ಊಸರವಳ್ಳಿ ಬಣ್ಣ ಬದಲಾಯಿಸುವುದನ್ನು ನೀಡು ನೋಡಿರಬಹುದು, ಆದ್ರೆ ಮೊಸಳೆ ಬಣ್ಣ?

ಮೊಸಳೆಗಳ ಬಣ್ಣ ಬದಲಾಗಿದೆ. ಇದು ಕೋಟಾದ ರಾಯಪುರ ಚರಂಡಿಯ ನೋಟ. ಈ ಚರಂಡಿಯಲ್ಲಿ ಡಿಸಿಎಂ ರಾಸಾಯನಿಕ ಕಾರ್ಖಾನೆಯಿಂದ ಭಾರೀ ರಾಸಾಯನಿಕಗಳು ಬಿಡುಗಡೆಯಾಗುತ್ತವೆ.

Updated: Sep 5, 2019 , 01:39 PM IST
ಊಸರವಳ್ಳಿ ಬಣ್ಣ ಬದಲಾಯಿಸುವುದನ್ನು ನೀಡು ನೋಡಿರಬಹುದು, ಆದ್ರೆ ಮೊಸಳೆ ಬಣ್ಣ?

ಕೋಟಾ: ನೀವು ಊಸರವಳ್ಳಿ ಬಣ್ಣಗಳನ್ನು ಬದಲಾಯಿಸುತ್ತಿರುವುದನ್ನು ನೋಡಿರಬಹುದು, ಆದರೆ ಮೊಸಳೆ ಬಣ್ಣಗಳನ್ನು ಬದಲಾಯಿಸುವುದನ್ನು ನೀವು ನೋಡಿದ್ದೀರಾ? ವಾಸ್ತವವಾಗಿ, ಮೊಸಳೆಗಳು ಬಣ್ಣವನ್ನು ಬದಲಾಯಿಸುವುದಿಲ್ಲ, ಆದರೆ ನದಿಗೆ ಬಿಡುಗಡೆಯಾಗುವ ರಾಸಾಯನಿಕ ನೀರು ಅವುಗಳ ಮೇಲೆ ಎಷ್ಟು ಪರಿಣಾಮ ಬೀರಿದೆ ಎಂದರೆ ಮೊಸಳೆಗಳು ಬಿಳಿ ಬಣ್ಣಕ್ಕೆ ಮಾರ್ಪಟ್ಟಿವೆ.

ಮೊಸಳೆಗಳ ಬಣ್ಣ ಬದಲಾಗಿದೆ. ಇದು ಕೋಟಾದ ರಾಯಪುರ ಚರಂಡಿಯ ನೋಟ. ಈ ಚರಂಡಿಯಲ್ಲಿ ಡಿಸಿಎಂ ರಾಸಾಯನಿಕ ಕಾರ್ಖಾನೆಯಿಂದ ಭಾರೀ ರಾಸಾಯನಿಕಗಳು ಬಿಡುಗಡೆಯಾಗುತ್ತವೆ. ಕಾರ್ಖಾನೆಯಿಂದ ಹೊರಬರುವ ಕೊಳಕು ನೀರನ್ನು ಚರಂಡಿಯಲ್ಲಿ ಬಿಡಲಾಗುತ್ತಿದೆ. ಅದೇನೋ ಸರಿ ಆದರೆ ಈ ನೀರಿನಿಂದಾಗಿ ಅಲ್ಲಿನ ಜಲಚರಗಳ ಮೇಲೆ ದುಷ್ಪರಿಣಾಮ ಉಂಟಾಗಿದೆ. ಕಾರ್ಖಾನೆಯಿಂದ ಹೊರ ಬಿಡಲಾಗುತ್ತಿರುವ ನೀರಿನಲ್ಲಿರುವ ರಾಸಾಯನಿಕ ವಿಷವು ನೀರಿನಲ್ಲಿ ವಾಸಿಸುವ ಪ್ರಾಣಿಗಳ ಮೇಲೆ ಕೆಟ್ಟ ಪರಿಣಾಮ ಬೀರಿದೆ. ಈ ಚರಂಡಿಯಲ್ಲಿರುವ ಎಲ್ಲಾ ಜಲ ಜೀವಿಗಳು ನಾಶವಾಗಿವೆ ಮತ್ತು ಈ ಚರಂಡಿಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ವಾಸಿಸುವ ಮೊಸಳೆಗಳ ಬಣ್ಣವೇ ಬದಲಾಗಿದೆ.

ಚರಂಡಿಗೆ ಬಿಡುಗಡೆಯಾಗುತ್ತಿರುವ ಕಾರ್ಖಾನೆಯ ವಿಷಕಾರಿ ರಾಸಾಯನಿಕ ಬಿಡುಗಡೆಯಿಂದಾಗಿ ಇಲ್ಲಿ ಜೀವಿಸುತ್ತಿದ್ದ ಜಲಚರಗಳು ಸಾಯುತ್ತಿರುವುದು ಒಂದೆಡೆಯಾದರೆ, ಮೊಸಳೆಗಳ ಬಣ್ಣ ಬದಲಾಗುತ್ತಿರುವುದರಿಂದ ಆಕ್ರೋಶ ವ್ಯಕ್ತಪಡಿಸಿರುವ ಅನೇಕ ಸಾಮಾಜಿಕ ಸಂಸ್ಥೆಗಳು ಮತ್ತು ಪ್ರದೇಶದ ಜನರು ಕಾರ್ಖಾನೆಯ ಮಾಲೀಕರ ವಿರುದ್ಧ ಪ್ರಕರಣ ದಾಖಲಿಸಿದೆ. ಆದರೆ ಗಮನಿಸಬೇಕಾದ ಪ್ರಮುಖ ವಿಷಯವೆಂದರೆ, ಈ ರಾಸಾಯನಿಕವನ್ನು ಬಿಡುಗಡೆ ಮಾಡುತ್ತಿರುವ ಕಾರ್ಖಾನೆ ವಿರುದ್ಧ ಜವಾಬ್ದಾರಿಯುತ ಆಡಳಿತವು ಯಾವುದೇ ಕ್ರಮ ಕೈಗೊಂಡಿಲ್ಲ.