ಕಿರುತೆರೆಯ ಜೋಡಿಗಳೀಗ ʼಅರ್ದಂಬರ್ಧ ಪ್ರೇಮಕಥೆʼಯ ಮೂಲಕ ಬೆಳ್ಳಿತೆರೆಗೆ

Divya-Arvind : ಕನ್ನಡದ ಬಿಗ್‌ಬಾಸ್‌ ಖ್ಯಾತಿಯ ಅರವಿಂದ.ಕೆ.ಪಿ ಹಾಗೂ ದಿವ್ಯಾ ಉರುಡುಗ ಜೋಡಿ ಇದೀಗ ʼಅರ್ದಂಬರ್ಧ ಪ್ರೇಮಕಥೆʼ ಸಿನಿಮಾವೊಂದರ ಮೂಲಕ ಬೆಳ್ಳಿತೆರೆಗೆ ಬರುತ್ತಿದ್ದಾರೆ.

Movie : ಕನ್ನಡದ ಬಿಗ್‌ಬಾಸ್‌ ಸೀಸನ್‌ 8ರ ರನ್ನರ್‌ ಅಪ್‌ ಅರವಿಂದ.ಕೆ.ಪಿ ಮತ್ತು  ಕಿರುತರೆಯ ಧಾರಾವಾಹಿಗಳಲ್ಲಿ ನಟಿಸಿದ್ದ ದಿವ್ಯಾ ಉರುಡುಗ ಜೋಡಿಯು ಈಗ ʼಅರ್ದಂಬರ್ಧ ಪ್ರೇಮಕಥೆʼ ಮೂಲಕ ಬೆಳ್ಳಿತೆರೆಗೆ ಬರುತ್ತಿದೆ. ʼಅರ್ದಂಬರ್ಧ ಪ್ರೇಮಕಥೆʼ ಸಿನಿಮಾದ ಮೂಲಕ ಹೀರೋ ಆಗಿ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ನೀಡಿದ್ದಾರೆ. ಈ ಸಿನಿಮಾವನ್ನು ಅರವಿಂದ್‌ ಕಶ್ಯಪ್ ನಿರ್ದೇಶನ ಮಾಡಿದ್ದು, ಇಂದು(ಸೆ.15) ರಂದು ಸಂಜೆ 5.55ಕ್ಕೆ A2 Music ನಲ್ಲಿ ಟೀಸರ್‌ ರಿಲೀಸ್‌ ಆಗಲಿದೆ.

ಅರವಿಂದ.ಕೆ.ಪಿ ಭಾರತೀಯ ವೃತ್ತಿಪರ ಮೋಟಾರ್‌ ರೇಸರ್‌ ಆಗಿದ್ದು, ಬಿಗ್‌ಬಾಸ್‌ ಸೀಸನ್‌ 8ರ ರನ್ನರ್‌ ಅಪ್‌ ಕೂಡ ಹೌದು. ಅಂಬಾರಿ, ಚಿಟ್ಟೆ ಹೆಜ್ಜೆ, ಓಂ ಶಕ್ತಿ ಓಂ ಶಾಂತಿ ಸೀರಿಯಲ್‌ ಮೂಲಕ ಖ್ಯಾತಿಯನ್ನು ಪಡೆದುಕೊಂಡಿದ್ದ ದಿವ್ಯಾ ಉರುಡುಗ ಇಬ್ಬರು ಬಿಗ್‌ಬಾಸ್‌ ಸೀಸನ್‌ 8ರ ಮೂಲಕ ಪರಿಚಿತರು. ಅದರ ಮೂಲಕ ಈಗ ʼಅರ್ದಂಬರ್ಧ ಪ್ರೇಮಕಥೆʼ ಮೂಲಕ ಇಬ್ಬರು ಒಟ್ಟಿಗೆ ನಟಿಸುತ್ತಿದ್ದಾರೆ. 

ಇದನ್ನು ಓದಿ -ʼ ತತ್ಸಮ ತದ್ಭವʼ ರಿಲೀಸ್‌ : ಮತ್ತೇ ದೊಡ್ಡ ಪರದೆಯಲ್ಲಿ ಮೇಘನಾ ರಾಜ್‌, ಇಲ್ಲಿದೆ ಸಿನಿಮಾ ವಿಮರ್ಶೆ

ರಾಜಕೀಯ ಆಧಾರಿತ `ಧ್ವಜ' ಮತ್ತು `ಫೇಸ್ 2 ಪೇಸ್' ಎಂಬ ಚಿತ್ರಗಳಲ್ಲಿ ನಾಯಕಿಯಾಗಿ ದಿವ್ಯಾ ಉರುಡುಗ ನಟಿಸಿದ್ದಾರೆ. ಆದರೆ ʼಅರ್ದಂಬರ್ಧ ಪ್ರೇಮಕಥೆʼ ಸಿನಿಮಾದ ಮೂಲಕ ಅರವಿಂದ.ಕೆ.ಪಿ ಸ್ಯಾಂಡಲ್‌ವುಡ್‌ಗೆ ಹೀರೋ ಆಗಿ ಎಂಟ್ರಿ ಕೊಡ್ಡಿದ್ದಾರೆ. ʼಅರ್ದಂಬರ್ಧ ಪ್ರೇಮಕಥೆʼಯ ಟೀಸರ್‌ ಇಂದು ಸಂಜೆ ರಿಲೀಸ್‌ ಆಗಲಿದ್ದು, ನಾಯಕ ನಟ ಮತ್ತು ನಟಿ ಇಬ್ಬರೂ ಟೀಸರ್‌ ರಿಲೀಸ್‌ ಬಗ್ಗೆ ಮಾಹಿತಿಯನ್ನು ತಮ್ಮ ಇನ್ಸ್ಟಾಗ್ರಾಂನಲ್ಲಿ ಖಾತೆಗಳಲ್ಲಿ ಹಂಚಿಕೊಂಡಿದ್ದಾರೆ.

View this post on Instagram

A post shared by DU✨ (@divya_uruduga)

ʼಅರ್ದಂಬರ್ಧ ಪ್ರೇಮಕಥೆʼಗೆ ಅರ್ಜುನ ಜನ್ಯಾ ಸಂಗೀತ ಸಂಯೋಜನೆ ಮಾಡಿದ್ದು, ಬಕ್ಸಸ್‌ ಮೀಡಿಯಾ ಈ ಸಿನಿಮಾದ ನಿರ್ಮಾಣ ಮಾಡಿದೆ. ಲೈಟ್‌ ಹೌಸ್‌ ಮೀಡಿಯಾ ಮತ್ತು ಆರ್‌ಎಸಿ ವಿಷುವಲ್ಸ್‌ ಕೂಡಾ ನಿರ್ಮಾಣದಲ್ಲಿ ಕೈಜೋಡಿಸಿದೆ. ರಾಪರ್‌ ಅಲೋಕ್‌ ಬಾಬು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ನಿರೂಪಕಿ ಶ್ರೇಯಾ ಬಾಬು, ವೆಂಕಟ್‌ ಶಾಸ್ತ್ರಿ, ಪ್ರದೀಪ್‌ ರೋಷನ್‌, ಸೂರಜ್‌ ಹೂಗಾರ್‌, ಸುಜಿತ್‌ ಶೆಟ್ಟಿ ಮೊದಲಾದವರು ಚಿತ್ರದಲ್ಲಿ ಕಾಣಿಸಿಕೊಡಿಸಿದ್ದಾರೆ.