GOAT Movie : ದಳಪತಿ ವಿಜಯ್ ಅಭಿನಯದ ʼಗೋಟ್ʼ ರಿಲೀಸ್ ಡೇಟ್ ಅನೌನ್ಸ್‌..!

GOAT Movie release date : ದಳಪತಿ ವಿಜಯ್‌ ನಟನೆಯ ಬಹುನಿರೀಕ್ಷಿತ ಸಿನಿಮಾ GOAT ಬಿಡುಗಡೆಗೆ ರೆಡಿಯಾಗಿದ್ದು, ಇಂದು ಈ ಸಿನಿಮಾದ ನಿರ್ಮಾಪಕ ಅರ್ಚನಾ ಕಲ್ಪಾತಿ ಮತ್ತು ನಿರ್ದೇಶಕ ವೆಂಕಟ್ ಪ್ರಭು ಅವರು ತಮ್ಮ ಟ್ಟಿಟರ್‌ ಖಾತೆಯಲ್ಲಿ GOAT ಸಿನಿಮಾಗೆ ಸಂಬಂಧಿಸಿದ ಸುದ್ದಿಯೊಂದನ್ನು ಹಂಚಿಕೊಂಡಿದ್ದಾರೆ.

Vijay GOAT movie :  ದಳಪತಿ ವಿಜಯ್ ಮತ್ತು ವೆಂಕಟ್ ಪ್ರಭು ಮೈತ್ರಿ ಕಾಂಬಿನೇಷನ್‌ನ ಗೋಟ್‌ (GOAT Movie) ಚಿತ್ರದ ಶೂಟಿಂಗ್ ಪ್ರಸ್ತುತ ಭರದಿಂದ ಸಾಗುತ್ತಿದೆ. ಈ ಚಿತ್ರಕ್ಕೆ GOAT - The Greatest Of All The Time ಎಂದು ಹೆಸರಿಡಲಾಗಿದೆ. ಇದರ ನಡುವೆ ಸಿನಿಮಾ ರಿಲೀಸ್‌ ಡೇಟ್‌ ಅನೌನ್ಸ್‌ ಮಾಡುವ ಮೂಲಕ ಚಿತ್ರತಂಡ ವಿಜಯ್‌ ಅಭಿಮಾನಿಗಳಿಗೆ ಗುಡ್‌ ನ್ಯೂಸ್‌ ನೀಡಿದೆ.

ಹೌದು.. ಗೋಟ್‌ ದಳಪತಿ ವಿಜಯ್ ನಟನೆಯ ಸಿನಿಮಾ, ಈ ಸಿನಿಮಾದಲ್ಲಿ ಪ್ರಶಾಂತ್, ಮೋಹನ್, ಪ್ರಭುದೇವ, ಜಯರಾಮ್, ಗಣೇಶ್, ಯೋಗಿ ಬಾಬು, ವೈಭವ್, ಸ್ನೇಹಾ, ಲೈಲಾ, ಮೀನಾಕ್ಷಿ ಚೌಧರಿ ಸೇರಿದಂತೆ ಸಾಕಷ್ಟು ಸ್ಟಾರ್‌ ಕಲಾವಿದರು ನಟಿಸುತ್ತಿದ್ದಾರೆ. ಹಲವು ವರ್ಷಗಳ ನಂತರ ಯುವನ್ ಶಂಕರ್ ರಾಜಾ ವಿಜಯ್ ಚಿತ್ರಕ್ಕೆ ಸಂಗೀತ ನೀಡಿದ್ದು ಈ ಚಿತ್ರದ ವಿಶೇಷ.

ಇದನ್ನೂ ಓದಿ: ನಟಿ ಪ್ರಿಯಾ ಮಣಿ ವೇಷ ನೋಡಿ.. ಜೈ ಶ್ರೀ ರಾಮ್, ಜೈ ಹಿಂದೂ ಎಂದ ನೆಟ್ಟಿಗರು...!

ಬಿಗಿಲ್ ನಂತರ ಈ ಚಿತ್ರವನ್ನು ಎಜಿಎಸ್ ಎಂಟರ್ಟೈನ್ಮೆಂಟ್ ನಿರ್ಮಿಸಿದೆ. ಕಳೆದ ವರ್ಷ ಆರಂಭವಾದ GOAT ಚಿತ್ರದ ಶೂಟಿಂಗ್ ಚೆನ್ನೈ, ದಕ್ಷಿಣ ಆಫ್ರಿಕಾ, ಹೈದರಾಬಾದ್ ಮತ್ತು ಪುದುಚೇರಿಯಲ್ಲಿ ನಡೆದಿತ್ತು. ಅದೀಗ ಅಂತಿಮ ಹಂತಕ್ಕೆ ಬಂದಿದ್ದು, ರಿಲೀಸ್‌ಗೆ ರೆಡಿಯಾಗಿದೆ.

pic.twitter.com/E02vTVUZ15

— Vijay (@actorvijay) April 11, 2024

ಚಿತ್ರದ ನಿರ್ಮಾಪಕಿ ಅರ್ಚನಾ ಕಲ್ಪಾತಿ ಅವರು ತಮ್ಮ ಎಕ್ಸ್ ಸೈಟ್ ನಲ್ಲಿ ಗೋಟ್‌ ಸಿನಿಮಾವನ್ನು ಸೆಪ್ಟೆಂಬರ್ 5 ರಂದು ಅಂದರೆ ವಿನಾಯಕ ಚತುರ್ಥಿಯಂದು ವಿಶ್ವದಾದ್ಯಂತ ಥಿಯೇಟರ್‌ಗಳಲ್ಲಿ ಬಿಡುಗಡೆ ಮಾಡುವುದಾಗಿ ಘೋಷಿಸಿದ್ದಾರೆ. ಇದರಿಂದ ದಳಪತಿ ಅಭಿಮಾನಿಗಳು ಖುಷಿಯಾಗಿದ್ದಾರೆ.