ಆಲಪ್ಪುಳ: ಪತಿರಮಣಲ್ ದ್ವೀಪದ ಬಳಿಯ ವೆಂಬನಾಡ್ ಲೇಕ್ ನಲ್ಲಿ ಗುರುವಾರ ಮಧ್ಯಾಹ್ನ ದೋಣಿಯೊಂದರಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ಅದೃಷ್ಟವಶಾತ್, 16 ಪ್ರಯಾಣಿಕರು ಮತ್ತು ದೋಣಿಯಲ್ಲಿದ್ದ ಸಿಬ್ಬಂದಿಯನ್ನು ರಕ್ಷಿಸಲಾಗಿದೆ.
ವಾಸ್ತವವಾಗಿ, ಓಷಿಯನಸ್ ಎಂಬ ದೋಣಿ ಕುಮಾರಕೋಮ್ನಿಂದ 16 ಪ್ರವಾಸಿಗರು ಮತ್ತು ಕಣ್ಣೂರು ಜಿಲ್ಲೆ(Kannur District)ಯ 3 ಸಿಬ್ಬಂದಿಗಳೊಂದಿಗೆ ಪ್ರಯಾಣವನ್ನು ಪ್ರಾರಂಭಿಸಿತು. ಪತಿರಮಣಲ್ ದ್ವೀಪದ ಬಳಿ ಮತ್ತೊಂದು ದೋಣಿ (ಸಂಖ್ಯೆ 54)ಯಲ್ಲಿ ಬೆಂಕಿ ಕಾಣಿಸಿಕೊಂಡಿದೆ.
ಇದರ ನಂತರ, ದೋಣಿಯ ಪ್ರಯಾಣಿಕರು ಮತ್ತು ಸಿಬ್ಬಂದಿ ಎಚ್ಚರಗೊಂಡು ನೀರಿಗೆ ಹಾರಿದರು. ದೋಣಿಯಲ್ಲಿ ಬೆಂಕಿ ವೇಗವಾಗಿ ಹರಡಿತು ಮತ್ತು ನಿಮಿಷಗಳಲ್ಲಿ ಜ್ವಾಲೆಗಳು ದೋಣಿಯನ್ನು ಆವರಿಸಿತು.
ನಂತರ, ಕೇರಳ ರಾಜ್ಯ ಜಲ ಸಾರಿಗೆ ಇಲಾಖೆ (ಎಸ್‌ಡಬ್ಲ್ಯುಟಿಡಿ) ದೋಣಿ ಪ್ರವಾಸಿಗರನ್ನು ರಕ್ಷಿಸಿದರೆ, ಇತರ ಸಣ್ಣ ದೋಣಿಗಳು ಸಹ ಸಿಬ್ಬಂದಿಯನ್ನು ರಕ್ಷಿಸಿದವು. ಆ ಹೊತ್ತಿಗೆ, ದೋಣಿ ಸಂಪೂರ್ಣವಾಗಿ ಉರಿಯುತ್ತಿತ್ತು. ಹೌಸ್ ಬೋಟ್‌ನ ಅಡುಗೆಮನೆಯಿಂದ ಬೆಂಕಿ ಕಾಣಿಸಿಕೊಂಡಿದ್ದು, ಇದನ್ನು ಸಿಬ್ಬಂದಿ ಸದಸ್ಯರು ಕಡೆಗಣಿಸಿದ್ದಾರೆ. ಹಾಗಾಗಿ ಈ ಅನಾಹುತ ಸಂಭವಿಸಿದೆ ಎನ್ನಲಾಗಿದೆ.
