ಮಲಗುವ ಮುನ್ನ ಈ ರೀತಿ ಮಾಡಿದರೆ ಕೂದಲು ಉದುರುವ ಸಮಸ್ಯೆಯಿಂದ ಸಿಗುವುದು ಶಾಶ್ವತ ಮುಕ್ತಿ

Hair fall Control Tips : ಕೆಲವು ಸಲಹೆಗಳನ್ನು ಅನುಸರಿಸುವ ಮೂಲಕ ಕೂದಲ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು

Hair fall Control Tips : ಕೂದಲು ಉದುರುವ ಸಮಸ್ಯೆ ಇತ್ತೀಚಿನ ದಿನಗಳಲ್ಲಿ ಸಾಮಾನ್ಯ ಎನ್ನುವಂತೆ ಆಗಿದೆ. ಕೆಲವರು ಸುಮ್ಮನೆ ಕೂದಲಿಗೆ ಕೈ ಆಡಿಸಿದರೂ ಸಾಕು ಕೂದಲು ಉದುರಲು ಆರಂಭವಾಗುತ್ತದೆ.ಹೀಗಾದಾಗ ಚಿಕಿತ್ಸೆಯ ಮೊರೆ ಹೋಗುವವರು ಹಲವು ಮಂದಿ. ಆದರೆ ಅದರ ಅವಶ್ಯಕತೆ ಇಲ್ಲ. ಇದರ ಬದಲಿಗೆ ಕೆಲವು ಸಲಹೆಗಳನ್ನು ಅನುಸರಿಸುವ ಮೂಲಕ ಕೂದಲ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು. 

ಮಲಗುವ ಮುನ್ನ ಕೂದಲನ್ನು ಬಾಚಿಕೊಳ್ಳಿ : 
ಮಲಗುವ ಮುನ್ನ ನಿಮ್ಮ ಕೂದಲನ್ನು ಚೆನ್ನಾಗಿ ಬಾಚಿಕೊಳ್ಳಿ.ಕೂದಲು ಉದ್ದವಾಗಿದ್ದರೆ,ಅದನ್ನು ಸಡಿಲವಾಗಿ ಹೆಣೆದುಕೊಳ್ಳಿ. ಹೀಗೆ ಮಾಡುವುದರಿಂದ ಕೂದಲು ದುರ್ಬಲವಾಗುವುದಿಲ್ಲ ಮತ್ತು ಒಣಗುವುದಿಲ್ಲ. 

ಇದನ್ನೂ ಓದಿ :ಮಹಿಳೆಯರ ನಿದ್ರಾಹೀನತೆಗೆ ಇಲ್ಲಿದೆ ಅಚ್ಚರಿಯ ಕಾರಣ...!

ಎಣ್ಣೆ ಹಚ್ಚುವುದು : 
ಮಲಗುವ ಮುನ್ನ ಉಗುರುಬೆಚ್ಚಗಿನ ತೆಂಗಿನೆಣ್ಣೆ ಅಥವಾ ಬಾದಾಮಿ ಎಣ್ಣೆಯನ್ನು  ಕೂದಲಿಗೆ ಹಚ್ಚಿಕೊಳ್ಳಿ.ಇದು ನೆತ್ತಿಯ ಪೋಷಣೆಯನ್ನು ಮಾತ್ರವಲ್ಲದೆ ರಕ್ತ ಪರಿಚಲನೆಯನ್ನು ಸುಧಾರಿಸುತ್ತದೆ.ಬೆಳಿಗ್ಗೆ ಕೂದಲನ್ನು ತೊಳೆಯಿರಿ. ಹೀಗೆ ಮಾಡುವುದರಿಂದ ಕೂದಲು ಮೃದುವಾಗುವುದಲ್ಲದೆ,ಸದೃಢವಾಗುತ್ತದೆ. 

ಕೂದಲನ್ನು ಸಂಪೂರ್ಣವಾಗಿ ಒಣಗಿಸಿ : 
ಒದ್ದೆ ಕೂದಲು ಹೆಚ್ಚು ದುರ್ಬಲವಾಗಿರುತ್ತದೆ.ಆದ್ದರಿಂದ ಕೂದಲು ಒದ್ದೆಯಾಗಿದ್ದರೆ ಮಲಗುವ ಮುನ್ನ ಸರಿಯಾಗಿ ಒಣಗಿಸಿಕೊಳ್ಳಿ. ಇಲ್ಲವಾದರೆ ಕೂದಲು ಉದುರುವುದು ಖಂಡಿತಾ.

ಸ್ಯಾಟಿನ್ ಸ್ಕಾರ್ಫ್ ಬಳಸಿ : 
ಬೆಳಿಗ್ಗೆ ಎದ್ದಾಗ,ಕೂದಲು ತುಂಬಾ ಹಾಳಾಗಿ ಮತ್ತು ಹಾನಿಗೊಳಗಾದಂತೆ ತೋರುತ್ತಿದ್ದರೆ, ಮಲಗುವಾಗ ನಿಮ್ಮ ಕೂದಲನ್ನು ಬಟ್ಟೆಯಿಂದ ಕವರ್ ಮಾಡಿಕೊಳ್ಳುವುದು ಒಳ್ಳೆಯದು. 

ಇದನ್ನೂ ಓದಿ : ಲಿವರ್ ಆರೋಗ್ಯ ಕೆಡುತ್ತಿದೆ ಎನ್ನುವುದನ್ನು ತೋರಿಸುತ್ತದೆ ಕಾಲಿನಲ್ಲಿ ಕಾಣುವ ಈ ಲಕ್ಷಣಗಳು !

ಸಾಕಷ್ಟು ನೀರು ಕುಡಿಯಿರಿ :
ಕೂದಲನ್ನು ಸುಂದರವಾಗಿಸುವುದು ಮಾತ್ರವಲ್ಲ ಒಳಗಿನಿಂದ ಆರೋಗ್ಯಕರವಾಗಿ ಇಡುವುದು ಬಹಳ ಮುಖ್ಯ.ಮಲಗುವ ಮೊದಲು ಮತ್ತು ಬೆಳಿಗ್ಗೆ ಎದ್ದ ನಂತರ ಸಾಕಷ್ಟು ನೀರು ಕುಡಿಯಬೇಕು. ಇದು ನೆತ್ತಿಯನ್ನು ತೇವಾಂಶದಿಂದ ಇರಿಸುತ್ತದೆ. ಕೂದಲನ್ನು ಶುಷ್ಕತೆಯಿಂದ ರಕ್ಷಿಸುತ್ತದೆ.

(ಸೂಚನೆ: ಪ್ರಿಯ ಓದುಗರೇ, ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ದಯವಿಟ್ಟು ಅದನ್ನು ಅಳವಡಿಸಿಕೊಳ್ಳುವ ಮೊದಲು ವೈದ್ಯಕೀಯ ಸಲಹೆಯನ್ನು ತೆಗೆದುಕೊಳ್ಳಿ. Zee ಮೀಡಿಯಾ ಇದನ್ನು ಖಚಿತಪಡಿಸುವುದಿಲ್ಲ.)