7th Pay Commission: ಸರ್ಕಾರಿ ನೌಕರರಿಗೆ ಬಂಪರ್ ಸುದ್ದಿ, 50% DA ಬಳಿಕ ಇದೀಗ HRA ಮತ್ತು Gratuity ಲಾಭ!

DA Hike: ಸರ್ಕಾರಿ ನೌಕರರಿಗೆ ಹೊಸ ಅಪ್‌ಡೇಟ್ ಪ್ರಕಟಗೊಂಡಿದೆ, ನಿಯಮಗಳ ಪ್ರಕಾರ, ತುಟ್ಟಿಭತ್ಯೆ (DA) 50% ತಲುಪಿದಾಗ, ಗ್ರಾಚ್ಯುಟಿ ಸೇರಿದಂತೆ ಇತರ ಭತ್ಯೆಗಳು ಸ್ವಯಂಚಾಲಿತವಾಗಿ ಹೆಚ್ಚಾಗುತ್ತವೆ.

7th Pay Commission: ನೀವು ಸಹ ಸರ್ಕಾರಿ ಉದ್ಯೋಗಿಯಾಗಿದ್ದರೆ ಅಥವಾ ನಿಮ್ಮ ಕುಟುಂಬದಲ್ಲಿ ಯಾರಾದರೂ ಸರ್ಕಾರಿ ಉದ್ಯೋಗದಲ್ಲಿದ್ದರೆ, ಈ ಹೊಸ ಅಪ್ಡೇಟ್ ಕೇವಲ ನಿಮಗಾಗಿ.  ಮಾರ್ಚ್‌ನಲ್ಲಿ ಕೇಂದ್ರ ನೌಕರರ ತುಟ್ಟಿಭತ್ಯೆಯನ್ನು ಸರ್ಕಾರ ಹೆಚ್ಚಿಸಿದೆ. ಸರ್ಕಾರದ ಘೋಷಣೆಯ ನಂತರ ಡಿಎ ಶೇ.46ರಿಂದ ಶೇ.50ಕ್ಕೆ ಏರಿಕೆಯಾಗಿದೆ. ಆದರೆ ಇದರೊಂದಿಗೆ ದೊಡ್ಡ ಅಪ್ಡೇಟ್ ಏನೆಂದರೆ, ಡಿಎಯನ್ನು 50% ಗೆ ಹೆಚ್ಚಿಸುವ ನಿರ್ಧಾರದೊಂದಿಗೆ, ಉದ್ಯೋಗಿಗಳ ಇತರ ಅನೇಕ ಭತ್ಯೆಗಳು ಹೆಚ್ಚಾಗಿವೆ. ಇದು ನಿವೃತ್ತಿಯ ಸಮಯದಲ್ಲಿ ಪಡೆಯುವ ಗ್ರಾಚ್ಯುಟಿಯನ್ನು ಸಹ ಒಳಗೊಂಡಿದೆ.

ತುಟ್ಟಿಭತ್ಯೆ 50% ತಲುಪಿದಾಗ ಈ ಬದಲಾವಣೆಗಳಾಗಿವೆ(DA Hike)
ನಿಯಮಗಳ ಪ್ರಕಾರ, ತುಟ್ಟಿಭತ್ಯೆ (DA) 50% ತಲುಪಿದಾಗ, ಗ್ರಾಚ್ಯುಟಿ ಸೇರಿದಂತೆ ಇತರ ಭತ್ಯೆಗಳು ಸ್ವಯಂಚಾಲಿತವಾಗಿ ಹೆಚ್ಚಾಗುತ್ತವೆ. ಡಿಎ 50% ತಲುಪಿದ ನಂತರ ಅದನ್ನು ಮೂಲ ವೇತನದಲ್ಲಿ ವಿಲೀನಗೊಳಿಸಲಾಗುತ್ತದೆ ಎಂಬ ಊಹಾಪೋಹವೂ ಇತ್ತು. ಆದರೆ ಸದ್ಯ ಸರ್ಕಾರ ಅದಕ್ಕೆ ನಿರಾಕರಿಸಿದೆ.

ಗ್ರಾಚ್ಯುಟಿಯಲ್ಲಿ ರೂ 5 ಲಕ್ಷದ ಲಾಭ (Gratuity)
ಈ ಹಿಂದೆ ಇದ್ದ ನಿಯಮಗಳ ಪ್ರಕಾರ, 33 ಅಥವಾ ಅದಕ್ಕಿಂತ ಹೆಚ್ಚಿನ ವರ್ಷಗಳ ಸೇವೆಯ ನಂತರ ನೀಡಲಾಗುವ ಗ್ರಾಚ್ಯುಟಿಯು ಮೂಲ ವೇತನ ಮತ್ತು ತುಟ್ಟಿ ಭತ್ಯೆಯ (ಡಿಎ) 16.5 ಪಟ್ಟು ನೀಡಲಾಗುತ್ತಿತ್ತು. ಆದರೆ ಗರಿಷ್ಠ ಮೊತ್ತ 20 ಲಕ್ಷ ರೂ. ಗಲಾಗಿತ್ತು.  ಇದೀಗ ಡಿಎ ಶೇ.50ಕ್ಕೆ ಏರಿಕೆಯಾಗಿದ್ದು, ಗರಿಷ್ಠ ಗ್ರಾಚ್ಯುಟಿಯ ಮಿತಿಯನ್ನು ಶೇ.20 ರಿಂದ 25 ಲಕ್ಷಕ್ಕೆ ಹೆಚ್ಚಿಸಲಾಗಿದೆ. ಅಂದರೆ ಈಗ ಸರ್ಕಾರಿ ನೌಕರರು ಮೊದಲಿಗಿಂತ 5 ಲಕ್ಷ ರೂಪಾಯಿ ಹೆಚ್ಚು ಗ್ರಾಚ್ಯುಟಿ ಪಡೆಯಬಹುದು. ಏಪ್ರಿಲ್ 30, 2024 ರಂದು ಹೊರಡಿಸಲಾದ ಕಾರ್ಮಿಕ ಸಚಿವಾಲಯದ ಅಧಿಸೂಚನೆಯಲ್ಲಿ, ತುಟ್ಟಿಭತ್ಯೆಯು ಮೂಲ ವೇತನದ 50% ಆಗಿದ್ದರೆ, ಗ್ರಾಚ್ಯುಟಿಯು 25% ರಷ್ಟು ಹೆಚ್ಚಾಗುತ್ತದೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ-ಆರೋಗ್ಯ ವಿಮಾ ಪಾಲಸಿ ಹೊಂದಿದವರಿಗೊಂದು ಬ್ಯಾಡ್ ನ್ಯೂಸ್!

ಗ್ರಾಚ್ಯುಟಿ ಮೇಲೆ ತೆರಿಗೆ ಲಾಭ (Gratuity Benefits)
ಸರ್ಕಾರಿ ನೌಕರರು ಪಡೆಯುವ ಗ್ರಾಚ್ಯುಟಿಗೆ ಆದಾಯ ತೆರಿಗೆ ವಿಧಿಸುವುದಿಲ್ಲ. ಈ ವಿನಾಯಿತಿಯು ಕೇಂದ್ರ ಸರ್ಕಾರಿ ನೌಕರರಿಗೆ ಮಾತ್ರವಲ್ಲದೆ ರಾಜ್ಯ ಸರ್ಕಾರಿ ನೌಕರರು ಮತ್ತು ಸ್ಥಳೀಯ ಸಂಸ್ಥೆಗಳ ನೌಕರರಿಗೂ ಇದೆ. ಸರ್ಕಾರಿ ನೌಕರರಿಗೆ ಗ್ರಾಚ್ಯುಟಿ ಮೇಲಿನ ತೆರಿಗೆ ವಿನಾಯಿತಿಯ ಮಿತಿಗೆ ಸಂಬಂಧಿಸಿದಂತೆ ಸರ್ಕಾರವು ಮಾರ್ಚ್ 2019 ರಲ್ಲಿ ಆದೇಶವನ್ನು ಹೊರಡಿಸಿತ್ತು. ಆಗ 20 ಲಕ್ಷ ರೂ.ವರೆಗಿನ ಗ್ರಾಚ್ಯುಟಿಗೆ ತೆರಿಗೆ ಇರುವುದಿಲ್ಲ ಎಂದು ಹೇಳಲಾಗಿತ್ತು. ಮಾರ್ಚ್ 29, 2018 ರಂದು ಅಥವಾ ನಂತರ ನಿವೃತ್ತಿ, ಮರಣ, ರಾಜೀನಾಮೆ ಅಥವಾ ವಿಕಲಚೇತನ ಉದ್ಯೋಗಿಗಳಿಗೆ ಈ ರಿಯಾಯಿತಿ ಅನ್ವಯಿಸುತ್ತದೆ.

ಇದನ್ನೂ ಓದಿ-ನೀವೂ ಪ್ರೈವೇಟ್ ಜಾಬ್ ಮಾಡುತ್ತೀರಾ? ರಾಜೀನಾಮೆ ನೀಡಿದಾಗ ಎಷ್ಟು ಗ್ಯ್ರಾಚೂಟಿ ಸಿಗುತ್ತೆ ಇಲ್ಲಿ ತಿಳಿದುಕೊಳ್ಳಿ!

ಎಚ್‌ಆರ್‌ಎಯಲ್ಲಿಯೂ ಲಾಭ (HRA Benefit)
ಬಾಡಿಗೆ ಭತ್ಯೆ (HRA) ರೂಪದಲ್ಲಿ ತುಟ್ಟಿ ಭತ್ಯೆಯ ಹೆಚ್ಚಳದ ಪ್ರಯೋಜನವನ್ನು ಕೂಡ ನೌಕರರು ಪಡೆಯಲಿದ್ದಾರೆ. ಡಿಎ ಹೆಚ್ಚಳದ ನಂತರ, X, Y ಮತ್ತು Z ವರ್ಗದ ನಗರಗಳಲ್ಲಿ ವಾಸಿಸುವ ಕೇಂದ್ರ ನೌಕರರ ತುಟ್ಟಿ ಭತ್ಯೆಯನ್ನು ಹೆಚ್ಚಿಸಲಾಗಿದೆ. ಇದಲ್ಲದೇ ಸಿಬ್ಬಂದಿ ಸಚಿವಾಲಯದ ಆದೇಶದಂತೆ ತುಟ್ಟಿಭತ್ಯೆ ಶೇ.50ರಷ್ಟಿದ್ದರೆ ಮಕ್ಕಳ ಶಿಕ್ಷಣ ಭತ್ಯೆ ಮತ್ತು ಹಾಸ್ಟೆಲ್ ಅನುದಾನದ ಮಿತಿಯೂ ಹೆಚ್ಚಾಗಲಿದೆ. ಇವೆರಡೂ ಸ್ವಯಂಚಾಲಿತವಾಗಿ ಶೇಕಡಾ 25 ರಷ್ಟು ಹೆಚ್ಚಾಗುತ್ತವೆ. ಜನವರಿ 1, 2024 ರಿಂದ ಕೇಂದ್ರ ನೌಕರರ ಡಿಎ ಹೆಚ್ಚಳವನ್ನು ಗಮನದಲ್ಲಿಟ್ಟುಕೊಂಡು ಮಕ್ಕಳ ಶಿಕ್ಷಣ ಭತ್ಯೆ ಮತ್ತು ಹಾಸ್ಟೆಲ್ ಸಬ್ಸಿಡಿ ಮೊತ್ತದ ಬಗ್ಗೆ ಮಾಹಿತಿ ನೀಡಲಾಗುವುದು ಎಂದು ಸಚಿವಾಲಯ ತಿಳಿಸಿದೆ.

ಇದನ್ನೂ ನೋಡಿ-