ಭೋಪಾಲ್: ಮಧ್ಯಪ್ರದೇಶದ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾನ್ ಅವರ ಕೊರೊನಾ ವರದಿ ಪಾಸಿಟಿವ್ ಬಂದಿದೆ. ಮುಖ್ಯಮಂತ್ರಿ ಶಿವರಾಜ್ ಸ್ವತಃ ತಾವೇ ಈ ಕುರಿತು ಟ್ವಿಟ್ಟರ್ ನಲ್ಲಿ ಮಾಹಿತಿ ನೀಡಿದ್ದಾರೆ. ಜೊತೆಗೆ ತಮ್ಮ ನಿಕಟ ಸಂಪರ್ಕದಲ್ಲಿರುವವರಿಗೆ ಚೌಹಾಣ್ ಕ್ಯಾರೆಂಟೈನ್ ಸಲಹೆ ನೀಡಿದ್ದಾರೆ. ಸಮಯೋಚಿತ ಚಿಕಿತ್ಸೆಯು ಪ್ರತಿಯೊಬ್ಬ ವ್ಯಕ್ತಿಯನ್ನು ಗುಣಪಡಿಸುತ್ತದೆ ಎಂದು ಅವರು ತಮ್ಮ ಟ್ವೀಟ್‌ನಲ್ಲಿ ಬರೆದುಕೊಂಡಿದ್ದಾರೆ. ಕರೋನದ ಲಕ್ಷಣಗಳು ಕಂಡು ಬಂದ ಹಿನ್ನೆಲೆ ಮುಖ್ಯಮಂತ್ರಿ ಶಿವರಾಜ್ ಪರೀಕ್ಷೆಗೆ ಒಳಗಾಗಿದ್ದರು.
ತಮ್ಮ ಕೊರೊನಾ ವೈರಸ್ ಟೆಸ್ಟ್ ವರದಿ ಪಾಸಿಟಿವ್ ಬಂದ ಹಿನ್ನೆಲೆ ಟ್ವಿಟ್ಟರ್ ಖಾತೆಯಲ್ಲಿ ಬರೆದುಕೊಂಡಿರುವ ಸಿಎಂ ಚೌಹಾನ್, "ನನ್ನ ಪ್ರಿಯ ಮಧ್ಯಪ್ರದೇಶದ ಇವಾಸಿಗಳೇ ನನ್ನಲ್ಲಿ #COVID19 ನ ಲಕ್ಷಣಗಳನ್ನು ಕಂಡುಬಂದಿದ್ದವು. ಪರೀಕ್ಷೆಯ ನಂತರ ನನ್ನ ವರದಿ ಸಕಾರಾತ್ಮಕವಾಗಿದೆ. ನನ್ನೊಂದಿಗೆ ಯಾರೇ ಸಂಪರ್ಕಕ್ಕೆ ಬಂದಿದ್ದರೂ ಅವರು ಕರೋನಾ ಪರೀಕ್ಷೆಯನ್ನು ಪೂರ್ಣಗೊಳಿಸಬೇಕೆಂದು ನಾನು ನನ್ನ ಎಲ್ಲ ಸಹೋದ್ಯೋಗಿಗಳಿಗೆ ಮನವಿ ಮಾಡುತ್ತೇನೆ. ತಡ ಮಾಡದೆ ಪರೀಕ್ಷೆಗೆ ಒಳಗಾಗಿ. ನನ್ನ ಹತ್ತಿರ ಇರುವ ಜನರು ಕ್ಯಾರೆಂಟೈನ್‌ಗೆ ಹೋಗಬೇಕು. ಮಾರ್ಚ್ 25 ರಿಂದ ಪ್ರತಿದಿನ ಸಂಜೆ ನಾನು ಕರೋನಾ ಸೋಂಕಿನ ಸ್ಥಿತಿಯ ವಿಮರ್ಶೆ ಸಭೆ ನಡೆಸುತ್ತಿದ್ದೇನೆ. ನಾನು ಸಾಧ್ಯವಾದಷ್ಟು ವೀಡಿಯೊ ಕಾನ್ಫರೆನ್ಸಿಂಗ್ ಮೂಲಕ ಕರೋನಾವನ್ನು ಪರಿಶೀಲಿಸಲು ಪ್ರಯತ್ನಿಸುತ್ತೇನೆ." ಎಂದಿದ್ದಾರೆ.
"ನನ್ನ ಅನುಪಸ್ಥಿತಿಯಲ್ಲಿ, ಈ ಸಭೆಯನ್ನು ಇದೀಗ ಗೃಹ ಸಚಿವ ನರೋತ್ತಮ್ ಮಿಶ್ರಾ, ನಗರಾಭಿವೃದ್ಧಿ ಮತ್ತು ಆಡಳಿತ ಸಚಿವ, ಶಿಕ್ಷಣ ಸಚಿವ ವಿಶ್ವಸ್ ಸರಂಗ್ ಮತ್ತು ಆರೋಗ್ಯ ಸಚಿವ ಡಾ.ಆರ್.ಚೌಧರಿ ಅವರು ನಡೆಸಲಿದ್ದಾರೆ. ಚಿಕಿತ್ಸೆಯ ಸಮಯದಲ್ಲಿ ರಾಜ್ಯದಲ್ಲಿ #COVID19 ಅನ್ನು ನಿಯಂತ್ರಿಸಲು ನಾನು ಎಲ್ಲ ಅಗತ್ಯ ಪ್ರಯತ್ನಗಳನ್ನು ಮುಂದುವರಿಸುತ್ತೇನೆ." ಎಂದೂ ಕೂಡ ಅವರು ಹೇಳಿದ್ದಾರೆ.
"ನಾನು ಕೋವಿಡ್ -19 ರ ಎಲ್ಲಾ ಮಾರ್ಗಸೂಚಿಗಳನ್ನು ಅನುಸರಿಸುತ್ತಿದ್ದೇನೆ. ವೈದ್ಯರ ಸಲಹೆಯ ಪ್ರಕಾರ ನಾನು ನನ್ನನ್ನು ನಿರ್ಬಂಧಿಸುತ್ತೇನೆ. ನನ್ನ ರಾಜ್ಯದ ಜನರು ಜಾಗರೂಕರಾಗಿರಿ ಎಂದು ನಾನು ಮನವಿ ಮಾಡುತ್ತೇನೆ, ಸ್ವಲ್ಪ ಅಸಡ್ಡೆ ಕೊರೊನಾವನ್ನು ಆಹ್ವಾನಿಸುತ್ತದೆ. ಕರೋನಾವನ್ನು ತಪ್ಪಿಸಲು ನಾನು ಎಲ್ಲ ಪ್ರಯತ್ನಗಳನ್ನು ಮಾಡಿದ್ದೇನೆ, ಆದರೆ ಜನರು ಅನೇಕ ವಿಷಯಗಳ ಬಗ್ಗೆ ನನ್ನನ್ನು ಬಂದು ಭೇಟಿಯಾಗುತ್ತಿದ್ದರು." ಎಂದು ಚೌಹಾನ್ ಹೇಳಿದ್ದಾರೆ.
ಇದಕ್ಕೂ ಮೊದಲು ರಾಜ್ಯ ಸಹಕಾರಿ ಸಚಿವ ಅರವಿಂದ ಭದೋರಿಯಾ ಅವರ ಕರೋನಾ ವರದಿ ಕೂಡ ಪಾಸಿಟಿವ್ ಬಂದಿರುವುದು ಇಲ್ಲಿ ಉಲ್ಲೇಖನೀಯ. ಸದ್ಯ ಅವರ ಮೇಲೆ ಚಿಕಿತ್ಸೆ ಮುಂದುವರೆದಿದೆ.
