ನವದೆಹಲಿ: ಅಂತರರಾಷ್ಟ್ರೀಯ ಗಡಿ ಮತ್ತು ನಿಯಂತ್ರಣ ರೇಖೆ ಬಳಿ ಜಲಮಾರ್ಗಗಳಲ್ಲಿ ಗಸ್ತು ಹೆಚ್ಚಿಸುವಂತೆ ಗುಪ್ತಚರ ಸಂಸ್ಥೆಗಳು ಭಾರತೀಯ ಭದ್ರತಾ ಪಡೆಗಳಿಗೆ ಸೂಚಿಸಿವೆ. ಗುಪ್ತಚರ ಸಂಸ್ಥೆಗಳು ಎಲ್‌ಒಸಿ ಮತ್ತು ಐಬಿ ಬಳಿಯ ವಿವಿಧ ಲಾಂಚ್ ಪ್ಯಾಡ್‌ಗಳಲ್ಲಿ ಸಣ್ಣ ರಬ್ಬರ್ ಬಾರ್‌ಗಳನ್ನು ನೋಡಿದೆ. ಪಾಕಿಸ್ತಾನದ ಭಯೋತ್ಪಾದಕರು ಈ ರಬ್ಬರ್ ದೋಣಿಗಳ ಮೂಲಕ ನೀರಿನ ಮೂಲಕ ನುಸುಳಬಹುದು ಎಂದು ಗುಪ್ತಚರ ಸಂಸ್ಥೆಗಳು ಎಚ್ಚರಿಸಿದೆ.
ಜಮ್ಮು ಮತ್ತು ಕಾಶ್ಮೀರದ ಅಂತರರಾಷ್ಟ್ರೀಯ ಗಡಿಯ ಬಳಿ 13 ಸಣ್ಣ ಜಲಮೂಲಗಳನ್ನು (ಜಲಮಾರ್ಗಗಳು) ಗುರುತಿಸಲಾಗಿದೆ. ಇದರಲ್ಲಿ ಅಖ್ನೂರ್, ಸಾಂಬಾ ಮತ್ತು ಕಥುವಾ ಸೇರಿವೆ. ಇದಲ್ಲದೆ, ಕಾಶ್ಮೀರದ ಗುರೆಜ್ ವಲಯವನ್ನು ಸಹ ಕಟ್ಟೆಚ್ಚರ ವಹಿಸಲಾಗಿದೆ.
ಕೃಷ್ಣಾ ಕಣಿವೆಯ ಮೂಲಕ ಭಯೋತ್ಪಾದಕರು ಒಳನುಸುಳುವಿಕೆಗೆ ಪ್ರಯತ್ನಿಸಬಹುದು ಎಂಬ ವರದಿಗಳಿವೆ. 2011 ರಲ್ಲಿ, ಭಯೋತ್ಪಾದಕರು ಅದೇ ರೀತಿಯ ಪ್ರಯತ್ನ ಮಾಡಿದ್ದರು. ಆದರೆ ಆ ಪ್ರಯತ್ನವು ವಿಫಲವಾಯಿತು.
50 ಭಯೋತ್ಪಾದಕರು ಸಮುದ್ರದ ಮೂಲಕ ಭಾರತಕ್ಕೆ ಪ್ರವೇಶಿಸುವ ಸಾಧ್ಯತೆ!
ಭಾರತದಲ್ಲಿ ಅಶಾಂತಿ ಸೃಷ್ಟಿಸಲು ಭಯೋತ್ಪಾದಕರು ವಿಭಿನ್ನ ತಂತ್ರಗಳನ್ನು ರೂಪಿಸುತ್ತಿದ್ದಾರೆ. ಗಡಿಯಲ್ಲಿ ಮಿಲಿಟರಿಯ ಕಣ್ಗಾವಲು ತಪ್ಪಿಸಿ ಭಾರತದೊಳಗೆ ನುಸುಳಲು ವಿಫಲವಾಗಿರುವ ಭಯೋತ್ಪಾದಕರು, ಇದೀಗ ಸಮುದ್ರದ ಮೂಲಕ ಭಾರತವನ್ನು ಪ್ರವೇಶಿಸುವ ಪ್ರಕ್ರಿಯೆಯಲ್ಲಿದ್ದಾರೆ. ಜೈಶ್-ಎ-ಮೊಹಮ್ಮದ್ ಭಯೋತ್ಪಾದಕರು ಸಮುದ್ರ ಮಾರ್ಗದಲ್ಲಿ ಭಾರತ ಒಳನುಗ್ಗಿ ದಾಳಿ ನಡೆಸುವ ಯತ್ನದಲ್ಲಿದ್ದಾರೆ ಎಂದು ಬಿಎಸ್ಎಫ್ ಮೂಲಗಳು ಉಲ್ಲೇಖಿಸಿವೆ. 50 ಜೈಶ್ ಭಯೋತ್ಪಾದಕರ ಗುಂಪಿಗೆ ಪಾಕಿಸ್ತಾನದಲ್ಲಿ ವಿಶೇಷ 'ಡೀಪ್ ಸೀ ಡೈವಿಂಗ್' ತರಬೇತಿ ನೀಡಲಾಗುತ್ತಿದೆ ಎಂದು ಗುಪ್ತಚರ ತನಿಖೆಯಿಂದ ತಿಳಿದುಬಂದಿದೆ. ಸಮುದ್ರದಲ್ಲಿ ನಿಯೋಜಿಸಲಾಗಿರುವ ಭದ್ರತಾ ಪಡೆಗಳ ಮೇಲೆ ದಾಳಿ ಮಾಡಲು ಈ ಭಯೋತ್ಪಾದಕರಿಗೆ ತರಬೇತಿ ನೀಡಲಾಗುತ್ತಿದೆ. ಮೂಲಗಳ ಪ್ರಕಾರ, ಬಿಎಸ್ಎಫ್ನ ಈ ವರದಿಯನ್ನು ಸದರ್ನ್ ಕಮಾಂಡ್ಗೆ ಕಳುಹಿಸಲಾಗಿದೆ.
