PPF ಸೇರಿದಂತೆ ಈ ಯೋಜನೆಗಳ ಖಾತೆದಾರರಿಗೆ ದೊಡ್ಡ ಪರಿಹಾರ ಪ್ರಕಟಿಸಿದ ಅಂಚೆ ಇಲಾಖೆ

ಸಣ್ಣ ಉಳಿತಾಯ ಯೋಜನೆಗಳು ಮತ್ತು ಅಂಚೆ ಜೀವ ವಿಮೆಯಲ್ಲಿ ಹೂಡಿಕೆ ಮಾಡುವವರಿಗೆ ದೊಡ್ಡ ಪರಿಹಾರ.

ನವದೆಹಲಿ: ಕೊರೊನಾವೈರಸ್ ಕಾರಣ ಸಣ್ಣ ಉಳಿತಾಯ ಯೋಜನೆ ಮತ್ತು ಅಂಚೆ ಜೀವ ವಿಮೆಯಲ್ಲಿ ಹೂಡಿಕೆ ಮಾಡುವವರಿಗೆ ಅಂಚೆ ಇಲಾಖೆ ದೊಡ್ಡ ಪರಿಹಾರ ಘೋಷಿಸಿದೆ. ಈ ಪ್ರಕಟಣೆಯ ಪ್ರಕಾರ, ಸಾರ್ವಜನಿಕ ಭವಿಷ್ಯ ನಿಧಿ (PPF) ಸೇರಿದಂತೆ ಅಂತಹ ಎಲ್ಲಾ ಯೋಜನೆಗಳಲ್ಲಿ ಕನಿಷ್ಠ ಮೊತ್ತವನ್ನು ಠೇವಣಿ ಮಾಡದಿದ್ದರೆ ವಿಧಿಸಲಾಗುವ ದಂಡವನ್ನು ರದ್ದುಪಡಿಸಲಾಗಿದೆ.

ಜೂನ್ 30ರವರೆಗೆ ಪರಿಹಾರ:
ಅಂಚೆ ಇಲಾಖೆ ಜೂನ್ 30ರವರೆಗೆ ಖಾತೆದಾರರಿಗೆ ಈ ಪರಿಹಾರವನ್ನು ನೀಡಿದೆ. ಈ ನಿಟ್ಟಿನಲ್ಲಿ ಇಲಾಖೆ ಸುತ್ತೋಲೆ ಹೊರಡಿಸಿದ್ದು ಇದರ ಪ್ರಕಾರ, "ಆರ್‌ಡಿ / ಪಿಪಿಎಫ್ / ಎಸ್‌ಎಸ್‌ವೈ ಖಾತೆಯ ಚಂದಾದಾರರು ಜೂನ್ 30ರವರೆಗೆ ಅಗತ್ಯ ಮೊತ್ತವನ್ನು ಸೇರಿಸಬಹುದು. ಇದಕ್ಕಾಗಿ ಯಾವುದೇ ದಂಡ ವಿಧಿಸಲಾಗುವುದಿಲ್ಲ. 

ಈ ಖಾತೆದಾರರಿಂದ ದಂಡ:
ಆದರೆ 2019-20 ಮತ್ತು ಏಪ್ರಿಲ್ 2020ಕ್ಕೆ ದಂಡ ವಿಧಿಸಲಾಗುವುದಿಲ್ಲ ಎಂದು ಇಲಾಖೆ ಹೇಳಿದೆ. ಆದಾಗ್ಯೂ ನೀವು ಮೇ ತಿಂಗಳಲ್ಲಿ ಸಮಯದ ಒಳಗೆ ಹೂಡಿಕೆ ಮಾಡದಿದ್ದರೆ ನೀವು ದಂಡವನ್ನು ಪಾವತಿಸಬೇಕಾಗುತ್ತದೆ. ಆರ್‌ಡಿ (RD) ಮತ್ತು ಪಿಪಿಎಫ್ (PPF) ಸೇರಿದಂತೆ ವಿಭಿನ್ನ ಕನಿಷ್ಠ ಮೊತ್ತವನ್ನು ಇಟ್ಟುಕೊಳ್ಳಬೇಕು. ಪಿಪಿಎಫ್‌ನಲ್ಲಿ ಹಣಕಾಸು ವರ್ಷದಲ್ಲಿ ನೀವು ಕನಿಷ್ಠ 500 ರೂಪಾಯಿಗಳನ್ನು ಠೇವಣಿ ಇಡಬೇಕು. 50 ರೂಪಾಯಿ ದಂಡ ಪಾವತಿಸಿ ಖಾತೆಯನ್ನು ಪುನರಾರಂಭಿಸಬಹುದು. ಅಂತೆಯೇ, ಮರುಕಳಿಸುವ ಖಾತೆ ಕಂತು ಡೀಫಾಲ್ಟ್ ಆಗಿದ್ದರೆ ಡೀಫಾಲ್ಟ್ ಶುಲ್ಕವನ್ನು ಪಾವತಿಸಬೇಕಾಗಬಹುದು. ಅದೇ ಸಮಯದಲ್ಲಿ ಮಾಸಿಕ 10 ಸಾವಿರ ರೂ.ಗಳನ್ನು ಆರ್‌ಡಿಯಲ್ಲಿ ಮತ್ತು 250 ರೂಪಾಯಿಗಳನ್ನು ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ಠೇವಣಿ ಇಡುವುದು ಅವಶ್ಯಕ.

ಅಂಚೆ ಇಲಾಖೆಯ ವೆಬ್‌ಸೈಟ್‌ನ ಪ್ರಕಾರ ಪ್ರತಿ 100 ರೂಪಾಯಿಗೆ ಒಂದು ರೂಪಾಯಿ ಡೀಫಾಲ್ಟ್ ಶುಲ್ಕವಿದೆ. ಖಾತೆದಾರನು ನಾಲ್ಕು ಬಾರಿ ಪಾವತಿಸಲು ವಿಫಲವಾದರೆ ನಂತರ ಖಾತೆಯನ್ನು ಡೀಫಾಲ್ಟ್ ಮಾಡಲಾಗುತ್ತದೆ. ಆದರೆ ಪ್ರಸ್ತುತ ಖಾತೆದಾರರು ಪಿಪಿಎಫ್, ಆರ್‌ಡಿ ಮತ್ತು ಸುಕನ್ಯಾ ಸಮೃದ್ಧಿ ಯೋಜನೆ (Sukanya Samriddhi Yojana)ಯಡಿ ಇಂಡಿಯಾ ಪೋಸ್ಟ್ ಪೇಮೆಂಟ್ ಬ್ಯಾಂಕ್‌ನ ಆ್ಯಪ್ ಮೂಲಕ ಆನ್‌ಲೈನ್ ಪಾವತಿಗಳನ್ನು ಸಹ ಮಾಡಬಹುದು.