BBK 10: ಬಿಗ್‌ಬಾಸ್‌ ಇತಿಹಾಸ ಪುಟದಲ್ಲಿ ಕಳಪೆಯಿಲ್ಲದೇ ಜೈಲು ಸೇರಿದ ತುಕಾಲಿ ಸಂತೋಷ್!

Bigg Boss Kannada: ಬಿಗ್‌ಬಾಸ್‌ ಮನೆಯಲ್ಲಿ ಕಳೆದ ವಾರ ತುಕಾಲಿ ಮಾತು ಕೇಳಿ ವರ್ತೂರು ಸಂತೋಷ್ ಜೈಲಿಂದ ಹೊರಗೆ ಬಂದಿದಕ್ಕೆ, ಇದೀಗ ಮನೆಯ ಸದಸ್ಯರೆಲ್ಲರೂ ಒಮ್ಮತದಿಂದ ತುಕಾಲಿ ಸಂತೋಷ್‌ನನ್ನು ಜೈಲಿಗೆ ಕಳುಹಿಸಿದ್ದಾರೆ.

Tukali Santosh Imprisoned: ಬಿಗ್‌ಬಾಸ್ ಮನೆಯಲ್ಲಿ ಉತ್ತಮ, ಕಳಪೆ, ನಾಮಿನೇಷನ್ ಹೀಗೆ ಎಲ್ಲವೂ ಬಹಳ ಮುಖ್ಯವಾಗುತ್ತಿದ್ದು, ಮನೆಯ ನಿಯಮಗಳನ್ನು ಮೀರಿದರೆ ಅದಕ್ಕೆ ಶಿಕ್ಷೆ ಅಂತು ಖಂಡಿತ ಬಿಗ್‌ಬಾಸ್ ನೀಡಲಿದೆ. ವಾರ ಪೂರ್ತಿ ಮನೆಯಲ್ಲಿ ಆಕ್ಟಿವ್ ಆಗಿಲ್ಲದೆ ಇರುವವರಿಗೆ ಕಳಪೆ ನೀಡುತ್ತಿದ್ದು, ಆ ಕಳಪೆ ನೀಡಿದಾಗಲಾದರೂ ಸದಸ್ಯರು ಆಕ್ಟಿವ್ ಆಗುತ್ತಾರೆ ಎಂಬ ನಂಬಿಕೆ ಅದು. ಆದರೆ, ಈ ಸೀಸನ್‌ನಲ್ಲಿ ಒಂದು ಸಲ ಅಲ್ಲ ಎರಡು ಸಲ ಕಳಪೆಯನ್ನು ಕೊಡುವಾಗ ತಪ್ಪು ಆಯ್ಕೆ ಮಾಡಿದ್ದಾರೆ. 

ಹೌದು.. ಕಿಚ್ಚನ ಪಂಚಾಯ್ತಿಯಲ್ಲಿ ಎರಡು ಬಾರಿ ಸುದೀಪ್ ಹೇಳಿದ್ದರೂ, ಮತ್ತೆ ಮತ್ತೆ ಕಳಪೆ ನೀಡುವ ವಿಚಾರದಲ್ಲಿ ತಪ್ಪು ಮಾಡಿದ್ದಾರೆ. ಆದ್ರೀಗ ಈ ವಾರ ಕಳಪೆಯನ್ನೇ ಪಡೆಯದೆ ತುಕಾಲಿ ಸಂತೋಷ್ ಜೈಲು ಸೇರಿದ್ದಾರೆ. ಬಿಗ್‌ಬಾಸ್ ಮನೆಯಲ್ಲಿ ಜೈಲಿಗೆ ಹೋಗುವುದು ಗಂಭೀರ ಶಿಕ್ಷೆಯಾಗಿದ್ದರೇ, ಕಳೆದ ವಾರ ತುಕಾಲಿ ಮಾತು ಕೇಳಿ ವರ್ತೂರು ಸಂತೋಷ್ ಜೈಲಿಂದ ಹೊರಗೆ ಬಂದಿದ್ದರು. ಇದೇ ಕಾರಣಕ್ಕಾಗಿಯೇ ಕಿಚ್ಚನ ಪಂಚಾಯ್ತಿಯಲ್ಲಿ ತುಕಾಲಿಗೆ ಶಿಕ್ಷೆ ನೀಡಲು ಹೇಳಿ ಮನೆಯವರೆಲ್ಲ ಒಮ್ಮತದಿಂದ ತುಕಾಲಿಯನ್ನು ಜೈಲಿಗೆ ಹಾಕಲು ನಿರ್ಧರಿಸಿದರು. 

ಇದನ್ನೂ ಓದಿ: BBK 10: ಬಿಗ್‌ಬಾಸ್‌ ಮನೆಯಿಂದ ಹೊರನಡೆದ ತನಿಷಾ: ಏನಾಗಿತ್ತು ದೊಡ್ಮನೆಯ ಬೆಂಕಿಗೆ?

ಇದಕ್ಕೆ ಒಪ್ಪಿಗೆ ನೀಡಿದ ಬಿಗ್‌ಬಾಸ್ ತುಕಾಲಿಯನ್ನು ಜೈಲಿಗೆ ಕಳುಹಿಸಲು ಜೈಲಿನ ಕೀ ಕಳುಹಿಸಿಕೊಟ್ಟಿದ್ದಾರೆ. ಬಿಗ್‌ಬಾಸ್ ಒಪ್ಪಿಗೆ ನೀಡಿದರೂ ತುಕಾಲಿ ಅದಕ್ಕೆ ಒಪ್ಪದೆಯಿರುವಾಗ, ಮನೆಯವರೆಲ್ಲಾ ತುಕಾಲಿಯನ್ನು ಬಿಡದೇ, ತನಿಷಾ ಅಂತೂ ಸಿಕ್ಕಾಪಟ್ಟೆ ಖುಷಿ ಪಟ್ಟು, ಬರಿ ಗೈನಲ್ಲಿಯೇ ಆರತಿ ಬೆಳಗಿ ಜೈಲಿನ ಒಳಗೆ ಬಿಟ್ಟು ಬಂದರು. ವರ್ತೂರು ಸಂತೋಷ್ ಮನನೊಂದುಕೊಂಡು ಕಳುಹಿಸಿದಾಗ, ತುಕಾಳಿ ಫ್ರೆಂಡ್‌ಶಿಪ್ ಗೋಸ್ಕರ ಜೈಲಿಗೆ ಹೋಗುತ್ತಾ ಇದ್ದೀನಿ ಅಂತ ಹೇಳಿ ಅಳುತ್ತಾ, ಕಷ್ಟಪಟ್ಟು ಜೈಲಿಗೆ ಇಳಿದರು. 

ತಮಾಷೆ ಮಾಡಲು ಹೋಗಿ ಲಾಕ್ ಆದ ತುಕಾಲಿ, ಇದೀಗ ಜೈಲಿನೊಳಗೆ ಕೂತು ಒಬ್ಬರೆ ಮಾತನಾಡುತ್ತಾ, "ಕಾಮಿಡಿಯಾಗಿ ಇರುತ್ತದೆ ಎಂದು ಹೇಳಿದರೆ ಸೀರಿಯಸ್ ಆಗಿ ಹೋಯಿತು. ಜೈಲಿಂದ ತಪ್ಪಿಸಿಕೊಂಡವರು ಹಾಸಿಗೆ ಮೇಲೆ ಆರಾಮವಾಗಿ ಮಲಗಿದ್ದಾರೆ. ಹಿಸ್ಟರಿ ಕ್ರಿಯೇಟ್ ಮಾಡು ಅಂತ ಹೇಳುವುದಕ್ಕೆ ಹೋಗಿ ಜೈಲು ಸೇರಿದ್ದೀನಿ. ಇಲ್ಲಿ ಒಬ್ಬನೆ ಬೇರೆ. ಇದೇ ಮೊದಲು ಒಬ್ಬನೆ ಮಲಗುತ್ತಿರುವುದು" ಎಂದು ಭಯದಿಂದಾನೇ ಮಲಗಿದ್ದಾರೆ.