Viral Video: ಮದುವೆ ಮಂಟಪದಲ್ಲಿಯೇ ಕಬಡ್ಡಿ ಆಡಿದ ವಧು-ವರ..!

ನೋಡುವ ಪ್ರತಿಯೊಬ್ಬರಿಗೂ ಈ ಮದುವೆ ವಿಡಿಯೋ ನಗು ತರಿಸುತ್ತದೆ

ಮದುವೆ ಮಂಟಪದಲ್ಲಿಯೇ ಕಬಡ್ಡಿ ಆಡಿದ ವಧು-ವರ

ನವದೆಹಲಿ: ಮದುವೆ ಮನೆಗಳಲ್ಲಿ ಆಗಾಗ ಚಿತ್ರ-ವಿಚಿತ್ರ ಪ್ರಸಂಗಗಳು ನಡೆಯುತ್ತಿರುತ್ತವೆ. ತಮಾಷೆ, ಹಾಸ್ಯ, ಕೀಟಲೆ ಇಲ್ಲದೆ ಮದುವೆ ಸಂಪೂರ್ಣಗೊಳ್ಳುವುದೇ ಇಲ್ಲ. ವಧು-ವರರಿಗೆ ಸಂಬಂಧಿಸಿದ ಫನ್ನಿಯಾಗಿರುವ ಅನೇಕ ವಿಡಿಯೋಗಳನ್ನು ನಾವು ನೋಡಿದ್ದೇವೆ. ಇದೀಗ ಅಂಥಹದ್ದೇ ಮತ್ತೊಂದು ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.   

ಈ ವಿಡಿಯೋದಲ್ಲಿ ವರಮಾಲಾ ಕಾರ್ಯಕ್ರಮ(Varmala Program)ದ ವೇಳೆ ಮದುವೆ ಮಂಟಪದಲ್ಲಿಯೇ ವಧು ಮತ್ತು ವರ(Groom) ಇಬ್ಬರು ಸೇರಿ ಕಬಡ್ಡಿ ಆಟ ಆಡಿದ್ದಾರೆ. ಮನೀಶ್ ಮಿಶ್ರಾ ಎಂಬುವರು ತಮ್ಮ ಟ್ವೀಟರ್ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಅನೇಕರು ಈ ವಿಡಿಯೋ ವೀಕ್ಷಿಸಿ ಬಿದ್ದು ಬಿದ್ದು ನಕ್ಕಿದ್ದು, ಶೇರ್ ಮಾಡಿದ್ದಾರೆ.

ಇದನ್ನೂ ಓದಿ: Aadhaar Card ಅನ್ನು ಅಸುರಕ್ಷಿತವಾಗಿರಿಸಲು ಈ ರೀತಿ ಲಾಕ್ ಮಾಡಿ

ಅಷ್ಟಕ್ಕೂ ಈ ವಿಡಿಯೋದಲ್ಲೇನಿದೆ ಅಂತಾ ನೋಡುವುದಾದರೆ, ವರಮಾಲಾ ಕಾರ್ಯಕ್ರಮದಲ್ಲಿ ವಧು(Bride)ವಿನ ಹಾರವನ್ನು ವರ ತಲೆತಗ್ಗಿಸಿಕೊಂಡು ಹಾಕಿಸಿಕೊಂಡಿದ್ದಾನೆ. ಆದರೆ ವರ ಹಾಕಲು ಪ್ರಯತ್ನಿಸಿದಾಗ ವಧು ತಪ್ಪಿಸಿಕೊಂಡು ಮದುವೆ ಮಂಟಪದ ತುಂಬೆಲ್ಲಾ ಓಡಾಡಿದ್ದಾಳೆ. ಈ ವಿಡಿಯೋ ಇದೀಗ ಸಖತ್ ಸದ್ದು ಮಾಡುತ್ತಿದೆ.      

यूं तो यह जयमाल का दृश्य है, पर दुल्हन की हरकत देखकर लगता है कि वो कबड्डी खेलने के इरादे से आई थी।
दूल्हे के दोस्तों का धन्यवाद जिन्होंने जयमाल सम्पन्न करवाने में मदद की। @navalkant @sengarlive @candidbhanot @PANKAJPARASHAR_ @nadeemNBT pic.twitter.com/cDzH0o8rQx

— Manish Mishra (@mmanishmishra) July 23, 2021

ಮದುವೆ ಸಮಾರಂಭದಲ್ಲಿ ನಡೆಯುವ ಹಾಸ್ಯ ಘಟನೆಗಳು ಬಹುಬೇಗನೆ ಜನರ ಗಮನ ಸೆಳೆಯುತ್ತವೆ. ಅದೇ ರೀತಿ ಈ ವಿಡಿಯೋ ಕೂಡ ನೋಡುಗರ ಗಮನ ಸೆಳೆಯುತ್ತಿದೆ. ನೋಡುವ ಪ್ರತಿಯೊಬ್ಬರಿಗೂ ಈ ವಿಡಿಯೋ ನಗು ತರಿಸುತ್ತದೆ. ವರನಿಂದ ಹಾರ ಹಾಕಿಸಿಕೊಳ್ಳಲು ಸತಾಯಿಸಿ ವಧು ಮದುವೆ ಮಂಟಪದಲ್ಲೇ ಕಬಡ್ಡಿ ಆಡಿದ್ದಾಳೆ. ಆದರೆ ತಾಳ್ಮೆ ಕಳೆದುಕೊಳ್ಳದ ವರ ಕೂಡ ಆಕೆಯೊಂದಿಗೆ ಕಬಡ್ಡಿ ಆಟ ಆಡಿದ್ದಾನೆ. ಕೊನೆಗೆ ಆಕೆಯ ಕೊರಳಿಗೆ ಹಾರ ಹಾಕುವಲ್ಲಿ ಯಶಸ್ವಿಯಾಗಿ ನಿಟ್ಟುಸಿರು ಬಿಟ್ಟಿದ್ದಾನೆ.

ಇದನ್ನೂ ಓದಿ: Mobile Banking: ನೀವು ಮೊಬೈಲ್ ಬ್ಯಾಂಕಿಂಗ್ ಬಳಸುತ್ತಿದ್ದರೆ ಈ ವಿಷಯಗಳ ಬಗ್ಗೆ ಇರಲಿ ಎಚ್ಚರ

‘ಇದು ವರಮಾಲಾ ಕಾರ್ಯಕ್ರಮದ ದೃಶ್ಯವಾಗಿದ್ದರೂ, ವಧುವನ್ನು ನೋಡಿದರೆ ಆಕೆ ಕಬಡ್ಡಿ ಆಡುವ ಉದ್ದೇಶದಿಂದಲೇ ಮದುವೆ ಮಂಟಪಕ್ಕೆ ಬಂದಿದ್ದಾಳೆಂದು ತೋರುತ್ತದೆ. ವಧುವಿಗೆ ಹಾರ ಹಾಕಲು ವರನಿಗೆ ಸಹಾಯ ಮಾಡಿದ ಎಲ್ಲಾ ಸ್ನೇಹತರಿಗೆ ಧನ್ಯವಾದಗಳು’ ಎಂದು ವಿಡಿಯೋಗೆ ಕ್ಯಾಪ್ಶನ್ ನೀಡಲಾಗಿದೆ. ಈ ವಿಡಿಯೋ ಸೋಷಿಯಲ್ ಮೀಡಿಯಾ(Social Media)ದಲ್ಲಿ ವೈರಲ್ ಆಗುತ್ತಲೇ ಅನೇಕರು ವಿವಿಧ ರೀತಿಯಲ್ಲಿ ಕಾಮೆಂಟ್ ಮಾಡಿದ್ದಾರೆ.