ವಾಹನಗಳಿಗೆ ನೋಂದಣಿ ಫಲಕ ಅಳವಡಿಸಲು ನಿಗದಿ ಮಾಡಿದ್ದ ಅವಧಿ ಮತ್ತೆ ವಿಸ್ತರಿಸಲಾಗುವುದು : ರಾಮಲಿಂಗಾ ರೆಡ್ಡಿ ಹೇಳಿಕೆ

Registration plates : ಸಾರಿಗೆ ಸಚಿವ ರಾಮಲಿಂಗ ರೆಡ್ಡಿ ವಾಹನಗಳಿಗೆ ಅತಿ ಸುರಕ್ಷತಾ ನೊಂದಣಿ ಫಲಕ ಅಳವಡಿಸಲು ನಿಗದಿ ಮಾಡಿದ್ದ ಅವಧಿಯನ್ನು ಮತ್ತೆ ಮೂರು ತಿಂಗಳು ವಿಸ್ತರಿಸಲಾಗುವುದು ಎಂದು ಹೇಳಿಕೆ ನೀಡಿದ್ದಾರೆ.

Installation of registration plates on vehicles : ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿಗಳ ಸಚಿವಾಲಯದ ಆದೇಶದಂತೆ 2019ರ ಏಪ್ರಿಲ್ ನಂತರ ನೋಂದಣಿಯಾದ ವಾಹನಗಳಿಗೆ ಸುರಕ್ಷತಾ ನೋಂದಣಿ ಫಲಕ ಅಳವಡಿಸಲಾಗುತ್ತಿದೆ. 

ವಾಹನಗಳನ್ನು ಉಪಯೋಗಿಸಿಕೊಂಡು ಮಾಡುವ ಅಪರಾಧಗಳನ್ನು ತಡೆಯಲು ಮತ್ತು ವಾಹನಗಳನ್ನು ಖಚಿತವಾಗಿ ಗುರುತಿಸಲು ಈ ನೊಂದಣಿ ಫಲಕಗಳನ್ನು ಅಳವಡಿಸಲಾಗುತ್ತಿದೆ ಎಂದು ಸಾರಿಗೆ ಸಚಿವ  ರಾಮಲಿಂಗ ರೆಡ್ಡಿ ವಿಧಾನಪರಿಷತ್ ನಲ್ಲಿ ಕಾಂಗ್ರೆಸ್ ಮಧು ಜಿ ಮಾದೇಗೌಡ ಅವರ ಪ್ರಶ್ನೆಗೆ ಉತ್ತರಿಸಿದರು. 

ಇದನ್ನು ಓದಿ : ಕಡು ನೀಲಿ ಬಣ್ಣದಲ್ಲಿ ಕಂಗನಾ ರಣಾವತ್ : ಫೋಟೋಸ್ ವೈರಲ್

2019ರ ಏಪ್ರಿಲ್ ಗೂ ಮೊದಲು 2.45 ಕೋಟಿ ವಾಹನಗಳು ರಾಜ್ಯದಲ್ಲಿ ನೋಂದಣಿಯಾಗಿವೆ. ಅವುಗಳಲ್ಲಿ ಶೇ.90ಕ್ಕೂ ಹೆಚ್ಚು ವಾಹನಗಳು ಫಲಕಗಳನ್ನು ಅಳವಡಿಸಲು ಬಾಕಿ ಉಳಿದಿದ್ದು, ಕೇವಲ 18.32 ಲಕ್ಷ ವಾಹನಗಳಷ್ಟೇ ಫಲಕವನ್ನು ಅಳವಡಿಸಿಕೊಂಡಿವೆ. 

ಫಲಕ ಅಳವಡಿಕೆಗೆ ನೀಡಿದ ಅವಧಿ ಇದೇ ಫೆಬ್ರವರಿ 17ಕ್ಕೆ ಮುಗಿಯಲಿದ್ದು, ಮತ್ತೆ ವಿಸ್ತರಿಸಲು ನಿರ್ಧರಿಸಲಾಗಿದೆ ಇದಾದ ನಂತರ ದಂಡ ಪ್ರಕ್ರಿಯೆ ಆರಂಭವಾಗುತ್ತದೆ ಎಂದು ತಿಳಿಸಿದ್ದಾರೆ.