ವಿಜಯ್ ದೇವರಕೊಂಡ ಚಿತ್ರದಿಂದ ಹೊರನಡೆದ ಶ್ರೀಲೀಲಾ: ಕಾರಣವೇನು?

Sreeleela: ಸ್ಯಾಂಡಲ್‌ವುಡ್‌ ಹಾಗೂ ಟಾಲಿವುಡ್‌ನ ಬೆಡಗಿ ನಟಿ ಶ್ರೀಲೀಲಾ, ಸದ್ಯ ವಿಜಯ್‌ ದೇವರಗೊಂಡರವರ 12ನೇ ಸಿನಿಮಾ ಹೊರನಡೆದಿದ್ದಾರೆ. ಶ್ರೀಲೀಲಾ ಈ ಚಿತ್ರದಿಂದ ಹೊರ ಬಂದಿಕ್ಕೆ ಕೊಟ್ಟ ಕಾರಣವಾದರೂ ಏನು? ಇದರ ಕಂಪ್ಲೀಟ್‌ ಮಾಹಿತಿ ಇಲ್ಲಿದೆ.

South Actress Sreeleela: ಕನ್ನಡ  ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ ಬಳಿಕ,  ತೆಲುಗಿನ ಸಿನಿರಂಗದ ಮನೆ ಮಗಳಾಗಿರುವ ನಟಿ ಶ್ರೀಲೀಲಾ ತಮ್ಮ ನಟನೆ, ಸೌಂದರ್ಯ ಮತ್ತು ನೃತ್ಯದಿಂದ ತೆಲುಗು ಪ್ರೇಕ್ಷಕರನ್ನು ಸೆಳೆದಿದ್ದಾರೆ. ಇದೀಗ ಈಕೆಯ ಕೈಯಲ್ಲಿ ಸಾಲು ಸಾಲು ಸಿನಿಮಾಗಳು ದೊಡ್ಡ ದೊಡ್ಡ ಸ್ಟಾರ್ ನಟರ ಜೊತೆಗೆ ತೆರೆ ಹಂಚಿಕೊಳ್ಳುತ್ತಿರುವ ಶ್ರೀಲೀಲಾ ಅವರ ಕೈಯಲ್ಲಿ ಕಡಿಮೆ ಎಂದರು ಆರು ತೆಲುಗು ಸಿನಿಮಾಗಳ ಅಫರ್ ಇದೆ.

ಇತ್ತೀಚೆಗೆ ನಟಿ ಶ್ರೀಲೀಲಾ ತೆಲುಗು ನಟ ವಿಜಯ್ ದೇವರಕೊಂಡರವರ ಸಿನಿಮಾಗೆ ನಾಯಕಿಯಾಗಿ ಆಯ್ಕೆಯಾದ್ದು, ಚಿತ್ರದ ಮೂಹರ್ತದ ಫೋಟೋಗಳನ್ನು ಸಹ  ಹಂಚಿಕೊಂಡಿದ್ದರು. ಸದ್ಯ ಶ್ರೀಲೀಲಾ ಕೈಯಲ್ಲಿರುವ  ಆರು ಸಿನಿಮಾಗಳ ಜೊತೆಗೆ, ಗೌತಮ್ ತಿನ್ನನೂರಿ ನಿರ್ದೇಶನದ ವಿಜಯ್ ದೇವರಕೊಂಡ 12ನೇ ಸಿನಿಮಾ ಕೂಡ ಕೈಯಲಿತ್ತು.ಆದರೆ ಈ ನಟಿಯ ಕೈಯಲ್ಲಿರುವ ಸಿನಿಮಾಗಳಿಗೆ ಡೇಟ್ ಹೊಂದಿಸುವುದು ಕಷ್ಟವಾದ ಕಾರಣ, ಶ್ರೀಲೀಲಾ ಈ ಚಿತ್ರದಿಂದ ಹಿಂದೆ ಸರಿದಿದ್ದಾರೆ ಎಂದು ತಿಳಿದು ಬಂದಿದೆ.

ಇದನ್ನು ಓದಿ: ಬಿಗ್‌ಬಾಸ್‌ ಮನೆಯಲ್ಲಿ ತುಕಾಲಿ ಸಂತೋಷ್‌ಗೆ ಚೈನ್‌ ಭಾಗ್ಯ ನೀಡಿದ ಸುದೀಪ್:‌ ಹೆಚ್ಚಾಯ್ತು ಸಿರಿಯ ಖುಷಿ

ವಿಜಯ್ ದೇವರಕೊಂಡ ಅವರು 'ಫ್ಯಾಮಿಲಿ ಸ್ಟಾರ್' ಎಂಬ ಮತ್ತೊಂದು ಚಿತ್ರದಲ್ಲಿ ಬ್ಯುಸಿಯಾಗಿದ್ದು, ಈ ನಟನ 12ನೇ ಸಿನಿಮಾ ಚಿತ್ರೀಕರಣ ವಿಳಂಬವಾಗಲಿದೆ. ಆದರಿಂದ ಮುಂದಿನ ವರ್ಷದಲ್ಲಿ ವಿಜಯ್ ದೇವರಕೊಂಡ ಚಿತ್ರಕ್ಕೆ ಸಮಯ ನೀಡಲು ಸಾಧ್ಯವಾಗದರಿಂದ ನಟಿ ಶ್ರೀಲೀಲಾ  ಸಿನಿಮಾದಿಂದ ಹೊರ ಬಂದಿದೆ. ಪರಿಣಾಮವಾಗಿ, ಚಿತ್ರದ ನಿರ್ಮಾಪಕರು ಮುಂಬರುವ ಸಿನಿಮಾದಲ್ಲಿ ಅವರ ಪಾತ್ರಕ್ಕೆ ಬದಲಿ ನಾಯಕಿಯನ್ನು ಹುಡುಕಲು ನಿರ್ಧರಿಸಿದ್ದಾರೆ.

ನಟ ವಿಜಯ್ ದೇವರಕೊಂಡ ಅಭಿನಯಿಸುತ್ತಿರುವ 'ಫ್ಯಾಮಿಲಿ ಸ್ಟಾರ್' ಸಿನಿಮಾ ಮುಗಿದ ನಂತರ ಈ ಚಿತ್ರದ ಶೂಟಿಂಗ್‌ ಪ್ರಾರಂಭವಾಗಲಿದೆ. ನಟಿ ಶ್ರೀಲೀಲಾ ವಿಜಯ್‌ 12ನೇ ಚಿತ್ರದಿಂದ ಹೊರನಡೆದಿದ್ದು, ಇಬ್ಬರನ್ನು ತೆರೆಯ ಮೇಲೆ ನೋಡಬೇಕು ಎಂದುಕೊಂಡಿದ್ದ ಅಭಿಮಾನಿಗಳಿಗೆ ನಿರಾಸೆಯಾಗಿದೆ.