ಮಾರ್ಚ್ 21ರಿಂದ 28ರವರೆಗೆ ಮೆಟ್ರೋ ಸಂಚಾರ ಬಂದ್..!

ಮಾರ್ಚ್ ೨೧ ರಿಂದ ೨೮ ರವರೆಗೆ ಮೆಜೆಸ್ಟಿಕ್ ನಿಂದ ನಾಯಂಡಹಳ್ಳಿವರೆಗೆ ಮೆಟ್ರೋ ಸಂಚಾರ ಸ್ಥಗಿತಗೊಳ್ಳಲಿದೆ

ಮಾರ್ಚ್ ೨೧ ರಿಂದ ೨೮ ರವರೆಗೆ ಮೆಟ್ರೋ ಸಂಚಾರ ಇಲ್ಲ (file photo)

ಬೆಂಗಳೂರು :  ಮಾರ್ಚ್ ೨೧ ರಿಂದ ೨೮ ರವರೆಗೆ ಮೆಜೆಸ್ಟಿಕ್ ನಿಂದ  ನಾಯಂಡಹಳ್ಳಿವರೆಗೆ ಮೆಟ್ರೋ (Metro) ಸಂಚಾರ ಸ್ಥಗಿತಗೊಳ್ಳಲಿದೆ. ಈ ಬಗ್ಗೆ ಬಿಎಂಆರ್'ಸಿಎಲ್  ಮಾಧ್ಯಮ  ಪ್ರಕಟಣೆ ಬಿಡುಗಡೆ ಮಾಡಿದೆ. ಮೈಸೂರು ರಸ್ತೆ-ಕೆಂಗೇರಿ ವಿಸ್ತೃತ ಮಾರ್ಗದಲ್ಲಿ ಸಿಗ್ನಲಿಂಗ್ ಕಾಮಗಾರಿ ನಡೆಯುತ್ತಿದೆ. ಈ ಹಿನ್ನೆಲೆಯಲ್ಲಿ ಸಂಚಾರದಲ್ಲಿ ವ್ಯತ್ಯಯ  ಉಂಟಾಗಲಿದೆ. 

ಮಾಗಡಿ (Magadi) ರಸ್ತೆಯಿಂದ ಮೈಸೂರು  ರಸ್ತೆ ಮಾರ್ಗದಲ್ಲಿ ಸಿಗ್ನಲಿಂಗ್ ವ್ಯವಸ್ಥೆಗೆ ಕಾಮಗಾರಿ ನಡೆಸುವ ಅಗತ್ಯವಿದೆ. ಕಾಮಗಾರಿ ಹಿನೆಲೆಯಲ್ಲಿ ಮೆಜೆಸ್ಟಿಕ್ ನಿಂದ ನಾಯಂಡಹಳ್ಳಿವರೆಗೆ  ಮೆಟ್ರೋ (Metro) ಸಂಚಾರ ಸಂಪೂರ್ಣ ವಾಗಿ ಸ್ಥಗಿತಗೊಳ್ಳಲಿದೆ. ಅಲ್ಲದೆ ಮೆಜೆಸ್ಟಿಕ್ ನಿಂದ ಮೈಸೂರು ಮೆಟ್ರೋ ರಸ್ತೆವರೆಗೆ ಮೆಟ್ರೋ ಸಂಚಾರದಲ್ಲಿ ವ್ಯತ್ಯಯ ಉಂಟಾಗಲಿದೆ. 

ಇದನ್ನೂ ಓದಿ : HD Kumaraswamy: 'ರಮೇಶ್ CD ಮಾಹಿತಿ ಕೊಟ್ಟಿದ್ದು ನಾನು; ಮಹಾನಾಯಕ ಯಾರೆಂದು ಗೊತ್ತು'

ಬಿಎಂಆರ್ ಸಿ ಎಲ್  (BMRCL) ಈ ಬಗ್ಗೆ ಪ್ರಕಟಣೆ ಬಿಡುಗಡೆ ಮಾಡಿದೆ.  ಮಾರ್ಚ್ ೨೯ ರಿಂದ ಮತ್ತೆ ಪೂರ್ಣ ಪ್ರಮಾಣದಲ್ಲಿ ಮೆಟ್ರೋ ಸಂಚಾರ ಆರಂಭವಾಗಲಿದೆ. ಇನ್ನು ಮೆಜೆಸ್ಟಿಕ್ ನಿಂದ  (Megestic) ಬೈಯಪ್ಪನ ಹಳ್ಳಿ ವರೆಗಿನ ಮಾರ್ಗದಲ್ಲಿ ಯಾವುದೇ ವ್ಯತ್ಯಯ ಇರುವುದಿಲ್ಲ. ಈ ಮಾರ್ಗದಲ್ಲಿ ಎಂದಿನಂತೆ ಸಂಚಾರ ನಡೆಯಲಿದೆ. 

ಇದನ್ನೂ ಓದಿ : Ramesh Jarkiho: ಸಚಿವ ಸ್ಥಾನ ಕಳೆದುಕೊಂಡ 'ಸಾಹುಕಾರ್'ಗೆ ಬಿಜೆಪಿಯಿಂದ ಮತ್ತೊಂದು ಶಾಕ್!