ಯಾವುದೇ ಮುನ್ಸೂಚನೆ ಇಲ್ಲದೆ ಶುಲ್ಕ ಹೆಚ್ಚಿಸಿದ ಖಾಸಗಿ ಶಾಲೆಗಳು, ದೆಹಲಿಯಲ್ಲಿ ಶಿಕ್ಷಣ 50% ಹೆಚ್ಚಳ

ಕರೋನಾ ಯುಗದಲ್ಲಿ ಶಾಲೆಗಳು ಬೋಧನಾ ಶುಲ್ಕವನ್ನು ಹೊರತುಪಡಿಸಿ ಯಾವುದೇ ಶುಲ್ಕವನ್ನು ವಿಧಿಸದಂತೆ ಸರ್ಕಾರ ಶಾಲೆಗಳಿಗೆ ಆದೇಶಿಸಿತ್ತು. ಆದರೆ ಇದಕ್ಕಾಗಿ ಯಾವುದೇ ಕಾನೂನು ರೂಪಿಸಿಲ್ಲ. ಇದರ ಫಲಿತಾಂಶವೆಂದರೆ ಈಗ ಶಾಲೆಗಳು ಶಾಲೆಗಳು ತಮ್ಮಿಚ್ಚೆಯಂತೆ ಶುಲ್ಕ ಹೆಚ್ಚಿಸಲು ಪ್ರಾರಂಭಿಸಿವೆ.

Written by - Yashaswini V | Last Updated : Aug 28, 2020, 06:46 AM IST
  • ಕರೋನಾ ಅವಧಿಯಲ್ಲಿ ಪೋಷಕರ ಒತ್ತಡವನ್ನು ಹೆಚ್ಚಿಸಿದ ಖಾಸಗಿ ಶಾಲೆಗಳು
  • ಸರ್ಕಾರದ ಆದೇಶದ ಹೊರತಾಗಿಯೂ ಶಾಲಾ ಶುಲ್ಕವು ಶೇಕಡಾ 50 ರಷ್ಟು ಹೆಚ್ಚಾಗಿದೆ
  • ಪೋಷಕರಿಂದ ಆರ್ಥಿಕ ಬಿಕ್ಕಟ್ಟಿನ ಪುರಾವೆ ಕೇಳಿದ ಶಾಲಾ ಆಡಳಿತ
ಯಾವುದೇ ಮುನ್ಸೂಚನೆ ಇಲ್ಲದೆ ಶುಲ್ಕ ಹೆಚ್ಚಿಸಿದ ಖಾಸಗಿ ಶಾಲೆಗಳು, ದೆಹಲಿಯಲ್ಲಿ ಶಿಕ್ಷಣ 50% ಹೆಚ್ಚಳ

ನವದೆಹಲಿ: ಕೊರೊನಾವೈರಸ್‌ನಿಂದಾಗಿ ಮಾರುಕಟ್ಟೆಯ ಕುಸಿತದಿಂದಾಗಿ ಅನೇಕ ದೊಡ್ಡ ಮತ್ತು ಸಣ್ಣ ಉದ್ಯಮಗಳು ಮುಚ್ಚುವ ಅಂಚಿಗೆ ಬಂದಿವೆ. ಈ ಸಮಯದಲ್ಲಿ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಶಿಕ್ಷಣವು (Education) ದುಬಾರಿಯಾಗಿದೆ. ಇಲ್ಲಿನ ಅನೇಕ ಖಾಸಗಿ ಶಾಲೆಗಳು ಶುಲ್ಕದಲ್ಲಿ (School Fees) ಶೇ. 50 ರಷ್ಟು ಹೆಚ್ಚಳ ಘೋಷಿಸಿವೆ. ಈ ಸುದ್ದಿ ಪೋಷಕರ ಚಿಂತೆ ಹೆಚ್ಚಿಸಿದೆ.

ಪ್ರತಿ ತಿಂಗಳು 4 ಸಾವಿರ ರೂಪಾಯಿ ಹೆಚ್ಚಾಗುತ್ತದೆ:
ದೆಹಲಿಯ ನಿವಾಸಿ ಶಿಲ್ಪಾ ಅರೋರಾ ತನ್ನ ಮಕ್ಕಳು ಇಬ್ಬರೂ ದೊಡ್ಡ ಖಾಸಗಿ ಶಾಲೆಯಲ್ಲಿ ಓದುತ್ತಾರೆ. ಆದರೆ ಈ ಬಾರಿ ಅವರು ಶುಲ್ಕವನ್ನು ಪಾವತಿಸಲು ಆನ್‌ಲೈನ್ ಪೋರ್ಟಲ್ ಅನ್ನು ತೆರೆದಾಗ ಶುಲ್ಕಗಳು ಸುಮಾರು 4 ಸಾವಿರ ರೂಪಾಯಿಗಳಷ್ಟು ಹೆಚ್ಚಾಗಿದೆ ಎಂದು ಹೇಳಿದರು. ಈ ಮೊದಲು ಅವರು ತಮ್ಮ ಒಂದು ಮಗುವಿನ ಶುಲ್ಕಕ್ಕಾಗಿ ಪ್ರತಿ ತಿಂಗಳು 9100 ರೂ. ಪಾವತಿಸಬೇಕಾಗಿತ್ತು, ಆದರೆ ಈ ಬಾರಿ ಅವರಿಂದ 13,414 ರೂ. ಶುಲ್ಕ ವಿಧಿಸಿದ್ದು ಹೆಚ್ಚಿದ ಶುಲ್ಕವನ್ನು ಶಾಲೆಯಲ್ಲಿ ಹೇಗೆ ಠೇವಣಿ ಇಡಬೇಕು ಎಂಬ ಬಗ್ಗೆ ಶಿಲ್ಪಾ ಚಿಂತಿತರಾಗಿರುವುದಾಗಿ ತಿಳಿಸಿದರು.

ಶಾಲೆ ತೆರೆಯುವ ಮುನ್ನ ವಿದ್ಯಾರ್ಥಿಗಳಿಗೆ ಶುಲ್ಕ ವಿಧಿಸುವಂತಿಲ್ಲ: ಈ ರಾಜ್ಯ ಸರ್ಕಾರದಿಂದ ಮಹತ್ವದ ಆದೇಶ

ದೆಹಲಿಯಲ್ಲಿ ಶೇಕಡಾ 50 ರವರೆಗೆ ಶಿಕ್ಷಣ ದುಬಾರಿ:
ದೆಹಲಿಯಲ್ಲಿ ಇಂತಹ ಅನೇಕ ಖಾಸಗಿ ಶಾಲೆಗಳಿವೆ, ಅವು ಯಾವುದೇ ಸೂಚನೆ ನೀಡದೆ ಶುಲ್ಕವನ್ನು ಹೆಚ್ಚಿಸಿವೆ. ಶುಲ್ಕ ಹೆಚ್ಚಳವು 5 ಅಥವಾ 10 ಪ್ರತಿಶತವಲ್ಲ, ಆದರೆ ಅನೇಕ ಖಾಸಗಿ ಶಾಲೆಗಳು ಹಣವನ್ನು 50 ಪ್ರತಿಶತದಷ್ಟು ಹೆಚ್ಚಿಸಿವೆ. ಅದರ ಅಧಿಸೂಚನೆಯ ನಂತರ ಪೋಷಕರು ಶುಲ್ಕ ಹೆಚ್ಚಳವನ್ನು ವಿರೋಧಿಸುತ್ತಿದ್ದಾರೆ. ಸರ್ಕಾರವು ಈ ವಿಷಯದಲ್ಲಿ ಮಧ್ಯಪ್ರವೇಶಿಸಿ ಕೆಲವು ಕ್ರಮಗಳನ್ನು ತೆಗೆದುಕೊಳ್ಳುತ್ತದೆಯೇ ಅಥವಾ ದೆಹಲಿಯ ಖಾಸಗಿ ಶಾಲೆಗಳು ತಮ್ಮ ಇಚ್ಛೆಯಂತೆ ಅದನ್ನು ಮುಂದುವರಿಸುತ್ತವೆಯೇ? ಎಂಬುದು ದೊಡ್ಡ ಪ್ರಶ್ನೆಯಾಗಿದೆ.

ಸರ್ಕಾರದ ಆದೇಶದ ಹೊರತಾಗಿಯೂ ಹೆಚ್ಚಿದ ಶುಲ್ಕ:
ದೆಹಲಿ ಪೋಷಕರ ಸಂಘದ ಅಧ್ಯಕ್ಷ ಅಪರಾಜಿತಾ ಗೌತಮ್ ಮಾತನಾಡಿ, ಕರೋನಾ ಅವಧಿಯಲ್ಲಿ ಶಾಲೆಗಳಿಗೆ ಬೋಧನಾ ಶುಲ್ಕವನ್ನು ಹೊರತುಪಡಿಸಿ ಯಾವುದೇ ಶುಲ್ಕವನ್ನು ವಿಧಿಸದಂತೆ ಸರ್ಕಾರ ಶಾಲೆಗಳಿಗೆ ಆದೇಶಿಸಿದೆ. ಆದರೆ ಇದಕ್ಕಾಗಿ ಯಾವುದೇ ಕಾನೂನು ರೂಪಿಸಿಲ್ಲ. ಇದರ ಫಲಿತಾಂಶವೆಂದರೆ ಈಗ ಶಾಲೆಗಳು ತಮ್ಮಿಚ್ಚೆಯಂತೆ ಶುಲ್ಕ ಹೆಚ್ಚಿಸಲು ಪ್ರಾರಂಭಿಸಿವೆ.

ಖಾಸಗಿ ಶಾಲಾ ಶುಲ್ಕ ಮನ್ನಾ ಮಾಡುವ ಬಗ್ಗೆ ಸುಪ್ರೀಂಕೋರ್ಟ್ ಹೇಳಿದ್ದೇನು?

ಶಾಲಾ ಆಡಳಿತ ಮಂಡಳಿ ತನ್ನ ಜೇಬನ್ನು ನಿಧಿಯ ಹೆಸರಿನಲ್ಲಿ ತುಂಬುತ್ತಿದೆ:
ಈ ಸಂದರ್ಭದಲ್ಲಿ ದೆಹಲಿ ಹೈಕೋರ್ಟ್ ವಕೀಲ ಅಶೋಕ್ ಅಗರ್‌ವಾಲ್ ಮಾತನಾಡಿ ಶಾಲೆ ಈಗ ಪಿಟಿಎ ಫಂಡ್, ವಿದ್ಯಾರ್ಥಿವೇತನ ನಿಧಿ, ಕಾರ್ಯಾಚರಣಾ ಶುಲ್ಕ, ತಂತ್ರಜ್ಞಾನ ಶುಲ್ಕ, ಅಭಿವೃದ್ಧಿ ಶುಲ್ಕ ಮತ್ತು ವಾರ್ಷಿಕ ಚಾರ್ಜ್ ಹೆಸರಿನಲ್ಲಿ ಶುಲ್ಕ ವಿಧಿಸಲಾಗುತ್ತಿದೆ ಎಂದು ಆರೋಪಿಸಿದರು.

Alert: ಶಾಲೆಗಳಲ್ಲಿ ಮುಂಗಡ ಶುಲ್ಕ ಕೇಳಿದರೆ ದೂರು ನೀಡಿ

ಪೋಷಕರಿಂದ ಹಣಕಾಸಿನ ಅಡಚಣೆಗಳ ಪುರಾವೆ:
ಶುಲ್ಕ ಹೆಚ್ಚಳದ ಸುದ್ದಿ ಕೇಳಿ, ಕೆಲವು ಪೋಷಕರು ಹಣಕಾಸಿನ ಅಡೆತಡೆಗಳನ್ನು ಉಲ್ಲೇಖಿಸಿ ಕಾಲೇಜಿನಿಂದ ವಿನಾಯಿತಿ ನೀಡುವಂತೆ ಒತ್ತಾಯಿಸಿದರು ಮತ್ತು ಆಡಳಿತವು ಪೋಷಕರಿಂದ ಸಾಕ್ಷ್ಯವನ್ನು ಕೇಳಿತು. ಹಣಕಾಸಿನ ತೊಂದರೆಯ ಪುರಾವೆಗಳನ್ನು ಇಮೇಲ್ ಮೂಲಕ ಒದಗಿಸುವಂತೆ ಶಾಲಾ ಆಡಳಿತ ಮಂಡಳಿ ಅನೇಕ ಪೋಷಕರಿಗೆ ಒತ್ತಾಯಿಸಿದೆ. ಸರ್ಕಾರವು ಅದರ ಮೇಲೆ ಯಾವುದೇ ಕಠಿಣ ಕಾನೂನುಗಳನ್ನು ತರದಿರುವವರೆಗೂ, ಸಾಮಾನ್ಯ ಜನರು ಕರೋನಾವೈರಸ್‌ನಿಂದ ಉಂಟಾಗುವ ಹಣದುಬ್ಬರವನ್ನು ಅನುಭವಿಸುತ್ತಲೇ ಇರುತ್ತಾರೆ ಎಂದು ಅಗರ್‌ವಾಲ್ ಹೇಳಿದರು.

More Stories

Trending News