Jawan Collection : ಹೊಸ ಇತಿಹಾಸ ಬರೆದ ಶಾರುಖ್‌ ಸಿನಿಮಾ, 18 ನೇ ದಿನ 'ಜವಾನ್' ಗಳಿಕೆಯಲ್ಲಿ ಭಾರಿ ಜಿಗಿತ!

Jawan Box Office Collection : ಜವಾನ್ ಕಲೆಕ್ಷನ್ ರಿಪೋರ್ಟ್ ಪ್ರಕಾರ, ಬಿಡುಗಡೆಯಾದ 18 ದಿನಗಳಲ್ಲಿ ಭಾರತೀಯ ಗಲ್ಲಾಪೆಟ್ಟಿಗೆಯಲ್ಲಿ ಚಿತ್ರ 600 ಕೋಟಿ ರೂಪಾಯಿ ದಾಟುವ ಸನಿಹದಲ್ಲಿದೆ.

Jawan Collection : ಬಾಲಿವುಡ್ ಶಾರುಖ್ ಖಾನ್ ಈ ವರ್ಷ 2023 ರಲ್ಲಿ ಬಾಕ್ಸ್ ಆಫೀಸ್‌ನಲ್ಲಿ ದಾಖಲೆ ಬರೆದಿದ್ದಾರೆ. ಕಿಂಗ್ ಖಾನ್ ವರ್ಷದ ಆರಂಭದಲ್ಲಿ ಬ್ಲಾಕ್ ಬಸ್ಟರ್ ಚಿತ್ರ ‘ಪಠಾಣ್’ ಮೂಲಕ ಸಂಚಲನ ಮೂಡಿಸಿದ್ದರು. ಇದೀಗ ರಿಲೀಸ್ ಆಗಿರುವ 'ಜವಾನ್' ಚಿತ್ರ 'ಪಠಾಣ್' ಚಿತ್ರಕ್ಕಿಂತ ಹೆಚ್ಚು ಯಶಸ್ಸು ಗಳಿಸುತ್ತಿದೆ. ಜವಾನ್ ಚಿತ್ರವು ಬಿಡುಗಡೆಯಾದ 18 ದಿನಗಳಲ್ಲಿ ವಿಶ್ವಾದ್ಯಂತ 1000 ಕೋಟಿ ರೂಪಾಯಿಗಳನ್ನು ದಾಟಿದೆ. ಚಿತ್ರದ ಕಲೆಕ್ಷನ್ ರಿಪೋರ್ಟ್ ಪ್ರಕಾರ 'ಜವಾನ್' 18ನೇ ದಿನದ ಗಳಿಕೆಯಲ್ಲಿ ಭಾರೀ ಜಿಗಿತವಾಗಿದೆ ಎನ್ನಲಾಗುತ್ತಿದೆ. ಚಿತ್ರ ಬಿಡುಗಡೆಯಾದ ಮೂರನೇ ಭಾನುವಾರದ ಬ್ಯುಸಿನೆಸ್ ರಿಪೋರ್ಟ್ ಬಂದಿದ್ದು, ಬಿಡುಗಡೆಯಾದ 18ನೇ ದಿನಕ್ಕೆ 'ಜವಾನ್' ಎಷ್ಟು ಕಲೆಕ್ಷನ್ ಮಾಡಿದೆ ಎಂಬುದನ್ನು ತಿಳಿಯೋಣ.

View this post on Instagram

A post shared by Nayandeep Rakshit (@nayandeeprakshit)

ಶಾರುಖ್ ಖಾನ್ ಈ ವರ್ಷ ತಮ್ಮ ಚಿತ್ರಗಳೊಂದಿಗೆ ಗಲ್ಲಾಪೆಟ್ಟಿಗೆಯಲ್ಲಿ ಪುನರಾಗಮನವನ್ನು ಮಾಡಿದ್ದಾರೆ. ಜವಾನ್ ನ ಆಕ್ಷನ್ ಸೀಕ್ವೆನ್ಸ್ ಅಥವಾ ಡೈಲಾಗ್‌ಗಳು ಎಲ್ಲಾ ಪ್ರೇಕ್ಷಕರ ಗಮನಸೆಳೆದಿವೆ. ಈ ಚಿತ್ರವು ಮೊದಲ ದಿನದಿಂದಲೇ ಥಿಯೇಟರ್‌ಗಳಲ್ಲಿ ಸಂಚಲನವನ್ನು ಸೃಷ್ಟಿಸುತ್ತಿದೆ. ಭಾರೀ ಗಳಿಕೆಯಿಂದಾಗಿ ಈ ಚಿತ್ರವು ಬಿಡುಗಡೆಯಾದ ಕೇವಲ 17 ದಿನಗಳಲ್ಲಿ ಬಾಲಿವುಡ್‌ನ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರವಾಗಿದೆ. ಇದು 'ಗದರ್ 2' ಮತ್ತು 'ಪಠಾಣ್' ದಾಖಲೆಗಳನ್ನು ಮುರಿದಿದೆ. 

ಇದನ್ನೂ ಓದಿ : ಕಾರುಣ್ಯ ರಾಮ್ ಹೊಸ ಆಲೋಚನೆಗೆ ಕೈ ಜೋಡಿಸಿದ ಅಶ್ವಿನಿ ಪುನೀತ್‌ ರಾಜ್‌ಕುಮಾರ್‌ - ಧ್ರುವ ಸರ್ಜಾ

ಜವಾನ್ ಬಿಡುಗಡೆಯಾದ 17ನೇ ದಿನ 13 ಕೋಟಿ ರೂಪಾಯಿ ಗಳಿಸಿತ್ತು. ಈಗ 18ನೇ ದಿನದ ಅಂದರೆ ಮೂರನೇ ಭಾನುವಾರದ ಗಳಿಕೆ ಅಂಕಿಅಂಶಗಳು ಬಂದಿವೆ. ಆರಂಭಿಕ ಟ್ರೆಂಡ್ ವರದಿಯ ಪ್ರಕಾರ, ಜವಾನ್ ಬಿಡುಗಡೆಯಾದ ಮೂರನೇ ಭಾನುವಾರದಂದು 15.69 ಕೋಟಿ ರೂ. ಅದರ ನಂತರ ಚಿತ್ರದ ಒಟ್ಟು ಗಳಿಕೆ 1000 ಕೋಟಿ ದಾಟಿದೆ ಎನ್ನಲಾಗಿದೆ. 

ಶಾರುಖ್ ಖಾನ್ ಅಭಿನಯದ ಜವಾನ್ ಚಿತ್ರದ ಒಟ್ಟು ಗಳಿಕೆಯು 18 ದಿನಗಳಲ್ಲಿ ಭಾರತೀಯ ಗಲ್ಲಾಪೆಟ್ಟಿಗೆಯಲ್ಲಿ 600 ಕೋಟಿ ರೂಪಾಯಿಗಳನ್ನು ದಾಟಲು ಕೆಲವು ಹೆಜ್ಜೆಗಳ ದೂರದಲ್ಲಿದೆ. ಅದೇ ಸಮಯದಲ್ಲಿ, ಈ ಚಿತ್ರವು ಮೊದಲ ದಿನವೇ 75 ಕೋಟಿ ರೂಪಾಯಿ ಗಳಿಸುವ ಮೂಲಕ ಅತಿದೊಡ್ಡ ಓಪನರ್ ಎಂಬ ದಾಖಲೆಯನ್ನು ಹೊಂದಿತ್ತು ಮತ್ತು ಮೊದಲ ಭಾನುವಾರದಂದು 80 ಕೋಟಿ ರೂಪಾಯಿಗಳಿಗಿಂತ ಹೆಚ್ಚು ಕಲೆಕ್ಷನ್ ಮಾಡುವ ಮೂಲಕ ಒಂದೇ ದಿನದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ದಾಖಲೆಯನ್ನು ಮಾಡಿದೆ. ಇದರೊಂದಿಗೆ 'ಜವಾನ್' ಹೊಸ ಮೈಲಿಗಲ್ಲು ದಾಟುವತ್ತ ವೇಗವಾಗಿ ಸಾಗುತ್ತಿದೆ.  .

ಇದನ್ನೂ ಓದಿ : ಇತಿಹಾಸ ಸೃಷ್ಟಿಸಿದ ಕಿಂಗ್‌ ಖಾನ್‌ : ಒಂದೇ ವರ್ಷದಲ್ಲಿ ಎರಡು ಬಾರಿ 1000 ಕೋಟಿ ಲೂಟಿ ಮಾಡಿದ ಶಾರುಖ್‌