಸಿದೆ. ಅಭ್ಯರ್ಥಿಗಳು ತಮ್ಮ ಆನ್‌ಲೈನ್ ಅರ್ಜಿಗಳನ್ನು ಜೂನ್ 27 ರೊಳಗೆ ಕಳುಹಿಸಬಹುದು. 

MYNTRA ನೇಮಕಾತಿ

ಇ-ಕಾಮರ್ಸ್ ದೈತ್ಯ ಮೈಂತ್ರಾ ಬೆಂಗಳೂರಿನ ಸ್ಥಳಕ್ಕಾಗಿ ವ್ಯಾಪಾರ ಹಣಕಾಸು ವ್ಯವಸ್ಥಾಪಕರನ್ನು ನೇಮಿಸಿಕೊಳ್ಳುತ್ತಿದೆ. ನೇಮಕಾತಿಗೆ ಅರ್ಹತೆ ಪಡೆಯಲು, ಅಭ್ಯರ್ಥಿಯು ಮಾರ್ಕೆಟಿಂಗ್ ಮತ್ತು ಫೈನಾನ್ಸ್‌ನಲ್ಲಿ ವಿಶೇಷತೆಯನ್ನು ಹೊಂದಿರುವ ಶ್ರೇಣಿ 1 ಬಿಸಿನೆಸ್ ಸ್ಕೂಲ್ ನಿಂದ ಸ್ನಾತಕೋತ್ತರ ಮ್ಯಾನೆಜ್ಮೆಂಟ್  ಪದವಿಯನ್ನು ಹೊಂದಿರಬೇಕು. ಹೆಚ್ಚುವರಿಯಾಗಿ, ಸಂಬಂಧಿತ ಕ್ಷೇತ್ರದಲ್ಲಿ ಕನಿಷ್ಠ 2 ರಿಂದ 3 ವರ್ಷಗಳ ಹಿಂದಿನ ಕೆಲಸದ ಅನುಭವವೂ ಕಡ್ಡಾಯವಾಗಿದೆ.ಅಭ್ಯರ್ಥಿಗಳು Myntra ವೆಬ್‌ಸೈಟ್‌ ಮೂಲಕವು ಈ ಪೋಸ್ಟ್‌ಗೆ ಅರ್ಜಿ ಸಲ್ಲಿಸಬಹುದು.

ಟಿಸಿಎಸ್ ನೇಮಕಾತಿ

ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ (TCS) 2022-23 ರ ಹಣಕಾಸು ವರ್ಷದಿಂದ ಕಂಪನಿಗೆ ಸೇರಬಹುದಾದ ಮ್ಯಾನೇಜ್‌ಮೆಂಟ್ ಪದವೀಧರರಿಂದ ಅರ್ಜಿಗಳನ್ನು ಆಹ್ವಾನಿಸಿದೆ. ನೇಮಕಾತಿಗೆ ಅರ್ಹತೆ ಪಡೆಯಲು, ಅಭ್ಯರ್ಥಿಯು ಎರಡು ವರ್ಷಗಳ ಪೂರ್ಣ ಸಮಯದ ಸ್ನಾತಕೋತ್ತರ ಪದವಿ MBA/MMS/ PGDBA/PGDM ಯನ್ನು ಪಡೆದಿರಬೇಕು ಹೆಚ್ಚುವರಿಯಾಗಿ, ಮ್ಯಾನೇಜ್‌ಮೆಂಟ್ ಪದವಿಯನ್ನು ಮುಂದುವರಿಸುವ ಮೊದಲು ಅಭ್ಯರ್ಥಿಗಳು ಬಿ.ಟೆಕ್ ಅನ್ನು ಪೂರ್ಣಗೊಳಿಸಿರಬೇಕು.ಅಭ್ಯರ್ಥಿಗಳು ಟಿಸಿಎಸ್ ನ ಅಧಿಕೃತ ವೆಬ್‌ಸೈಟ್ ಮೂಲಕ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು.