WhatsApp: ಮೊಬೈಲ್ ನೋಟಿಫಿಕೇಶನ್‌ನಿಂದ ಸಿಗುತ್ತಾ ಮುಕ್ತಿ? ಬರಲಿದೆ ಹೊಸ ವೈಶಿಷ್ಟ್ಯ

ವಾಟ್ಸಾಪ್‌ನ ಹೊಸ ಫೀಚರ್ ಟ್ರ್ಯಾಕಿಂಗ್ ತಾಣವಾದ WAPeteinfo ಪ್ರಕಾರ ಕಂಪನಿಯು ಅಧಿಸೂಚನೆ ವಿಭಾಗದಲ್ಲಿ ಹೊಸ ವೈಶಿಷ್ಟ್ಯವನ್ನು ಪರಿಚಯಿಸಲು ತಯಾರಿ ನಡೆಸುತ್ತಿದೆ. ಈ ವೈಶಿಷ್ಟ್ಯದ ವಿಶೇಷ ಲಕ್ಷಣವೆಂದರೆ ಈಗ ನೀವು ಯಾವುದೇ ಗುಂಪು ಚಾಟ್ ಅನ್ನು ಶಾಶ್ವತವಾಗಿ ಮೌನಗೊಳಿಸಬಹುದು ಅಥವಾ ಮ್ಯೂಟ್ ಮಾಡಬಹುದು.

ನವದೆಹಲಿ: ಕಿರು ಸಂದೇಶಗಳಿಗಾಗಿ ಹೆಚ್ಚು ಜನಪ್ರಿಯವಾದ ವಾಟ್ಸಾಪ್ (Whatsapp) ಜನರೊಂದಿಗೆ ಸಂಪರ್ಕ ಸಾಧಿಸುವ ಮಾರ್ಗವನ್ನು ಅತ್ಯಂತ ಸುಲಭಗೊಳಿಸಿದೆ. ಆದರೆ ಈ ಅಪ್ಲಿಕೇಶನ್ ಅನೇಕ ಅನಾನುಕೂಲಗಳನ್ನು ಸಹ ಹೊಂದಿದೆ. ಉದಾಹರಣೆಗೆ ನೀವಿರುವ ಗ್ರೂಪ್ ನಲ್ಲಿ ಮುಂದೊಂದು ದಿನ ಯಾರಾದರೂ ನಿಮ್ಮ ಅನುಮತಿಯಿಲ್ಲದೆ ಆ ಗುಂಪಿಗೆ ಸೇರುತ್ತಾರೆ. ಅನೇಕ ಬಾರಿ ಹಾಗೆ ಮುಂದುವರೆಯಲು ನಿಮಗೆ ಮನಸ್ಸಿರುವುದಿಲ್ಲ. ಆದರೂ ಮನಸ್ಸಿಲ್ಲದ ಮನಸ್ಸಿನಲ್ಲಿ ಗ್ರೂಪ್ ನಲ್ಲಿಯೇ ಇರಬೇಕು. ಇಂತಹ ಸಮಸ್ಯೆಗಳನ್ನು ಗಮನದಲ್ಲಿಟ್ಟುಕೊಂಡು ವಾಟ್ಸಾಪ್ ಹೊಸ ವೈಶಿಷ್ಟ್ಯವನ್ನು ತರಲು ಯೋಜಿಸುತ್ತಿದೆ. 

ಶಾಶ್ವತವಾಗಿ ಮ್ಯೂಟ್ ಮಾಡಬಹುದು:
ವಾಟ್ಸಾಪ್‌ನ ಹೊಸ ಫೀಚರ್ ಟ್ರ್ಯಾಕಿಂಗ್ ತಾಣವಾದ WAPeteinfo ಪ್ರಕಾರ ಅಧಿಸೂಚನೆ ವಿಭಾಗದಲ್ಲಿ ಹೊಸ ವೈಶಿಷ್ಟ್ಯವನ್ನು ತರಲು ಕಂಪನಿಯು ಸಿದ್ಧತೆ ನಡೆಸಿದೆ. ಈ ವೈಶಿಷ್ಟ್ಯದ ವಿಶೇಷ ಲಕ್ಷಣವೆಂದರೆ ಈಗ ನೀವು ಯಾವುದೇ ಗುಂಪು ಚಾಟ್ ಅನ್ನು ಶಾಶ್ವತವಾಗಿ ಮೌನಗೊಳಿಸಬಹುದು ಅಥವಾ ಮ್ಯೂಟ್ ಮಾಡಬಹುದು. ಪ್ರಸ್ತುತ ವಾಟ್ಸಾಪ್ನಲ್ಲಿ ನೀವು ಅಂತಹ ಅಧಿಸೂಚನೆಗಳನ್ನು  ಸ್ವಲ್ಪ ಸಮಯದವರೆಗೆ ಮ್ಯೂಟ್ ಮಾಡಬಹುದು.

ಲಭ್ಯವಾದ ಮಾಹಿತಿಯ ಪ್ರಕಾರ ವಾಟ್ಸಾಪ್ ಪ್ರಸ್ತುತ ಈ ಹೊಸ ವೈಶಿಷ್ಟ್ಯವನ್ನು ಆಯ್ದ ಬಳಕೆದಾರರಿಗೆ ಕಳುಹಿಸಿದೆ. ಈ ಬಳಕೆದಾರರು ಈ ಹೊಸ ವೈಶಿಷ್ಟ್ಯವನ್ನು ಪರಿಶೀಲಿಸುತ್ತಾರೆ. ಪ್ರತಿಕ್ರಿಯೆ ಉತ್ತಮವಾಗಿದ್ದರೆ ಶೀಘ್ರದಲ್ಲೇ ಈ ಹೊಸ ವೈಶಿಷ್ಟ್ಯವನ್ನು ಸಾಮಾನ್ಯ ಬಳಕೆದಾರರಿಗೂ ಪ್ರಾರಂಭಿಸಲಾಗುವುದು. ಆದಾಗ್ಯೂ ಇದನ್ನು ಕಾರ್ಯಗತಗೊಳಿಸಲಾಗುತ್ತದೆಯೋ ಇಲ್ಲವೋ ಎಂಬುದು ಸಂಪೂರ್ಣವಾಗಿ ವಾಟ್ಸಾಪ್ ಅನ್ನು ಅವಲಂಬಿಸಿರುತ್ತದೆ.

WABeteinfo ಈ ಹೊಸ ವೈಶಿಷ್ಟ್ಯದೊಂದಿಗೆ ಸಂಬಂಧಿಸಿದ ಸ್ಕ್ರೀನ್‌ಶಾಟ್ ಅನ್ನು ಸಹ ಹಂಚಿಕೊಂಡಿದೆ. ಅಧಿಸೂಚನೆಗಳನ್ನು ಯಾವಾಗಲೂ ನಿಲ್ಲಿಸುವ ಆಯ್ಕೆಯನ್ನು ಬಳಕೆದಾರರಿಗೆ ನೀಡಲಾಗಿದೆ ಎಂದು ಸ್ಪಷ್ಟವಾಗಿ ಕಾಣಬಹುದು. ಆದ್ದರಿಂದ ನಿಮ್ಮ ಆಯ್ಕೆಯ ಯಾವುದೇ ಗುಂಪು ಚಾಟ್ ಅಧಿಸೂಚನೆಗಳನ್ನು ನೀವು ನಿಲ್ಲಿಸಬಹುದು ಅಥವಾ ಪುನರಾರಂಭಿಸಬಹುದು.