ಬೆಂಗಳೂರು : ಯಶ್ ಅಭಿನಯದ ಬಹುಭಾಷಾ ಚಿತ್ರ ಕೆಜಿಎಫ್ 2 ಒಂದಿಲ್ಲೊಂದು ಕಾರಣಕ್ಕೆ ಸುದ್ದಿ ಮಾಡುತ್ತಲೇ ಇರುತ್ತದೆ. ಈಗಾಗಲೇ ಚಿತ್ರದ ಟೀಸರ್ ರಿಲಿಸ್ ಆಗಿದೆ. ಸುಮಾರು 150 ಮಿಲಿಯನ್ ಮಂದಿ ಈ ಟೀಸರ್ ನೋಡಿದ್ದಾರೆ. ಇದೊಂದು ವಿಶ್ವ ದಾಖಲೆಯಾಗಿದೆ. ಇದೀಗ ಆ ಟೀಸರ್ ನಿಂದಾಗಿಯೇ ಕೆಜಿಎಫ್ 2 ಚಿತ್ರಕ್ಕೆ ಸಂಕಷ್ಟ ಎದುರಾಗಿದೆ.
ಕೆಜಿಎಫ್ 2 ಗೆ ಎದುರಾದ ಕಂಟಕ ಏನು..?
ಕೆಜಿಎಫ್ (KGF) ಟೀಸರ್ ಫಿಲ್ಮೀ ದುನಿಯಾದಲ್ಲಿ ಹೊಸ ಕ್ರೇಜ್ ಸೃಷ್ಟಿಸಿದೆ. ಅದೇ ಟೀಸರ್ ಈಗ ಸರ್ಕಾರದ ಕೆಂಗಣ್ಣಿಗೆ ಗುರಿಯಾಗಿದೆ. ಈ ಚಿತ್ರದಲ್ಲಿ ರಾಕಿ ಭಾಯ್ ಬಂದೂಕಿನ ನಳಿಕೆಯಿಂದ ಸಿಗರೇಟ್ ಹೊತ್ತಿಸಿಕೊಳ್ಳುವ ಸೀನ್ ಇದೆ. ಇದೇ ಸೀನ್ ಕೆಜಿಎಫ್ 2 (KGF 2) ಚಿತ್ರಕ್ಕೆ ಕಂಟಕವಾಗಿ ಪರಿಣಮಿಸಿದೆ.
ಇದನ್ನೂ ಓದಿ : ಹೊಸ ದಾಖಲೆ ಸೃಷ್ಟಿಸಿದ 'ರಾಕೀ ಭಾಯ್' KGF 2 Teaser
ರಾಕಿಂಗ್ ಸ್ಟಾರ್ ಯಶ್ ಗೆ ನೊಟೀಸ್:
ಸಿಗರೇಟ್ ಸೀನ್ ನೋಡಿ ಕೆಂಡಾಮಂಡಲವಾಗಿದೆ ಆರೋಗ್ಯ ಇಲಾಖೆ. ಸಿಗರೇಟ್ ದೃಶ್ಯವನ್ನು ಕಟ್ ಮಾಡಲು ಸೂಚಿಸಿ ನೊಟೀಸ್ (Notice) ಕೊಟ್ಟಿದೆ. ಇದು ಯುವ ಸಮುದಾಯ ಸಿಗರೇಟ್ ಸೇದುವಂತೆ ಪ್ರಚೋದಿಸುತ್ತದೆ. ಇದು ಸಿಗರೇಟು ಮತ್ತು ತಂಬಾಕು ಉತ್ಪನ್ನ ಕಾಯಿದೆ 2003 ಸೆಕ್ಷನ್ 3 ರ ಸ್ಪಷ್ಟ ಉಲ್ಲಂಘನೆ. ನೀವು ಲಕ್ಷಾಂತರ ಅಭಿಮಾನಿಗಳನ್ನು (Fans) ಹೊಂದಿದ್ದೀರಿ. ಅವರು ನಿಮ್ಮನ್ನೇ ಅನುಸರಿಸುತ್ತಾರೆ. ನಿಮ್ಮಿಂದಾಗಿ ಯುವ ಸಮುದಾಯ ಸಿಗರೇಟ್ ಸೇದುವ ಪ್ರಚೋದನೆಗೆ ಒಳಗಾಗುವ ಸಾಧ್ಯತೆ ಇದೆ. ಹಾಗಾಗಿ ಸೋಶಿಯಲ್ ಮೀಡಿಯಗಳಲ್ಲಿ ಟ್ರೆಂಡಿಂಗ್ ಆಗುತ್ತಿರುವ ನಿಮ್ಮ ಕೆಜಿಎಫ್ 2 ಸಿನಿಮಾದ (Cinema) ಟೀಸರ್ ನಲ್ಲಿರುವ ಸಿಗರೇಟು ದೃಶ್ಯಕ್ಕೆ ಕತ್ತರಿ ಹಾಕಿ ಎಂದು ಆರೋಗ್ಯ ಇಲಾಖೆ ತನ್ನ ನೊಟೀಸ್ ನಲ್ಲಿ ಸೂಚಿಸಿದೆ.
ಕೆಜಿಎಫ್ 2 ಚಿತ್ರ ಅಸಂಖ್ಯಅಭಿಮಾನಿಗಳಲ್ಲಿ ಹೊಸ ಕ್ರೇಜ್ ಸೃಷ್ಟಿಸಿದೆ. ಚಿತ್ರ ಬಿಡುಗಡೆಯ ದಿನಾಂಕ ಇನ್ನೂ ನಿಗದಿಯಾಗಿಲ್ಲ. ಯಶ್ (Yash) , ಸಂಜಯ್ ದತ್ (Sanjay Dutt), ರವೀನಾ ಟಂಡನ್ ತಾರಾಗಣದಲ್ಲಿದ್ದಾರೆ. ಪ್ರಶಾಂತ್ ನೀಲ್ ಚಿತ್ರಕ್ಕೆ ನಿರ್ದೇಶನ ನೀಡಿದ್ದಾರೆ. ಜ.7 ರಂದು ಕೆಜಿಎಫ್ ಟೀಸರ್ ಬಿಡುಗಡೆಯಾಗಿತ್ತು.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
