Vyapam Scam Verdict: ಹಗರಣದ 8 ಆರೋಪಿಗಳಿಗೆ 7 ವರ್ಷ ಜೈಲು ಶಿಕ್ಷೆ, ಇಬ್ಬರ ಖುಲಾಸೆ

Vyapam Scam Verdict (File Photo)

Vyapam Scam Verdict - ಮಧ್ಯಪ್ರದೇಶದ (Madhya Pradesh )ಬಹು ಚರ್ಚಿತ ಪೊಲೀಸ್ ಕಾನ್ಸ್ಟೇಬಲ್ ನೇಮಕಾತಿ ಪರೀಕ್ಷೆ ಹಗರಣ ಪ್ರಕರಣದಲ್ಲಿ (Police Constable Recruitment Scam) ಸಿಬಿಐ ನ್ಯಾಯಾಲಯ (CBI Court) ಇಂದು ಮಹತ್ವದ ತೀರ್ಪು ಪ್ರಕಟಿಸಿದೆ. ಈ ಹಗರಣವನ್ನು ವ್ಯಾಪಂ ಹಗರಣ (Vyapam Scam)ಎಂದೂ ಕರೆಯುತ್ತಾರೆ. ವ್ಯಾಪಂ ಪೊಲೀಸ್ ಕಾನ್ಸ್‌ಟೇಬಲ್ ನೇಮಕಾತಿ ಪರೀಕ್ಷೆ ಹಗರಣ 2012 ಪ್ರಕರಣದಲ್ಲಿ 8 ಆರೋಪಿಗಳನ್ನು ನ್ಯಾಯಾಲಯ ದೋಷಿಗಳೆಂದು ಘೋಷಿಸಿದೆ. ನ್ಯಾಯಾಲಯ ಈ ಎಲ್ಲ ಜನರಿಗೆ 7-7 ವರ್ಷಗಳ ಜೈಲು ಶಿಕ್ಷೆ ವಿಧಿಸಿದೆ. ಇದಲ್ಲದೆ ಆರೋಪಿಗಳಿಗೆ 10,000 ರೂ. ದಂಡವನ್ನು ಸಹ ವಿಧಿಸಲಾಗಿದೆ. ಈ ಪ್ರಕರಣದಲ್ಲಿ ನ್ಯಾಯಾಲಯವು ಇಬ್ಬರು ಆರೋಪಿಗಳನ್ನು ಖುಲಾಸೆಗೊಳಿಸಿದೆ. ಸಿಬಿಐ ನ್ಯಾಯಾಲಯ 3 ಅಭ್ಯರ್ಥಿಗಳು, 3 ಪರಿಹರಿಸುವವರು ಮತ್ತು 4 ಮಧ್ಯವರ್ತಿಗಳನ್ನು ನ್ಯಾಯಾಲಯದಲ್ಲಿ ಆರೋಪಿಗಳನ್ನಾಗಿ ಮಾಡಿತ್ತು. ಈ 4 ಮಧ್ಯವರ್ತಿಗಳಲ್ಲಿ ಇಬ್ಬರನ್ನು ನ್ಯಾಯಾಲಯ ಖುಲಾಸೆಗೊಳಿಸಿದೆ. ವಿಚಾರಣೆಯ ಸಮಯದಲ್ಲಿ, ನ್ಯಾಯಾಲಯವು ರಾಜೇಶ್ ಧಾಕಡ್, ಕವೀಂದ್ರ, ವಿಶಾಲ್, ಕಮಲೇಶ್, ಜ್ಯೋತಿಶ್, ನವೀನ್ ಸೇರಿದಂತೆ 8 ಆರೋಪಿಗಳನ್ನು ದೋಷಿಗಳೆಂದು ಘೋಷಿಸಿದ್ದು, ಇಬ್ಬರನ್ನು  ಖುಲಾಸೆಗೊಳಿಸಿದೆ.

ಇದನ್ನೂ ಓದಿ-ಮಥುರಾದಲ್ಲಿ ಸಂಪೂರ್ಣ ಮದ್ಯ ಮತ್ತು ಮಾಂಸ ಮಾರಾಟಕ್ಕೆ ನಿಷೇಧ ಹೇರಿದ ಯೋಗಿ ಸರ್ಕಾರ

2001ರಲ್ಲಿ PMT ಪ್ರವೇಶ ಪ್ರಕರಣದಲ್ಲಿ ಇಂದೋರ್ ಪೊಲೀಸರು 20 ನಕಲಿ ಅಭ್ಯರ್ಥಿಗಳನ್ನು ಬಂಧಿಸಿದಾಗ 2013ರಲ್ಲಿ ವ್ಯಾಪಂ (ವೃತ್ತಿಪರ ಪರೀಕ್ಷಾ ಮಂಡಳಿ) ಹಗರಣ ಬೆಳಕಿಗೆ ಬಂದಿತ್ತು. 2013 ರಲ್ಲಿ ಡಾ.ಜಗದೀಶ್ ಸಾಗರ್ ಅವರನ್ನು ಬಂಧಿಸಿದ ನಂತರ, ಈ ಪ್ರಕರಣದ ಜಾಲ ಬಹಿರಂಗಗೊಂಡಿತು. ನಿಜವಾದ ಅಭ್ಯರ್ಥಿಗಳ ಜಾಗದಲ್ಲಿ ಬೇರೆ  ಜನರು ಪರೀಕ್ಷೆಯನ್ನು ಬರೆಯಲು ಬಂದಿದ್ದಾರೆ ಎಂದು ಆರೋಪಿಸಲಾಗಿತ್ತು.

ಇದನ್ನೂ ಓದಿ-ರಾಜಸ್ತಾನದಲ್ಲಿ ನಾಗೌರ್ ನಲ್ಲಿ ಅಪ್ರಾಪ್ತ ಬಾಲಕಿ ಮೇಲೆ ಸಾಮೂಹಿಕ ಅತ್ಯಾಚಾರ

2015 ರಲ್ಲಿ ಸುಪ್ರೀಂ ಕೋರ್ಟ್ (Supreme Court) ವ್ಯಾಪಂ ಪ್ರಕರಣದ ತನಿಖೆಯನ್ನು ಸಿಬಿಐಗೆ ವಹಿಸಿತ್ತು. ಈ ಪ್ರಕರಣದಲ್ಲಿ ರಾಷ್ಟ್ರೀಯ ಸಂಸ್ಥೆ 100 ಕ್ಕೂ ಹೆಚ್ಚು ಪ್ರಕರಣಗಳನ್ನು ದಾಖಲಿಸಿದೆ. ನಿಜವಾದ ಸ್ಪರ್ಧಿಗಳು ಮತ್ತು ಅವರ ಸ್ಥಾನದಲ್ಲಿ ಪರೀಕ್ಷೆಗೆ ಹಾಜರಾದವರ ಚಿತ್ರಗಳನ್ನು ಮಿಶ್ರಣ ಮಾಡುವ ಮೂಲಕ ಸ್ಕ್ಯಾಮರ್‌ಗಳು ಈ ಚಿತ್ರಗಳನ್ನು ರಚಿಸಿದ್ದಾರೆ. ಆದ್ದರಿಂದ, ಮಾರ್ಫ್ ಚಿತ್ರಗಳಿಂದ ನಿಜವಾದ ಅಭ್ಯರ್ಥಿ ಮತ್ತು ನಕಲಿ ಅಭ್ಯರ್ಥಿಯನ್ನು ಗುರುತಿಸುವುದು ಏಜೆನ್ಸಿಗೆ ತುಂಬಾ ಕಷ್ಟಕರವಾಗಿತ್ತು. ಈ ಪ್ರಕರಣದಲ್ಲಿ ದಾಖಲಾದ ಎಲ್ಲ ಪ್ರಕರಣಗಳ ತನಿಖೆ ಇದೀಗ ಪೂರ್ಣಗೊಂಡಂತಾಗಿದೆ.