ಬೆಂಗಳೂರು: ಕಾಂಗ್ರೇಸ್, ಬಿಜೆಪಿ ಮತ್ತು ಜೆಡಿಎಸ್ ಪಕ್ಷಗಳ ಸಾಂಪ್ರದಾಯಿಕ ರಾಜಕಾರಣವನ್ನು ತಿರಸ್ಕರಿಸಿ ಪರ್ಯಾಯ ರಾಜಕೀಯವನ್ನು ರಾಜ್ಯದಲ್ಲಿ ಹುಟ್ಟುಹಾಕಲು ಜಾರಿಗೆ ಬಂದಂತಹ ಜನಾಂದೋಲನಗಳ ಮಹಾಮೈತ್ರಿಯು ಈಗ ಚುನಾವಣೆಗೆ ಪೂರಕವಾದ ಸಿದ್ದತೆಯನ್ನು ನಡೆಸಿದೆ.
ಅದರ ಭಾಗವಾಗಿ ಇದೇ ಫೆ.24 ಭಾನುವಾರದಂದು ಕೂಡಲ ಸಂಗಮದಲ್ಲಿ 'ಸಂಕಲ್ಪ ಸಭೆ'ಯನ್ನು ಹಮ್ಮಿಕೊಂಡಿದೆ. ಈ ಸಂಕಲ್ಪ ಸಭೆಯಲ್ಲಿ ಜನಾಂದೋಲನ ಮಹಾಮೈತ್ರಿಯ ಭಾಗವಾಗಿರುವ ಎಲ್ಲ ಪ್ರಗತಿಪರ ಸಂಘಟನೆಗಳು ಭಾಗವಹಿಸಲಿವೆ ಎಂದು ತಿಳಿದುಬಂದಿದ್ದು. ಇನ್ನೆರಡು ತಿಂಗಳಲ್ಲಿ ಕರ್ನಾಟಕದಲ್ಲಿ ವಿಧಾನಸಭಾ ಚುನಾವಣೆ ಇರುವುದರಿಂದ, ಇದಕ್ಕೆ ಸಂಬಂಧಿಸಿದ ಹಾಗೆ ರೂಪುರೇಷೆಗಳನ್ನು ಸಿದ್ದಪಡಿಸಲು ಈ ಸಭೆಯನ್ನು ಕರೆಯಲಾಗಿದೆ ಎಂದು ತಿಳಿದುಬಂದಿದೆ.
