Viral Video: ನಿಮ್ಮನ್ನು ಅಚ್ಚರಿ ಪಡಿಸುತ್ತದೆ ಪಕೃತಿಯ ವಿಸ್ಮಯ...ಮರವನ್ನು ಕತ್ತರಿಸುತ್ತಿದ್ದಂತೆ ಚಿಮ್ಮಿತು ರಕ್ತ! ವಿಡಿಯೋ ನೋಡಿ

Viral video: ಮನುಷ್ಯ ಮತ್ತು ಪ್ರಾಣಿಗಳ ದೇಹದಲ್ಲಿ ರಕ್ತ ತುಂಬಾ ಮುಖ್ಯವಾದ ಅಂಶ.  ಅದಿಲ್ಲದೆ ಮನುಷ್ಯ ಬದುಕಲಾರ. ರಕ್ತವು ಕಡಿಮೆಯಾದರೆ, ವ್ಯಕ್ತಿಯ ಆರೋಗ್ಯವು ಹದಗೆಡುತ್ತದೆ, ಇದನ್ನು ಹೆಚ್ಚಿಸಲು ಹೆಚ್ಚಿನ ರಕ್ತವನ್ನು ವರ್ಗಾವಣೆ ಮಾಡಬೇಕಾಗುತ್ತದೆ ಅಥವಾ ಅದನ್ನು ಹೆಚ್ಚಿಸಲು ಸೂಕ್ತವಾದ ಮಾತ್ರೆಗಳು ಅಥವಾ ಆಹಾರವನ್ನು ತೆಗೆದುಕೊಳ್ಳಬೇಕಾಗುತ್ತದೆ.

ನಿಮ್ಮ ದೇಹದಲ್ಲಿ ಸಣ್ಣ ಗಾಯವಾದರೆ ಸಾಕು ಆ ಪ್ರದೇಶದಲ್ಲಿ ರಕ್ತಸ್ರಾವವಾಗುವುದು ಸಹಜ. ಆದರೆ ಮರದಲ್ಲಿ ಹಾಗಲ್ಲ. ಸಸ್ಯಗಳು ಜೀವಂತವಾಗಿದ್ದರೂ, ರಕ್ತ ಕಣಗಳು ಅಥವಾ ಹಿಮೋಗ್ಲೋಬಿನ್ ಇಲ್ಲದ ಕಾರಣ ಅವುಗಳಲ್ಲಿ ಎಂದಿಗೂ  ರಕ್ತಸ್ರಾವವಾಗುವುದಿಲ್ಲ ಎಂದು ನಮಗೆಲ್ಲರಿಗೂ ತಿಳಿದಿದೆ. ಆದರೆ ಕಡಿದರೆ ರಕ್ತ ಬರುವ ಮರವಿದೆ ಎಂದು ಹೇಳಿದರೆ ನೀವು ನಂಬುತ್ತೀರಾ? ನಂಬಲೇಬೇಕು...

ಏಕೆಂದರೆ ಇಂತಹದ್ದೊಂದು ಘಟನೆ ನಿಜವಾಗಿಯೂ ಸಂಭವಿಸಿದೆ. ಅಂತಹ ಒಂದು ಮರದ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ, ಈ ಮರವನ್ನು ಕತ್ತರಿಸುತ್ತಿದ್ದಂತೆಯೇ ಮರದಿಂದ ರಕ್ತ ಹೊರಬರುತ್ತಿದೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗುತ್ತಿದ್ದು, ಅಪ್ಲೋಡ್ ಆದ ಕೆಲವೇ ನಿಮಿಷಗಳಲ್ಲಿ ನೆಟ್ಟಿಗರನ್ನು ಅಚ್ಚರಿ ಪಡಿಸಿದೆ.

ಇದನ್ನೂ ಓದಿ: Viral video: ಅಳುತ್ತಿದ್ದ ಮಗುವನ್ನು ಕಂಡು ಮಿಡಿಯಿತು ತಾಯಿಯ ಹೃದಯ! ಕಂದಮ್ಮನನ್ನು ಸಮಾಧಾನ ಮಾಡಲು ಗೋಮಾತೆ ಮಾಡಿದ್ದೇನು ಗೊತ್ತಾ?

ವ್ಯಕ್ತಿಯೊಬ್ಬ ದೊಡ್ಡ ಚಾಕುವಿನಿಂದ ಮರವನ್ನು ಕತ್ತರಿಸಿದಾಗ ಕೆಂಪು ರಕ್ತವು ಹೊರಬರುವುದನ್ನು ನೀವು ವೀಡಿಯೊದಲ್ಲಿ ನೋಡಬಹುದು. ಇದು ವಾಸ್ತವವಾಗಿ 'ಬ್ಲಡ್ ವುಡ್ ಟ್ರೀ' ಬ್ಲಡ್ ವುಡ್ ಮರಗಳಲ್ಲಿ ಕಂಡುಬರುವ ಕೆಂಪು ದ್ರವವು ಗಾಢ ಕೆಂಪು ಬಣ್ಣದಿಂದ ಕೂಡಿರುತ್ತದೆ. ಇದನ್ನು ವೈಜ್ಞಾನಿಕವಾಗಿ 'ಕಿನೋ' ಎಂದು ಕರೆಯಲಾಗುತ್ತದೆ. ರಸವು ಟ್ಯಾನಿನ್ ಎಂಬ ಸಂಯುಕ್ತದಲ್ಲಿ ಸಮೃದ್ಧವಾಗಿದ್ದು, ಇದು ರಕ್ತದಂತಹ ಬಣ್ಣವನ್ನು ನೀಡುತ್ತದೆ.

ಆಘಾತಕಾರಿ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಟ್ವಿಟರ್‌ನಲ್ಲಿ @gunsnrosesgirl3 ಐಡಿಯೊಂದಿಗೆ ಹಂಚಿಕೊಳ್ಳಲಾಗಿದೆ. ಕೇವಲ 17 ಸೆಕೆಂಡ್ ಗಳ ಈ ವಿಡಿಯೋವನ್ನು ಇದುವರೆಗೆ 8 ಲಕ್ಷಕ್ಕೂ ಹೆಚ್ಚು ಬಾರಿ ವೀಕ್ಷಿಸಲಾಗಿದ್ದು, 17 ಸಾವಿರಕ್ಕೂ ಹೆಚ್ಚು ಮಂದಿ ವಿಡಿಯೋವನ್ನು ಲೈಕ್ ಮಾಡಿ ವಿವಿಧ ರೀತಿಯ ಪ್ರತಿಕ್ರಿಯೆಗಳನ್ನು ನೀಡುತ್ತಿದ್ದಾರೆ. 

Some trees have high tannin content which can taste unappetising to herbivorous, the tannins affect the colour of its sap, making it red
pic.twitter.com/fAOyiQblPX

— Science girl (@gunsnrosesgirl3) April 6, 2024