Pornography films case: ಶಿಲ್ಪಾ ಶೆಟ್ಟಿ ಪತಿ ರಾಜ್ ಕುಂದ್ರಾಗೆ ಜಾಮೀನು

file photo

ಮುಂಬೈ: ಅಶ್ಲೀಲ ಚಿತ್ರಗಳ ಪ್ರಕರಣದಲ್ಲಿ ಬಂಧಿತರಾಗಿದ್ದ ಶಿಲ್ಪಾಶೆಟ್ಟಿ ಪತಿ ರಾಜ್ ಕುಂದ್ರಾ ಅವರಿಗೆ ಈಗ ಮುಂಬೈ ನ್ಯಾಯಾಲಯ ಜಾಮೀನು ನೀಡಿದೆ.ಅವರಿಗೆ ನ್ಯಾಯಾಲಯವು 50,000 ರೂಗಳನ್ನು ಖಾತರಿಗಾಗಿ ನೀಡಲು ಆದೇಶಿಸಿದೆ.

ಶನಿವಾರದಂದು ನ್ಯಾಯಾಲಯದಲ್ಲಿ ರಾಜ್ ಕುಂದ್ರಾ ಜಾಮೀನು ಅರ್ಜಿಯನ್ನು ಸಲ್ಲಿಸಿದ ನಂತರ, ತಮ್ಮನ್ನು ಬಲಿಪಶು ಮಾಡಲಾಗುತ್ತಿದೆ ಮತ್ತು ಆರೋಪಿತ ಪ್ರಶ್ನಾರ್ಹ ವಿಷಯವನ್ನು ರಚಿಸುವಲ್ಲಿ ತಾವು ಸಕ್ರಿಯವಾಗಿ ಭಾಗಿಯಾಗಿರುವುದಕ್ಕೆ ಪೂರಕ ಚಾರ್ಜ್ ಶೀಟ್‌ನಲ್ಲಿ ಒಂದೇ ಒಂದು ಪುರಾವೆಗಳಿಲ್ಲ ಎಂದು ಹೇಳಿಕೊಂಡ ನಂತರ ಅವರಿಗೆ ಜಾಮೀನು ದೊರೆತಿದೆ. 

ಇದನ್ನೂ ಓದಿ: 'ನವಜೋತ್ ಸಿಂಗ್ ಸಿಧು 'ಪಂಜಾಬ್ ರಾಜಕೀಯದ ರಾಖಿ ಸಾವಂತ್'

ಕಳೆದ ಗುರುವಾರ, ಮುಂಬೈ ಪೊಲೀಸರು1,400 ಪುಟಗಳ ಚಾರ್ಜ್ ಶೀಟ್ ಉದ್ಯಮಿ ಕುಂದ್ರಾ ವಿರುದ್ಧ ಮಾಡಿದ್ದರು.ಪ್ರಕರಣದ ತನಿಖೆ ನಡೆಸುತ್ತಿರುವ ಅಪರಾಧ ವಿಭಾಗವು ಇತ್ತೀಚೆಗೆ ಕುಂದ್ರಾ (Raj Kundra) ಮತ್ತು ಇತರ ಮೂವರ ವಿರುದ್ಧ ಅಶ್ಲೀಲ ಚಿತ್ರಗಳ ಸೃಷ್ಟಿ ಮತ್ತು ಕೆಲವು ಆಪ್‌ಗಳ ಮೂಲಕ ಪ್ರಕಟಿಸಿದ ಆರೋಪಕ್ಕೆ ಪೂರಕ ಚಾರ್ಜ್ ಶೀಟ್ ನ್ನು ಸಲ್ಲಿಸಿತ್ತು.