ಶಾರುಖ್‌ ʼಪಠಾಣ್‌ʼ, ʼಜವಾನ್‌ʼ ದಾಖಲೆ ಮುರಿಯತ್ತಾ ಸಲ್ಮಾನ್‌ ಭಾಯ್‌ ʼಟೈಗರ್‌ 3ʼ..! ಏನಂತೀರಾ.?

Tiger 3 : ಎಂಟು ವರ್ಷಗಳ ನಂತರ ನಟ ಸಲ್ಮಾನ್ ಖಾನ್ ಅಭಿನಯದ ಬಹುನಿರೀಕ್ಷಿತ 'ಟೈಗರ್ 3' ದೀಪಾವಳಿ ಹಬ್ಬದಂದು ರಿಲೀಸ್‌ ಆಗುತ್ತಿದೆ. ಇದರ ಬೆನ್ನಲ್ಲೆ ಸೋಷಿಯಲ್‌ ಮೀಡಿಯಾದಲ್ಲಿ ಸಲ್ಲು ಭಾಯ್‌ ಸಿನಿಮಾ ಪಠಾಣ್‌, ಜವಾನ್‌, ದಾಖಲೆ ಸರಿಗಟ್ಟುತ್ತಾ ಎನ್ನುವ ಚರ್ಚೆ ಶುರುವಾಗಿದೆ.

Salman khan tiger 3 : ಸಲ್ಮಾನ್ ಖಾನ್ ಭಾರತೀಯ ಚಿತ್ರರಂಗದ ಖ್ಯಾತ ನಟರಲ್ಲಿ ಒಬ್ಬರು. ಈದ್ ಹಬ್ಬದಂದು ಸತತ ಬ್ಲಾಕ್‌ಬಸ್ಟರ್ ಮತ್ತು ಸೂಪರ್‌ಹಿಟ್‌ಗಳನ್ನು ಸಿನಿಮಾಗಳನ್ನು ನೀಡಿದ ಸಲ್ಲು ಭಾಯ್‌ ಕಳೆದ ದೀಪಾವಳಿ ಹಬ್ಬಕ್ಕೆ ʼಪ್ರೇಮ್ ರತನ್ ಧನ್ ಪಾಯೋʼ ಚಿತ್ರವನ್ನು ಬಿಡುಗಡೆ ಮಾಡಿದರು. ಈ ಚಿತ್ರವು ಬಾಕ್ಸ್‌ ಆಫೀಸ್‌ನಲ್ಲಿ 210 ಕೋಟಿಗಳನ್ನು ಸಂಗ್ರಹಿಸಿತ್ತು. ಸಧ್ಯ ಎಂಟು ವರ್ಷಗಳ ದೀರ್ಘ ಅವಧಿಯ ನಂತರ ದೀಪಾವಳಿ ಹಂಬದಂದು ಸಲ್ಲು ನಟನೆಯ ಟೈಗರ್‌ 3 ಸಿನಿಮಾ ಬಿಡುಗಡೆಯಾಗುತ್ತಿದ್ದು, ಕ್ಯೂರಿಯಾಸಿಟಿ ಹುಟ್ಟಿಸುತ್ತಿದೆ.

'ಏಕ್ ಥಾ ಟೈಗರ್' (2012) ಮತ್ತು "ಟೈಗರ್ ಜಿಂದಾ ಹೈ' (2017) ಕ್ರಮವಾಗಿ ಈದ್ ಮತ್ತು ಕ್ರಿಸ್‌ಮಸ್‌ ಹಬ್ಬದಂದು ರಿಲೀಸ್‌ ಆಗಿದ್ದವು. ಸಧ್ಯ ಟೈಗರ್ 3 ದೀಪಾವಳಿ ಹಬ್ಬದ ಉಡುಗೂರೆಯಾಗಿ ಪ್ರೇಕ್ಷಕರ ಮುಂದೆ ಬರಲಿದೆ. ಇನ್ನು ಇತ್ತೀಚಿಗೆ ಬಿಡುಗಡೆಯಾದ ಈ ಚಿತ್ರದ ಟ್ರೇಲರ್ ಮತ್ತು ಟೀಸರ್ ಉತ್ತಮ ಪ್ರತಿಕ್ರಿಯೆ ಸಿಕ್ಕಿತ್ತು.
ಅಲ್ಲದೆ, ಲೇಕೆ ಪ್ರಭು ಕಾ ನಾಮ್ ಹಾಡು ಅದ್ಭುತ ಮೋಡಿ ಮಾಡಿದೆ. 

ಇದನ್ನೂ ಓದಿ:ಮೀನು ಬೇಟೆಗೆ ಹೊರಟ ನಾಯಕ ಗೌರಿಶಂಕರ್; ಕುತೂಹಲ ಹೆಚ್ಚಿಸಿದ 'ಕೆರೆಬೇಟೆ' ಮೋಷನ್ ಪೋಸ್ಟರ್

ಸಧ್ಯ ಟೈಗರ್‌ 3 ಸಿನಿಮಾ ಭಾರೀ ನಿರೀಕ್ಷೆ ಹೊಂದಿದೆ. ಬಿಗ್‌ ಸ್ಕ್ರೀನ್‌ ಮೇಲೆ ಖಾನ್ ನೋಡಲು ಅವರ ಅಭಿಮಾನಿಗಳು ಕಾಯುತ್ತಿದ್ದಾರೆ. ಅಲ್ಲದೆ ಪಠಾಣ್‌ ಮತ್ತು ಜವಾನ್‌ ಸಿನಿಮಾದ ದಾಖಲೆಯನ್ನು ಸಲ್ಮಾನ್‌ ಸಿನಿಮಾ ಮುರಿಯುತ್ತಾ ಎನ್ನುವ ಕುತೂಹಲ ಹೆಚ್ಚಿದೆ. ಈಗಾಗಲೇ ಶಾರುಖ್‌ ಖಾನ್‌ ನಟನೆಯ ಈ ಎರಡು ಸಿನಿಮಾಗಳು 1000 ಕೋಟಿ ಗಡಿ ದಾಟಿವೆ. ಇನ್ನು ದೀಪಾವಳಿಗೆ ಬಿಡುಗಡೆಯಾಗಲಿರುವ ಟೈಗರ್‌ ಬಾಕ್ಸ್‌ ಆಫೀಸ್‌ನಲ್ಲಿ ಅಬ್ಬರಿಸುತ್ತಾ..? ಅಂತ ಕಾಯ್ದು ನೋಡಬೇಕಿದೆ.

ಭಾರಿ ನಿರೀಕ್ಷೆಯ ಆಕ್ಷನ್ ಥ್ರಿಲ್ಲರ್ ಟೈಗರ್ 3 ನವೆಂಬರ್ 12 ರಂದು ದೀಪಾವಳಿ ಹಬ್ಬದಂದು ಬಿಡುಗಡೆಯಾಗುತ್ತಿದೆ. IMAX ನಲ್ಲಿ ಹೆಚ್ಚಿನ ಸ್ಕ್ರೀನ್‌ನಲ್ಲಿ ಈ ಸಿನಿಮಾ ತೆರೆಕಾಣಲಿದೆ. ಸಲ್ಮಾನ್ ಖಾನ್ ಮತ್ತು ಕತ್ರಿನಾ ಕೈಫ್, ಇಮ್ರಾನ್ ಹಶ್ಮಿ ಹಾಗೂ ರಿದ್ಧಿ ಡೋಗ್ರಾ ನಟನೆಯ ಟೈಗರ್ 3 ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ರಿಲೀಸ್‌ ಆಗಲಿದೆ.