ಛತ್ರಪತಿ ಶಿವಾಜಿ ಆಗ್ತಾರಾ ರಾಕಿಂಗ್‌ ಸ್ಟಾರ್‌ ಯಶ್‌! ವೈರಲ್‌ ಆಗ್ತಿರುವ ಪೋಸ್ಟರ್‌ ಅಸಲಿಯತ್ತೇನು?

ರಾಕಿಂಗ್‌ ಸ್ಟಾರ್‌ ಯಶ್‌

ಕೆಜಿಎಫ್ 2 ಸಿನಿಮಾ ರಿಲೀಸ್ ಆದ ಬಳಿಕ ನಟ ಯಶ್ ಪ್ಯಾನ್‌ ಇಂಡಿಯಾ ಲೇವಲ್‌ ಅಲ್ಲಿ ಹೆಸರು ಮಾಡಿದ್ದಾರೆ. ವಿಶ್ವದ ಮೂಲೆ ಮೂಲೆಯಲ್ಲೂ ಯಶ್‌ಗೆ ಅಭಿಮಾನಿಗಳು ಹುಟ್ಟಿಕೊಂಡಿದ್ದಾರೆ. ಆದರೆ ಈ ಎಲ್ಲ ಫ್ಯಾನ್ಸ್‌ಗಳ ಪ್ರಶ್ನೆ ಮಾತ್ರ ಒಂದೇ, ಅದು ಯಶ್‌ ಮುಂದಿನ ಸಿನಿಮಾ ಯಾವುದು ಎಂಬುದು. ಯಶ್‌ ಮುಂದಿನ ಸಿನಿಮಾಗಳ ಬಗ್ಗೆ ಒಬ್ಬೊಬ್ಬರು ಒಂದೊಂದು ರೀತಿ ಹೇಳುತ್ತಿದ್ದಾರೆ. 

ಇದನ್ನೂ ಓದಿ: RRR ಮೇಕಿಂಗ್ ವಿಡಿಯೋ: ಸೆಟ್​ನಲ್ಲಿ ತೆಗೆದ ಸೀನ್‌ಗೆ ಇಷ್ಟೊಂದು ಗ್ರಾಫಿಕ್ಸ್​!?

ಜೂನ್ 03 ರಂದು 50 ದಿನಗಳನ್ನು ಕೆಜಿಎಫ್ ಚಾಪ್ಟರ್‌ 2 ಸಿನಿಮಾ ಪೂರೈಸಲಿದೆ. ಈ ಬೆನ್ನಲ್ಲೇ ಯಶ್ ಮುಂದಿನ ಸಿನಿಮಾ ಬಗ್ಗೆ ಒಂದು ಗುಲ್ಲೆದ್ದಿದೆ. ಯಶ್‌ ಅವರ ಆ ಒಂದು ಪೋಸ್ಟರ್‌ ಎಲ್ಲರ ತಲೆಯಲ್ಲೂ ಹುಳ ಬಿಟ್ಟಿದೆ. ಆದರೆ ನಟ ಯಶ್ ಮಾತ್ರ ಮುಂದಿನ ಸಿನಿಮಾ ಬಗ್ಗೆ ಏನನ್ನೂ ಹೇಳಿಲ್ಲ.

#KGF2 #KGFChapter2 #YashBOSS #Yash19 @TheNameIsYash

Fan made poster 🔥😍❤️💥 pic.twitter.com/qbfvJIwBlF

— Yash Mania (@Rajahuli007) May 31, 2022

ಕೆಜಿಎಫ್ 2 ಸಿನಿಮಾ ರಿಲೀಸ್ ಆಗುತ್ತಿದ್ದಂತೆ ಭಾರತದಾದ್ಯಂತ ಫ್ಯಾನ್ಸ್‌ ಹುಟ್ಟಿಕೊಂಡಿದ್ದಾರೆ. ಈ ಎಲ್ಲದರ ಮಧ್ಯೆ ಯಶ್ ಅಭಿಮಾನಿಗಳೇ ಛತ್ರಪತಿ ಶಿವಾಜಿಯ ಪೋಸ್ಟರ್ ಅನ್ನು ರಿಲೀಸ್ ಮಾಡಿದ್ದಾರೆ. ಇದು ಈಗ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದೆ. ಈ ಫ್ಯಾನ್ ಮೇಡ್ ಪೋಸ್ಟರ್‌ನಲ್ಲಿ ಯಶ್ ಛತ್ರಪತಿ ಶಿವಾಜಿಯನ್ನು ಹೋಲುತ್ತಿದ್ದಾರೆ. ಇದನ್ನು ನೋಡಿದ ಅವರ ಅಭಿಮಾನಿಗಳು ಯಶ್‌ ಮುಂದಿನ ಸಿನಿಮಾ ಛತ್ರಪತಿ ಶಿವಾಜಿ ಮಹಾರಾಜರಿಗೆ ಸಂಬಂಧಿಸಿದ್ದಾ ಎಂಬ ಪ್ರಶ್ನೆ ಕೇಳುತ್ತಿದ್ದಾರೆ.

ಇದನ್ನೂ ಓದಿ: ರಾ ರಾ ರಕ್ಕಮ್ಮ ಸಾಂಗ್‌ಗೆ ಭರ್ಜರಿ ಸ್ಟೆಪ್ ಹಾಕಿದ ನಟಿ ಆಶಿಕಾ ರಂಗನಾಥ್

ಯಶ್, ಛತ್ರಪತಿ ಶಿವಾಜಿ ಪಾತ್ರದಲ್ಲಿ ನಟಿಸಬೇಕೆಂಬುದು ಮರಾಠಿಗರ ಆಸೆಯಂತೆ. ಈ ಚಿತ್ರವನ್ನು ಮೂವಿ ಮಾಂತ್ರಿಕ ರಾಜಮೌಳಿ ನಿರ್ದೇಶನ ಮಾಡಬೇಕಂತೆ. ಅಂತೆಯೇ ಕನ್ನಡದ ಯಶ್ ಅಭಿಮಾನಿಗಳಿಗೆ, ತಮ್ಮ ನಟನನ್ನು ಇಮ್ಮಡಿ ಪುಲಕೇಶಿ ರೂಪದಲ್ಲಿ ನೋಡುವ ಬಯಕೆ. ಇವರಿಬ್ಬರ ಆಸೆಯಲ್ಲಿ ರಾಕಿಂಗ್ ಸ್ಟಾರ್ ಯಶ್ ಯಾರ ಆಸೆಯನ್ನು ಈಡೇರಿಸುತ್ತಾರೆ ಎಂಬುದನ್ನು ಮಾತ್ರ ಕಾದು ನೋಡಬೇಕಿದೆ.