ಮುಂಬೈ: ಚೆಂಬೂರಿನ ರಾಷ್ಟ್ರೀಯ ಕೆಮಿಕಲ್ ಫರ್ಟಿಲೈಸರ್ ಕಾರ್ಖಾನೆಯಲ್ಲಿ ಅನಿಲ ಸೋರಿಕೆ

ಚೆಂಬೂರಿನ ರಾಷ್ಟ್ರೀಯ ರಾಸಾಯನಿಕ ಗೊಬ್ಬರ ಸ್ಥಾವರದಲ್ಲಿ ಅನಿಲ ಸೋರಿಕೆ ಪ್ರಾರಂಭವಾಯಿತು ಎಂದು ನಂತರ ತಿಳಿದುಬಂದಿದೆ.  

Updated: Sep 20, 2019 , 07:46 AM IST
ಮುಂಬೈ: ಚೆಂಬೂರಿನ ರಾಷ್ಟ್ರೀಯ ಕೆಮಿಕಲ್ ಫರ್ಟಿಲೈಸರ್ ಕಾರ್ಖಾನೆಯಲ್ಲಿ ಅನಿಲ ಸೋರಿಕೆ
Representational Image

ಮುಂಬೈ: ಮುಂಬೈನ ಪೂರ್ವ ಉಪನಗರಗಳಲ್ಲಿ ಹಲವಾರು ಸ್ಥಳಗಳಲ್ಲಿ ಅನಿಲ ಸೋರಿಕೆ ವರದಿಯಾಗಿದ್ದು, ಸ್ಥಳೀಯ ನಿವಾಸಿಗಳಲ್ಲಿ ಭೀತಿ ಹುಟ್ಟಿಸಿದೆ. ಆದಾಗ್ಯೂ, ಅನಿಲ ಸೋರಿಕೆಯಿಂದಾಗಿ ಯಾವುದೇ ಅಹಿತಕರ ಘಟನೆ ವರದಿಯಾಗಿಲ್ಲ.

ಪೂರ್ವ ಮುಂಬೈನ ಪೊವಾಯಿ, ಚೆಂಬೂರ್, ಮನ್‌ಖುರ್ಡ್ ಸೇರಿದಂತೆ ಹಲವಾರು ಪ್ರದೇಶಗಳಿಂದ ಅನಿಲ ಸೋರಿಕೆ ವರದಿಯಾಗಿದೆ. ಚೆಂಬೂರಿನ ರಾಷ್ಟ್ರೀಯ ರಾಸಾಯನಿಕ ಗೊಬ್ಬರ ಸ್ಥಾವರದಲ್ಲಿ ಅನಿಲ ಸೋರಿಕೆ ಪ್ರಾರಂಭವಾಯಿತು ಎಂದು ನಂತರ ತಿಳಿದುಬಂದಿದೆ. 

ಪಾರ್ಲೆ ವೆಸ್ಟ್ ಮತ್ತು ಇತರ ಪ್ರದೇಶಗಳಲ್ಲಿ ಅಸಹನೀಯ ದುರ್ವಾಸನೆ ಹರಡುವ ವಿಶಿಷ್ಟ ಅನಿಲವಾಸನೆ ಮನೆಮಾಡಿದೆ ಎಂದು ಹಲವು ಟ್ವಿಟ್ಟಿಗರು ದೂರಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಮುಂಬೈ ಪೊಲೀಸರು ತಮ್ಮ ನಿಯಂತ್ರಣ ಕೊಠಡಿ ಸಂಪರ್ಕ ಸಂಖ್ಯೆ 02225342784 ಥಾಣೆ ಗ್ರಾಮೀಣ ಪೊಲೀಸರಿಗೆ ತಮ್ಮ ಕುಂದುಕೊರತೆಗಳನ್ನು ತಿಳಿಸುವಂತೆ ನಿರ್ದೇಶನ ನೀಡಿದರು. 

ಹಲವಾರು ದೂರುಗಳ ನಂತರ, ಅಗ್ನಿಶಾಮಕ ದಳ ಮತ್ತು ಮಹಾರಾಷ್ಟ್ರ ಮಾಲಿನ್ಯ ನಿಯಂತ್ರಣ ಮಂಡಳಿಯ ಅಧಿಕಾರಿಗಳು ಅನಿಲ ಸೋರಿಕೆಯ ಸ್ವರೂಪ ಮತ್ತು ಮೂಲದ ಬಗ್ಗೆ ತನಿಖೆ ನಡೆಸಲು ಧಾವಿಸಿದರು.

ಮುಂಬೈ ನಾಗರಿಕ ಸಂಸ್ಥೆ - ಬೃಹನ್ಮುಂಬೈ ಮುನ್ಸಿಪಲ್ ಕಾರ್ಪೊರೇಷನ್ (ಬಿಎಂಸಿ) - ನಂತರ ರಾಷ್ಟ್ರೀಯ ರಾಸಾಯನಿಕ ಗೊಬ್ಬರದ ಚೆಂಬೂರ್ ಸ್ಥಾವರದಲ್ಲಿ ಸೋರಿಕೆ ಪ್ರಾರಂಭವಾಯಿತು ಎಂದು ದೃಢಪಡಿಸಿತು. ಆದರೆ ಅದು ಸದ್ಯ ಸಂಪೂರ್ಣವಾಗಿ ಅಡಕವಾಗಿದೆ ಎಂದು ಹೇಳಿದರು.

ಚೆಂಬೂರು ಸ್ಥಾವರದಲ್ಲಿನ ಆರ್‌ಸಿಎಫ್ (ರಾಷ್ಟ್ರೀಯ ರಾಸಾಯನಿಕ ಗೊಬ್ಬರ) ದಲ್ಲಿ ಅನಿಲ ಸೋರಿಕೆ ಸಂಭವಿಸಿದೆ ಮತ್ತು ಇದೀಗ ಅದನ್ನು ನಿಯುಕ್ತಿಗೊಳಿಸಲಾಗಿದೆ ಎಂದು ಬೃಹನ್ಮುಂಬೈ ಮುನ್ಸಿಪಲ್ ಕಾರ್ಪೊರೇಶನ್‌ನ ವಿಪತ್ತು ನಿರ್ವಹಣಾ ಕೋಶ ತಿಳಿಸಿದೆ.

ಹೆಚ್ಚಿದ ವಾಸನೆಯ ಕಾರಣವನ್ನು ಕಂಡುಹಿಡಿಯಲು ನಾವು ಮಹಾನಗರ ಗ್ಯಾಸ್ ಲಿಮಿಟೆಡ್ ಮತ್ತು ಮಹಾರಾಷ್ಟ್ರ ಮಾಲಿನ್ಯ ನಿಯಂತ್ರಣ ಮಂಡಳಿಗೆ ಮಾಹಿತಿ ನೀಡಿದ್ದೇವೆ. ನಾವು ಇತರ ಏಜೆನ್ಸಿಗಳನ್ನೂ ಎಚ್ಚರಿಸುತ್ತಿದ್ದೇವೆ ಎಂದು ಅದು ಹೇಳಿದೆ.

ಎಂಜಿಎಲ್ ಸಹ ಹೇಳಿಕೆ ನೀಡಿದ್ದು, ಅನಿಲ ಸೋರಿಕೆ ತನ್ನ ಪೈಪ್‌ಲೈನ್‌ಗಳಿಗೆ ಸಂಬಂಧಿಸಿಲ್ಲ ಎಂದು ಸ್ಪಷ್ಟಪಡಿಸಿದೆ.

"ನಮ್ಮ ತುರ್ತು ತಂಡವು ಮತ್ತಷ್ಟು ಪರಿಶೀಲಿಸುತ್ತಿದೆ ಮತ್ತು ಶೀಘ್ರದಲ್ಲೇ ನಾವು ಆ ಬಗ್ಗೆ ನಿಖರ ಮಾಹಿತಿ ನೀಡುತ್ತೇವೆ" ಎಂದು ಎಂಜಿಎಲ್ ಹೇಳಿಕೆಯಲ್ಲಿ ತಿಳಿಸಿದೆ.

ಮುಂಬೈನ ಉಪನಗರ ಚೆಂಬೂರಿನ ಘಟ್ಲಾ ಗ್ರಾಮದ ಸಮೀಪವಿರುವ ಪ್ರದೇಶದಿಂದ ಈ ವರ್ಷದ ಮಾರ್ಚ್‌ನಲ್ಲಿ ಶಂಕಿತ ಅನಿಲ ಸೋರಿಕೆ ಸಂಭವಿಸಿದೆ ಎಂದು ನೆನಪಿಸಿಕೊಳ್ಳಬಹುದು.