ಒಪ್ಪಂದ ಉಲ್ಲಂಘನೆಗೆ ಪೃಥ್ವಿ ಬಿಲ್ಡರ್ಸ್‍ಗೆ ಬಡ್ಡಿ ಸಮೇತ ಪರಿಹಾರ ಕೊಡುವಂತೆ ಆದೇಶಿಸಿದ ಗ್ರಾಹಕರ ಆಯೋಗ

ಸಾಂದರ್ಭಿಕ ಚಿತ್ರ

ಧಾರವಾಡ: ಗಾಂಧಿನಗರದ ನಿವಾಸಿ ರೋಹಿಣಿ ಜಾಧವ ಎಂಬುವರು 2017ನೇ ಇಸ್ವಿಯಲ್ಲಿ ಎದುರುದಾರಾದ ಪೃಥ್ವಿ ಬಿಲ್ಡರ್ಸ್ ಕಡೆಯಿಂದ ತಡಸಿನಕೊಪ್ಪ ಗ್ರಾಮದ ಲೇಔಟ್‍ನ ಪ್ಲಾಟ್ ನಂ. 12ನ್ನು ರೂ.9,25,000/-ಗೆ ಖರೀದಿಸಿ ಅದರ ಪೈಕಿ ರೂ. 5,10,000/- ಹಣವನ್ನು ಮುಂಗಡವಾಗಿ ಕೊಟ್ಟಿದ್ದರು.

ಇದನ್ನೂ ಓದಿ: ಸಿಎಂ ಸ್ಥಾನಕ್ಕೆ ಸಿದ್ದು ಹೆಸರು ಘೋಷಣೆ : ಡಿಕೆಶಿ ತವರಲ್ಲಿ ಖಾಕಿ ಹೈ ಅರ್ಲಟ್‌

ಈ ಬಗ್ಗೆ ಉಭಯತರ ಮಧ್ಯೆ ಖರೀದಿ ಕರಾರು ಒಪ್ಪಂದ ಪತ್ರ ಆಗಿತು. ಆದರೆ ಎದುರುದಾರರು 4-5 ವರ್ಷ ಕಳೆದರೂ ಲೇಔಟ್ ಅಭಿವೃದ್ಧಿ ಮಾಡಿರಲ್ಲಿಲ್ಲ. ದೂರುದಾರರಿಗೆ ಪ್ಲಾಟ್ ನಂ.12 ರ ಬಗ್ಗೆ ಖರೀದಿ ಪತ್ರ ನೊಂದಣಿ ಮಾಡಿಕೊಟ್ಟಿರಲಿಲ್ಲ. ಹಲವು ಬಾರಿ ದೂರುದಾರರು ಎದುರುದಾರರಿಗೆ ವಿನಂತಿಸಿದಾಗ 08/06/2022 ರಂದು ರೂ.2,50,000/- ಹಣ ವಾಪಸ್ಸು ಮಾಡಿದ್ದರು. ಬಾಕಿ ಹಣ ರೂ.2,60,000/- ಗೆ ಎದುರುದಾರರು ಒಂದು ಚೆಕ್ಕನ್ನು ಕೊಟ್ಟಿದ್ದರು. ಆದರೆ ಆ ಚೆಕ್ಕು ಕೂಡ ಅಮಾನ್ಯವಾದ ಕಾರಣ ಎದುರುದಾರರ ವಿರುದ್ಧ ಧಾರವಾಡದ ಜೆ.ಎಂ.ಎಪ್.ಸಿ ಕೊರ್ಟ್‍ನಲ್ಲಿ ಚೆಕ್ಕ ಬೌನ್ಸ್ ಕೇಸನ್ನು ಹಾಕಿದ್ದರು. ಆನಂತರ ಎದುರುದಾರರು ರೂ.2,60,000/- ಹಣವನ್ನು ದೂರುದಾರರಿಗೆ ಕೊಟ್ಟಿದ್ದರು. 2017 ರಿಂದ 08/06/2022 ರವರೆಗೆ ತನ್ನ ರೂ.5,10.000/- ಹಣವನ್ನು ಎದುರುದಾರ ಬಳಸಿಕೊಂಡು ಅದರ ಮೇಲೆ ತನಗೆ ಬಡ್ಡಿ ಅಥವಾ ಪರಿಹಾರ ಕೊಟ್ಟಿಲ್ಲ ಅಂಥ ಹೇಳಿ ಎದುರುದಾರರಿಂದ ತನಗೆ ಮೊಸವಾಗಿ ಸೇವಾ ನ್ಯೂನ್ಯತೆ ಆಗಿದೆ ಅಂತ ಎದುರುದಾರರ ಮೇಲೆ ಕ್ರಮ ಕೈಗೊಳ್ಳುವಂತೆ ದೂರುದಾರರು ಧಾರವಾಡ ಜಿಲ್ಲಾ ಗ್ರಾಹಕರ ಆಯೋಗಕ್ಕೆ ದೂರು ಸಲ್ಲಿಸಿದ್ದರು.

ಇದನ್ನೂ ಓದಿ: ಸಂಪೂರ್ಣ ಬಹುಮತವಿದ್ದರೂ ಕಾಂಗ್ರೆಸ್ ಸರ್ಕಾರ ರಚಿಸುತ್ತಿಲ್ಲ. ಹಂಗಾಮಿ ಸಿಎಂ ಬಸವರಾಜ ಬೊಮ್ಮಾಯಿ‌

ಸದರಿ ದೂರಿನ ಬಗ್ಗೆ ಕೂಲಂಕುಷವಾಗಿ ವಿಚಾರಣೆ ನಡೆಸಿದ ಆಯೋಗದ ಅಧ್ಯಕ್ಷ ಈಶಪ್ಪ.ಭೂತೆ, ಸದಸ್ಯರಾದ ವಿಶಾಲಾಕ್ಷಿ.ಅ. ಬೋಳಶೆಟ್ಟಿ ಹಾಗೂ ಪ್ರಭು .ಸಿ, ಹಿರೇಮಠ ಸದಸ್ಯರು, 2017 ರಲ್ಲಿ ದೂರುದಾರರು ರೂ.5 ಲಕ್ಷ 10 ಸಾವಿರ ರೂ.ಮುಂಗಡ ಹಣಕೊಟ್ಟು ಸೈಟನ್ನು ಖರೀದಿಸಿ ಕರಾರು ಪತ್ರ ಮಾಡಿಕೊಂಡಿದ್ದು ಆ ಸೈಟನ್ನು ಕೊಡದೆ ಆ ಹಣವನ್ನು ಎದುರುದಾರರು ತನ್ನ ಸ್ವಂತಕ್ಕೆ ಉಪಯೋಗಿಸಿಕೊಂಡು ಅವರಿಗೆ ಮೋಸ ಮಾಡಿ ಸೇವಾ ನ್ಯೂನ್ಯತೆ ಎಸಗಿದ್ದಾರೆ ಅಂತಾ ಆಯೋಗ ಅಭಿಪ್ರಾಯಪಟ್ಟು ತೀರ್ಪು ನೀಡಿದೆ.

ಎದುರುದಾರಿಗೆ ಕೊಟ್ಟ ರೂ.5,10,000/- ಮೇಲೆ 2017 ರಿಂದ ಪೂರ್ತಿ ಹಣ ಸಂದಾಯ ವಾಗುವರೆಗೆ ಶೇ.8 ರಂತೆ ಬಡ್ಡಿಕೊಡಲು ಮತ್ತು ಎದುರುದಾರರ ತಪ್ಪಿನಿಂದ ದೂರುದಾರಿಗೆ ಆಗಿರುವ ಅನಾನುಕೂಲ ಮತ್ತು ಮಾನಸಿಕ ಹಿಂಸೆಗೆ ರೂ.50,000/- ಪರಿಹಾರ ಹಾಗೂ ರೂ. 5,000/- ಪ್ರಕರಣದ ಖರ್ಚು ಕೊಡುವಂತೆ ಆಯೋಗ ಆದೇಶಿಸಿದೆ. ಈ ಪ್ರಕರಣದ ವಿಶೇಷತೆ ಎಂದರೆ ದೂರುದಾರಳು ಆಯೋಗದ ಮುಂದೆ ತನ್ನ ಪ್ರಕರಣವನ್ನು ತಾನೇ ನಡೆಸಿ ಜಯಶೀಲರಾಗಿರುವುದು,