US-China Relationship: ಈ ದೇಶದಲ್ಲಿ ಕುಳಿತು ಅಮೆರಿಕಾದ ಮೇಲೆ ಬೇಹುಗಾರಿಕೆ ನಡೆಸುತ್ತಿತ್ತು ಚೀನಾ!

China Spying On US: ಚೀನಾದ ಹೊಸ ಬೇಹುಗಾರಿಕೆ ಕುತಂತ್ರದ ಕುರಿತು ಅಮೆರಿಕದ ಬಿಡೆನ್ ಸರ್ಕಾರದ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ. ಚೀನಾ ತನ್ನ ಬೇಹುಗಾರಿಕಾ ತಂತ್ರಗಳನ್ನು ಮುಂದುವರೆಸಿದೆ ಮತ್ತು ಕಳೆದ ಕೆಲ ವರ್ಷಗಳಿಂದ ಅದು ಕ್ಯೂಬಾ ಮೂಲಕ ಅಮೆರಿಕದ ಚಲನವಲನಗಳ ಮೇಲೆ ಹದ್ದಿನ ಕಣ್ಣಿಟ್ಟಿದೆ ಎಂದು ಅವರು ಹೇಳಿದ್ದಾರೆ.

China Spying On US: ಚೀನಾ ಮೇಲೆ ಮತ್ತೊಮ್ಮೆ ಪೆಂಟಾಗಾನ್ ವಾಗ್ದಾಳಿ ನಡೆಸಿದೆ. ಈ ಕುರಿತು ಯುಎಸ್ ತನ್ನ ಗುಪ್ತಚರ ವರದಿಯನ್ನು ಬಿಡುಗಡೆ ಮಾಡಿದ್ದು ಇದೀಗ ವರದಿ ವಿಶ್ವಾದ್ಯಂತ ಭಾರಿ ಸಂಚಲನ ಮೂಡಿಸಿದೆ. ಈ ವರದಿಯ ಪ್ರಕಾರ, 2019 ರಿಂದ, ಚೀನಾ ಕ್ಯೂಬಾದ ರಹಸ್ಯ ಸ್ಥಳಗಳಿಂದ ಅಮೆರಿಕದ ಮೇಲೆ ಬೇಹುಗಾರಿಕೆ ನಡೆಸುತ್ತಿದೆ ಎನ್ನಲಾಗಿದೆ. ಆದರೆ ಇನ್ನೊಂದೆಡೆ ಕ್ಯೂಬಾ ಈ ರೀತಿಯ ಹಕ್ಕುಮಂಡನೆಯನ್ನು ತಳ್ಳಿಹಾಕಿದೆ.

ಚೀನಾದ ಹೊಸ ಬೇಹುಗಾರಿಕೆ ಕುತಂತ್ರದ ಕುರಿತು ಅಮೆರಿಕದ ಬಿಡೆನ್ ಸರ್ಕಾರದ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ. ಚೀನಾ ತನ್ನ ಬೇಹುಗಾರಿಕಾ ತಂತ್ರಗಳನ್ನು ಮುಂದುವರೆಸಿದೆ ಮತ್ತು ಕಳೆದ ಕೆಲ ವರ್ಷಗಳಿಂದ ಅದು ಕ್ಯೂಬಾ ಮೂಲಕ ಅಮೆರಿಕದ ಚಲನವಲನಗಳ ಮೇಲೆ ಹದ್ದಿನ ಕಣ್ಣಿಟ್ಟಿದೆ ಎಂದು ಅವರು ಹೇಳಿದ್ದಾರೆ.

ಯುಎಸ್ ವರದಿಯಲ್ಲಿ ಹೇಳಿದ್ದೇನು?
ಫ್ಲೋರಿಡಾದಿಂದ ಸುಮಾರು 160 ಕಿಮೀ ದೂರದಲ್ಲಿರುವ ದ್ವೀಪದಲ್ಲಿ ಎಲೆಕ್ಟ್ರಾನಿಕ್ ಕದ್ದಾಲಿಕೆ ಸೌಲಭ್ಯವನ್ನು ನಿರ್ಮಿಸಲು ಚೀನಾ ಕ್ಯೂಬಾದೊಂದಿಗೆ ರಹಸ್ಯ ಒಪ್ಪಂದ ಮಾಡಿಕೊಂಡಿದೆ ಎಂದು ವಾಲ್ ಸ್ಟ್ರೀಟ್ ಜರ್ನಲ್ ವರದಿ ಗುರುವಾರ ತಿಳಿಸಿದೆ.

ಅನಾಮಧೇಯತೆಯ ಷರತ್ತಿನ ಮೇಲೆ, ಬಿಡೆನ್ ಆಡಳಿತದ ಅಧಿಕಾರಿಯೊಬ್ಬರು, ಈ ವರದಿಯು ನಮ್ಮ ತಿಳುವಳಿಕೆಗೆ ಅನುಗುಣವಾಗಿಲ್ಲ ಎಂದು ಹೇಳಿದ್ದಾರೆ. ಬೇಹುಗಾರಿಕೆಗಾಗಿ ಚೀನಾ ಯಾವ ಪ್ರಯತ್ನಗಳನ್ನು ಮಾಡಿದೆ ಎಂಬುದನ್ನು ವರದಿಯಲ್ಲಿ ಬಹಿರಂಗಪಡಿಸಲಾಗಿಲ್ಲ.

ಅಧಿಕೃತವಾಗಿ ಈ ವಿಷಯ ಬಿಡೆನ್ ಅಧಿಕಾರ ವಹಿಸಿಕೊಳ್ಳುವ ಮೊದಲು ನಡೆದಿದೆ ಎನ್ನಲಾಗಿದೆ. ಚೀನಾ ವಿಶ್ವಾದ್ಯಂತ ತನ್ನ ಗುಪ್ತಚರ ವ್ಯವಸ್ಥೆಯನ್ನು ಸಾಕಷ್ಟು ಬಲಪಡಿಸಿದೆ. ಇದು ಚೀನಾ ಪಾಲಿಗೆ ಹೊಸ ವಿಷಯವಾಗಿಲ್ಲ.  ಚೀನಾ ಕ್ಯೂಬಾದಲ್ಲಿ ಕೂಡ ತನ್ನ ಸೌಲಭ್ಯಗಳನ್ನು ಬಲಪಡಿಸಿದೆ. ಈ ವಿಷಯವನ್ನು ಗುಪ್ತಚರ ವರದಿಯಲ್ಲಿ ವಿವರವಾಗಿ ಉಲ್ಲೇಖಿಸಲಾಗಿದೆ.

ಈ ವಿಷಯದ ಬಗ್ಗೆ, ವಾಷಿಂಗ್ಟನ್‌ನಲ್ಲಿರುವ ಚೀನಾದ ರಾಯಭಾರಿ ಅಧಿಕಾರಿಯೊಬ್ಬರು ಚೀನಾದ ವಿದೇಶಾಂಗ ಸಚಿವಾಲಯದ ವಕ್ತಾರರ ಹೇಳಿಕೆಯನ್ನು ಉಲ್ಲೇಖಿಸಿದ್ದಾರೆ. ಇದರಲ್ಲಿ ಅವರು ಕ್ಯೂಬಾದಿಂದ ಬೇಹುಗಾರಿಕೆ ವಿಷಯ ಇದು ಅಮೆರಿಕ ಹರಡಿರುವ ಒಂದು ವದಂತಿ ಎಂದು ಹೇಳಿದ್ದಾರೆ. ಮಾನಹಾನಿ ಆರೋಪ ಮಾಡಿದ ಚೀನಾ, ಅಮೆರಿಕವನ್ನು ಅಪಾಯಕಾರಿ ಹ್ಯಾಕರ್ ಸುಲ್ತಾನೇಟ್ ಎಂದು ಆರೋಪಿಸಿದೆ.

ಇದನ್ನೂ ಓದಿ-Ukraine-Russia War: ರಷ್ಯಾ ಒಳಹೊಕ್ಕು ದಾಳಿ ಮಾಡುವ ಶಕ್ತಿ ಪಡೆದುಕೊಂಡ ಯುಕ್ರೈನ್, ಪುಟಿನ್ ಟೆನ್ಷನ್ ನಲ್ಲಿ ಹೆಚ್ಚಳ

ಮತ್ತೊಂದೆಡೆ, ಕ್ಯೂಬಾದ ಉಪ ವಿದೇಶಾಂಗ ಸಚಿವ ಕಾರ್ಲೋಸ್ ಡಿ ಕೊಸಿಯೊ ವರದಿಯನ್ನು ಸಂಪೂರ್ಣವಾಗಿ ತಪ್ಪುದಾರಿಗೆಳೆಯುವ ವರದಿ ಎಂದು ಹೇಳಿ ತಳ್ಳಿಹಾಕಿದ್ದಾರೆ. ಕೆರಿಬಿಯನ್ ಮತ್ತು ಲ್ಯಾಟಿನ್ ಅಮೆರಿಕದಲ್ಲಿ ಬೇರೆ ಯಾವುದೇ ದೇಶದ ಉಪಸ್ಥಿತಿಯನ್ನು ನಾವು ತಿರಸ್ಕರಿಸುತ್ತೇವೆ ಎಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ-PM Modi US Visit: ಪ್ರಧಾನಿ ಮೋದಿ ಭೇಟಿ ಹಿನ್ನೆಲೆ ಯುಎಸ್ ನಲ್ಲಿ ಭಾರಿ ಸಂಭ್ರಮ, 'ಐತಿಹಾಸಿಕ ಭೇಟಿ ಇದಾಗಿರಲಿದೆ' ಎಂದ ಪೆಂಟಗನ್

ಬ್ಲಿಂಕನ್ ಜೂನ್ 18 ರಂದು ಚೀನಾಕ್ಕೆ ಭೇಟಿ ನೀಡಲಿದ್ದಾರೆ
ಕ್ಯೂಬಾದಿಂದ ಚೀನಾದ ಮೇಲೆ ಬೇಹುಗಾರಿಕೆ ಆರೋಪಗಳು ಬಂದಿದ್ದು, ಉಭಯ ದೇಶಗಳ ನಡುವಿನ ಉದ್ವಿಗ್ನತೆ ಸಾಕಷ್ಟು ಹೆಚ್ಚಾಗಿದೆ ಮತ್ತು ಪರಿಸ್ಥಿತಿಯನ್ನು ಸರಿಪಡಿಸಲು ಅವರು ಕೆಲವು ಕ್ರಮಗಳನ್ನು ತೆಗೆದುಕೊಳ್ಳುತ್ತಿದ್ದಾರೆ. ಏತನ್ಮಧ್ಯೆ, ಜೂನ್ 18 ರಂದು ಯುಎಸ್ ವಿದೇಶಾಂಗ ಕಾರ್ಯದರ್ಶಿ ಆಂಟೋನಿ ಬ್ಲಿಂಕೆನ್ ಚೀನಾಕ್ಕೆ ಭೇಟಿ ನೀಡಲಿದ್ದಾರೆ.

ಇದನ್ನೂ ನೋಡಿ-