ʼಸಲಾರ್‌ʼ ಮುಂಗಡ ಟಿಕೆಟ್‌ ಬುಕಿಂಗ್‌ ಹಣ ವಾಪಸ್‌..! ಪ್ರಶಾಂತ್‌ ನೀಲ್‌ ಸಿನಿಮಾಗೆ ಏನಾಯ್ತು..?

Salaar Tickets Amount Refund : ಸೆಪ್ಟೆಂಬರ್ 28ಕ್ಕೆ ಸಲಾರ್‌ ಬಿಡುಗಡೆಯಾಗುತ್ತಿಲ್ಲ ಎಂಬುವುದು ನಿಜವಾಗಿದೆ. ಇದೇ ವೇಳೆ ವಿದೇಶದಲ್ಲಿ ಸಲಾರ್‌ ಶೋಗೆ ಟಿಕೆಟ್ ಕಾಯ್ದಿರಿಸಿದ ಪ್ರೇಕ್ಷಕರಿಗೆ ಚಿತ್ರತಂಡ ಹಣ ಮರುಪಾವತಿ ಮಾಡಲು ಪ್ರಾರಂಭಿಸಿದ್ದು, ಪ್ರಭಾಸ್‌ ಫ್ಯಾನ್ಸ್‌ಗೆ ಅಸಮಾಧಾನ ಉಂಟಾಗಿದೆ.

Salaar release date update : ಸಲಾರ್ ಯಾವಾಗ ಬಿಡುಗಡೆಯಾಗುತ್ತೆ ಅನ್ನೋದು ದೊಡ್ಡ ಪ್ರಶ್ನೆಯಾಗಿದೆ. ಏಕೆಂದರೆ, ಸಲಾರ್ ಸೆಪ್ಟೆಂಬರ್ 28ಕ್ಕೆ ಬಿಡುಗಡೆಯಾಗುತ್ತಿಲ್ಲ ಎಂಬುದು ನೂರಕ್ಕೆ ನೂರು ಸತ್ಯವಾಗಿದೆ. ವಿದೇಶದಲ್ಲಿ ಸಲಾರ್‌ ಮುಂಗಡ ಟಿಕೆಟ್‌ ಖರೀದಿಸಿದ್ದ ಪ್ರೇಕ್ಷಕರಿಗೆ ಚಿತ್ರತಂಡ ಹಣ ವಾಪಾಸ್‌ ಮಾಡಿದ್ದು, ಚಿತ್ರದ ರಿಲೀಸ್‌ ಡೇಟ್‌ ಮೇಲೆ ಡೌಟ್‌ ಶುರುವಾಗಿದೆ.

ಹೌದು.. ಸತತ ಸೋಲು ಅನುಭವಿಸಿದ್ದ ಪ್ರಭಾಸ್‌ಗೆ ಈ ಸಿನಿಮಾ ನಿರ್ಣಾಯಕವಾಗಿದೆ. ಅಲ್ಲದೆ, ಡಾರ್ಲಿಂಗ್‌ ಫ್ಯಾನ್ಸ್‌ ಸಹ ಸಲಾರ್‌ ಬಿಡುಗಡೆಗಾಗಿ ಕಾತುರದಿಂದ ಕಾಯುತ್ತಿದ್ದಾರೆ. ಅದ್ರೆ ಇದುವರೆಗೂ ಚಿತ್ರತಂಡ ಸಿನಿಮಾ ರಿಲೀಸ್‌ ಡೇಟ್‌ ಯಾವುದು ಅಂತ ಪಕ್ಕಾ ಹೇಳಿಲ್ಲ. ಇದರಿಂದಾಗಿ ರೆಬಲ್‌ ಫ್ಯಾನ್ಸ್‌ ಬೇಸರಗೊಂಡಿದ್ದಾರೆ.

ಇದನ್ನೂ ಓದಿ : ಪ್ರವೀಣ್ ತೇಜ್ 'ಜಿಗರ್‌'ಗೆ ಧ್ವನಿಯಾದ ಸಂಚಿತ್ ಹೆಗ್ಡೆ: ರೊಮ್ಯಾಂಟಿಂಕ್ ಹಾಡು ರಿಲೀಸ್

ಇನ್ನು 'ಸಲಾರ್' ರಿಲೀಸ್‌ ದಿನವನ್ನು ಮುಂದೂಡಲಾಗಿದೆ ಎಂದು ಬಲವಾಗಿ ಹೇಳಲು ಆಧಾರವೆಂದರೆ... ಟಿಕೆಟ್ ಮೊತ್ತವನ್ನು ಮರುಪಾವತಿ ಮಾಡುತ್ತಿರುವುದು. ಯಸ್‌... ಸಿನಿಮಾ ಬಿಡುಗಡೆ ದಿನಾಂಕವನ್ನು ಮುಂದೂಡುವ ಮೊದಲು ವಿದೇಶಗಳಲ್ಲಿ ಮುಂಗಡ ಟಿಕೆಟ್‌ ಬುಕಿಂಗ್‌ಗಳು ಪ್ರಾರಂಭವಾಗಿದ್ದವು. ಹಲವು ರೆಬೆಲ್ ಸ್ಟಾರ್ ಅಭಿಮಾನಿಗಳು ಟಿಕೆಟ್ ಬುಕ್ ಮಾಡಿದ್ದರು. ಸೆಪ್ಟೆಂಬರ್ 28ಕ್ಕೆ ಸಿನಿಮಾ ಬಿಡುಗಡೆಯಾಗುತ್ತೆ ಅಂತ ಖುಷಿಯಾಗಿದ್ದರು. ಅದ್ರೆ, ಚಿತ್ರತಂಡ ಟಿಕೆಟ್ ಮೊತ್ತವನ್ನು ಮರುಪಾವತಿ ಮಾಡಿರುವುದರಿಂದ ಅಭಿಮಾನಿಗಳು ಬೇಸರಗೊಂಡಿದ್ದಾರೆ.

What makes me upset is that there’s no official notice from production about the delay. It’s all been talk. Finally today I check and the refund has been initiated. @hombalefilms disappointed AF. All we wanted was like an official notice… like pick a date later 🙄 pic.twitter.com/HN9zwP6dNt

— Devi Guacimolo (@DeviGinn) September 8, 2023

ಇಲ್ಲಿಯವರೆಗೆ ಸಲಾರ್ ರಿಲೀಸ್‌ ಡೇಟ್‌ ಮುಂದೂಡುವ ಬಗ್ಗೆ ಯಾವುದೇ ಮಾಹಿತಿ ಇಲ್ಲ. ಅಲ್ಲದೆ ಹೊಸ ಬಿಡುಗಡೆ ದಿನಾಂಕದ ಬಗ್ಗೆಯೂ ಅಪ್‌ಡೇಟ್‌ ಇಲ್ಲ. ವರ್ಷಾಂತ್ಯದಲ್ಲಿ ಬಿಡುಗಡೆ ಮಾಡುವ ಯೋಚನೆಯಲ್ಲಿದ್ದಾರೆ ಎಂಬ ವರದಿಗಳು ಬಂದಿದ್ದವು. ಡಿಸೆಂಬರ್‌ನಲ್ಲಿ ಸಿನಿಮಾ ತೆರೆಗೆ ಬರಬಹುದು ಅಂತ ಹೇಳಲಾಗಿತ್ತು. ಇದೀಗ ದೀಪಾವಳಿ ಉಡುಗೊರೆಯಾಗಿ ನವೆಂಬರ್‌ನಲ್ಲಿ ಸಲಾರ್‌ ಬಿಡುಗಡೆ ಮಾಡಲು ಚಿತ್ರತಂಡ ಸಿದ್ಧವಾಗಿದೆ ಎನ್ನಲಾಗಿದೆ. ಆದ್ರೆ ಇದೂ ಸಹ ಅಧಿಕೃತವಲ್ಲ.

ಇದನ್ನೂ ಓದಿ : ರಾಜ್ ಬಿ ಶೆಟ್ಟಿಯಂತೆ ಕುದುರೆ ಏರಿ ಬಂದ ಜೂನಿಯರ್ 'ಟೋಬಿ'....ವಿಡಿಯೋ ವೈರಲ್‌!!

ಕೆಜಿಎಫ್‌ 2 ನಂತರ ಪ್ರಶಾಂತ್ ನೀಲ್ ನಿರ್ದೇಶನದ ಚಿತ್ರ 'ಸಾಲಾರ್'. ಇದನ್ನೂ 'ಕೆಜಿಫ್' ನಿರ್ಮಿಸಿದ್ದ ಹೊಂಬಾಳೆ ಫಿಲಂಸ್ ಬ್ಯಾನರ್‌ನಲ್ಲಿ ವಿಜಯ್ ಕಿರಗಂದೂರು ನಿರ್ಮಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಪ್ರಭಾಸ್‌ಗೆ ಜೋಡಿಯಾಗಿ ಶ್ರುತಿ ಹಾಸನ್ ಕಾಣಿಸಿಕೊಂಡಿದ್ದಾರೆ. ಪೃಥ್ವಿರಾಜ್ ಸುಕುಮಾರನ್, ಜಗಪತಿ ಬಾಬು, ಶ್ರೀಯಾ ರೆಡ್ಡಿ, ಮಧು ಗುರುಸ್ವಾಮಿ ಈ ಚಿತ್ರದಲ್ಲಿ ನಟಿಸಿದ್ದಾರೆ. ಚಿತ್ರಕ್ಕೆ ರವಿ ಬಸ್ರೂರು ಸಂಗೀತ ಇದೆ, ಭುವನ ಗೌಡ ಛಾಯಾಗ್ರಹಣ ಮತ್ತು ಉಜ್ವಲ್ ಕುಲಕರ್ಣಿ ಸಂಕಲನವಿದೆ.