ಕೇವಲ 42 ರೂಪಾಯಿಗಳ ಪ್ರೀಮಿಯಂನಲ್ಲಿ ಈ ಪಿಂಚಣಿ ಯೋಜನೆಯ ಲಾಭ ಪಡೆಯಿರಿ

ನವದೆಹಲಿ : ನೀವು ಯಾವುದೇ ಪಿಂಚಣಿ ಯೋಜನೆಯನ್ನು ತೆಗೆದುಕೊಂಡಿದ್ದೀರಾ? ತೆಗೆದುಕೊಳ್ಳದಿದ್ದರೆ, ಇನ್ನೂ ಅವಕಾಶವಿದೆ. ಸರ್ಕಾರವು ಅನೇಕ ಪಿಂಚಣಿ ಯೋಜನೆಗಳನ್ನು ನಡೆಸುತ್ತಿದೆ, ಅದರ ಮೂಲಕ ನಿಮ್ಮ ವೃದ್ಧಾಪ್ಯವನ್ನು ನೀವು ಭದ್ರಪಡಿಸಿಕೊಳ್ಳಬಹುದು. ಅಂತಹ ಒಂದು ಯೋಜನೆ ಅಟಲ್ ಪಿಂಚಣಿ ಯೋಜನೆ (ATAL PENSION YOJANA), ಇದರಲ್ಲಿ 18 ರಿಂದ 40 ವರ್ಷದೊಳಗಿನ ಯಾವುದೇ ವ್ಯಕ್ತಿ ಈ ಯೋಜನೆಯನ್ನು ಪಡೆಯಬಹುದು.

ಎಪಿವೈಯ ಎರಡು ಪ್ರಯೋಜನಗಳಿವೆ. ಮೊದಲನೆಯದು ಪಿಂಚಣಿ ಮತ್ತು ಎರಡನೆಯದು ಆದಾಯ ತೆರಿಗೆ ವಿನಾಯಿತಿ. ಈ ಯೋಜನೆಯು 60 ವರ್ಷ ವಯಸ್ಸಿನ ಜನರಿಗೆ 1000 ರಿಂದ 5000 ರೂ.ಗಳವರೆಗೆ ಕನಿಷ್ಠ ಖಾತರಿಯ ಮಾಸಿಕ ಪಿಂಚಣಿ ನೀಡುತ್ತದೆ.

ಅಸಂಘಟಿತ ವಲಯ :
ಮೋದಿ ಸರ್ಕಾರ ಎಪಿವೈ ಅನ್ನು 2015 ರಲ್ಲಿ ಪ್ರಾರಂಭಿಸಿತು. ಇದನ್ನು ಅಸಂಘಟಿತ ವಲಯದ ಜನರಿಗಾಗಿ ಜಾರಿಗೊಳಿಸಲಾಗಿದೆ. ಇದರ ಖಾತೆಯನ್ನು 40 ವರ್ಷ ವಯಸ್ಸಿನವರೆಗೆ ತೆರೆಯಬಹುದು.

ತೆರಿಗೆ ವಿನಾಯಿತಿ: 
ನೀವು ಎಪಿವೈ ಖಾತೆಯಲ್ಲಿ ಠೇವಣಿ ಇರಿಸಿದ ಮೊತ್ತದ ಮೇಲೆ ನಿಮಗೆ ಆದಾಯ ತೆರಿಗೆ ರಿಯಾಯಿತಿ ಸಿಗುತ್ತದೆ. ಇದಕ್ಕಾಗಿ ಖಾತೆಯಲ್ಲಿನ ಠೇವಣಿಯ ರಶೀದಿಯನ್ನು ತೋರಿಸಬೇಕಾಗಿದೆ.

ಎನ್‌ಪಿಎಸ್‌ಗಿಂತ ಭಿನ್ನ:
ಈ ಯೋಜನೆ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಯಿಂದ (NPS) ಭಿನ್ನವಾಗಿದೆ. ಎನ್‌ಪಿಎಸ್‌ನಲ್ಲಿ 60 ವರ್ಷ ವಯಸ್ಸಿನವರೆಗೆ ಠೇವಣಿ ಇರಿಸಿದ ಮೊತ್ತದ ಆಧಾರದ ಮೇಲೆ ಪಿಂಚಣಿ ನಿಗದಿಪಡಿಸಿದರೆ, ಎಪಿವೈನಲ್ಲಿ ಪಿಂಚಣಿಯನ್ನು 1,000 ರಿಂದ 5,000 ರೂ. ಪ್ರತಿ ತಿಂಗಳು ನೀವು ಠೇವಣಿ ಇಡುವ ಮೊತ್ತವನ್ನು ಅವಲಂಬಿಸಿ ಪಿಂಚಣಿ ನಿರ್ಧರಿಸಲಾಗುವುದು.

ಪ್ರೀಮಿಯಂ :
ನಿಮಗೆ 18 ವರ್ಷ ವಯಸ್ಸಾಗಿದ್ದರೆ 60 ವರ್ಷಗಳಲ್ಲಿ ಮಾಸಿಕ 1,000 ರೂ.ಗಳ ಪಿಂಚಣಿಗೆ ನೀವು 42 ರೂ. ಪಾವತಿಸಬೇಕು. ಅದೇ ಸಮಯದಲ್ಲಿ 5,000 ರೂ. ಪಿಂಚಣಿ (Pension)ಗಾಗಿ, 60 ವರ್ಷಗಳು ಪೂರ್ಣಗೊಳ್ಳುವವರೆಗೆ, ನೀವು ತಿಂಗಳಿಗೆ ಕೇವಲ 210 ರೂ.ಪಾವತಿಸಬೇಕು. ಆದಾಗ್ಯೂ ನೀವು 40 ವರ್ಷ ವಯಸ್ಸಿನವರಾಗಿದ್ದರೆ, ನೀವು 1,000 ರೂ. ಪಿಂಚಣಿಗೆ 291 ರೂ. ಮತ್ತು 5 ಸಾವಿರ ಪಿಂಚಣಿಗೆ 1,454 ರೂ. ಪಾವತಿಸಬೇಕು. ಚಂದಾದಾರರು ಆಕಸ್ಮಿಕ ಸಾವನ್ನಪ್ಪಿದರೆ ನಾಮಿನಿಗೆ 8.5 ಲಕ್ಷ ರೂ. ದೊರೆಯಲಿದೆ.