ಕೊಲೆ ಮಾಡಲು ಪ್ರಯತ್ನಿಸಿದ ಆರೋಪಿಗೆ 5 ವರ್ಷಗಳ ಕಠಿಣ ಶಿಕ್ಷೆ ಹಾಗೂ 2 ವರ್ಷಗಳ ಸಾದಾ ಶಿಕ್ಷೆ ಮತ್ತು ದಂಡ

ಸಾಂದರ್ಭಿಕ ಚಿತ್ರ

ಧಾರವಾಡ : ಧಾರವಾಡದ ಮಾನ್ಯ ಪ್ರಧಾನ ಜಿಲ್ಲಾ ಸತ್ರ ನ್ಯಾಯಾಧೀಶರಾದ ಕೆ.ಜಿ.ಶಾಂತಿ ರವರು ಆರೋಪಿ ನಿಖಿಲ ಮಲ್ಲಿಕಾರ್ಜುನ ಬಡಶೆಟ್ಟಿ ಸಾ: ಧಾರವಾಡ ರವಿವಾರಪೇಟ, ಅಡಕಿ ಓಣಿ ಇತನ ವಿರುದ್ದ ದಾಖಲಾದ ಪ್ರಕರಣವನ್ನು ಸುಧೀರ್ಘ ವಿಚಾರಣೆ ಮಾಡಿ, ಭಾರತೀಯ ದಂಡ ಸಂಹಿತೆ ಕಲಂ 323, 307, 504, 506, 201 ರೆ/ವು 34 ಐಪಿಸಿ ಅಡಿಯಲ್ಲಿ ತಪ್ಪಿತಸ್ಥನೆಂದು ತೀರ್ಮಾನಿಸಿ 05 ವರ್ಷಗಳ ಕಠಿಣ ಕಾರಾಗೃಹವಾಸದ ಶಿಕ್ಷೆ ಜೊತೆಗೆ 2 ವರ್ಷದ ಸಾದಾ ಜೈಲು ಶಿಕ್ಷೆ ಹಾಗೂ ರೂ.8,500/- ರೂಪಾಯಿ ದಂಡ ವಿಧಿಸಿದೆ.

ದಂಡದ ಹಣದ ಪೈಕಿ ಇಬ್ಬರು ಗಾಯಾಳುಗಳಿಗೆ ತಲಾ. ರೂ.2,500/- ರಂತೆ ಪರಿಹಾರ ನೀಡಲು ಆದೇಶಿಸಿ ದಿನಾಂಕ: 17-06-2023 ರಂದು ತೀರ್ಪು ನೀಡಿದ್ದಾರೆ. ಸರ್ಕಾರದ ಪರವಾಗಿ ಧಾರವಾಡದ ಪ್ರಧಾನ ಸರ್ಕಾರಿ ಅಭಿಯೋಜಕ ಬಿ.ವಿ.ಪಾಟೀಲ ಅವರು ವಾದವನ್ನು ಮಂಡಿಸಿದ್ದರು.