ಕರ್ನಾಟಕದ ಬಡ ವಿದ್ಯಾರ್ಥಿನಿಗೆ ಐಫೋನ್ ಕಳುಹಿಸಿದ ಬಾಲಿವುಡ್ ನಟಿ ತಾಪ್ಸಿ ಪನ್ನು

file photo

ಬೆಂಗಳೂರು: ಬಾಲಿವುಡ್ ನಟಿ ತಾಪ್ಸಿ ಪನ್ನು ಅವರು ಕರ್ನಾಟಕದ ವಿದ್ಯಾರ್ಥಿನಿಗೆ ಐಫೋನ್ ಕಳುಹಿಸಿದ್ದಾರೆ, ಅವರ ತಂದೆ ಶೈಕ್ಷಣಿಕವಾಗಿ ಉತ್ಕ್ರುತ್ಷ್ಟವಾಗಿದ್ದ ತನ್ನ ಮಗಳ ಶಿಕ್ಷಣಕ್ಕೆ ಸ್ಮಾರ್ಟ್ಫೋನ್ ಪಡೆಯಲು ಸಹಾಯವನ್ನು ಕೋರಿದ್ದಾರೆ.

ಪಿಯುಸಿ ಪರೀಕ್ಷೆಯಲ್ಲಿ ಶೇಕಡಾ 94 ರಷ್ಟು ಅಂಕಗಳನ್ನು ಗಳಿಸಿದ ವಿದ್ಯಾರ್ಥಿನಿ ಬಗ್ಗೆ ಮಾಧ್ಯಮದಲ್ಲಿ ಪ್ರಕಟವಾದ ನಂತರ ಹಲವರು ಕುಟುಂಬಕ್ಕೆ ಸಹಾಯ ಮಾಡಲು ಮುಂದಾಗಿದ್ದಾರೆ. ಕೆಲವರು ಹುಡುಗಿಯ ಮತ್ತು ಅವಳ ಇಬ್ಬರು ಸಹೋದರಿಯರ ಶಿಕ್ಷಣಕ್ಕಾಗಿ ಹಣ ನೀಡಲು ಮುಂದಾದರು.ಅದರಲ್ಲಿ ವಿದ್ಯಾರ್ಥಿನಿಯನ್ನು ಮೊದಲು ಸಂಪರ್ಕಿಸಿದವರೆಂದರೆ ನಟಿ ತಪ್ಸಿ ಪನ್ನು, ಅವರು ತಕ್ಷಣ ಪೋನ್ ರವಾನಿಸುವುದಾಗಿ ಹೇಳಿದ್ದರು. ಅವರು ಹೇಳಿದಂತೆ ಐಫೋನ್ ಇಂದು ಯುವ ವಿದ್ಯಾರ್ಥಿಯನ್ನು ತಲುಪಿದೆ.

"ಇಂದು, ನಾನು ಟ್ಯಾಪ್ಸೀ ಮಾಮ್‌ನಿಂದ ಫೋನ್ ಪಡೆದುಕೊಂಡಿದ್ದೇನೆ. ಇದು ನನಗೆ ನಂಬಲು ಸಾಧ್ಯವಾಗದ ಐಫೋನ್ ಆಗಿದೆ. ಇದನ್ನು ನಾನು ಊಹಿಸಿರಲೂ ಸಾಧ್ಯವಿಲ್ಲ! ನಾನು ಕಷ್ಟಪಟ್ಟು ಕೆಲಸ ಮಾಡುತ್ತೇನೆ ಮತ್ತು ನೀಟ್ (ವೈದ್ಯಕೀಯ ಪ್ರವೇಶ ಪರೀಕ್ಷೆ) ಅನ್ನು ಪಾಸ್ ಮಾಡಲು ಪ್ರಯತ್ನಿಸುತ್ತೇನೆ. ನನ್ನೊಂದಿಗೆ ನಿಮ್ಮ ಆಶೀರ್ವಾದ ಇರಲಿ, ಎಂದು ಅವರು ಹೇಳಿದರು.ಕರ್ನಾಟಕದ ವೃತ್ತಿಪರ ಕಾಲೇಜುಗಳಲ್ಲಿ ಪ್ರವೇಶಕ್ಕಾಗಿ ಸಿಇಟಿ ಪರೀಕ್ಷೆ ಬರೆದ ನಂತರ ಹಿಂದಿರುಗಿದಾಗ ನಟಿಯಿಂದ ಪೋನ್ ಬಂದಿರುವುದನ್ನು ಕಂಡುಕೊಂಡಳು ಎಂದು ಆ ವಿದ್ಯಾರ್ಥಿನಿ ತಿಳಿಸಿದ್ದಾಳೆ.

ಆಕೆಯ ತಂದೆ ತನ್ನ ಸಂಬಂಧಿಕರಿಂದ ಹಣವನ್ನು ಎರವಲು ಪಡೆದಿದ್ದರು ಮತ್ತು ಅವರ ಮೂವರು ಹೆಣ್ಣುಮಕ್ಕಳ ಶಿಕ್ಷಣಕ್ಕಾಗಿ ಹಣಕ್ಕಾಗಿ ಹೆಂಡತಿಯ ಚಿನ್ನದ ಆಭರಣಗಳನ್ನು ಮಾರಿದ್ದರು ಎನ್ನಲಾಗಿದೆ.

ಕೊರೊನಾವೈರಸ್ ಸಾಂಕ್ರಾಮಿಕದಿಂದ ಈ ದಿನಗಳಲ್ಲಿ ಹೆಚ್ಚಿನ ತರಬೇತಿ, ಶಿಕ್ಷಣವು ಆನ್‌ಲೈನ್‌ ನಲ್ಲಿ ನಡೆಯುತ್ತಿದೆ, ಇದು ದೈಹಿಕ ತರಗತಿಗಳ ರದ್ದತಿಗೆ ಕಾರಣವಾಗುತ್ತದೆ. ಆದಾಗ್ಯೂ, ಆನ್‌ಲೈನ್ ತರಗತಿ ನಿಜವಾಗಿಯೂ ಉತ್ತಮವಾಗಿದ್ದರೂ ಕೂಡ ಸ್ಮಾರ್ಟ್‌ಫೋನ್ ಹೊಂದದೆ ಇರುವ ಕುಟುಂಬಕ್ಕೆ ಇದು ಕಷ್ಟಕರವಾಗಿದೆ.