Twitter : ಶೀಘ್ರದಲ್ಲೇ ಟ್ವಿಟ್ಟರ್ ಪರಿಚಯಿಸಲಿದೆ ವಿಶೇಷ ವೈಶಿಷ್ಟ್ಯ, ಇದರಿಂದ ಎಡಿಟ್ ಸಹ ಮಾಡಬಹುದು

Twitter Special Feature: ಮೈಕ್ರೋಬ್ಲಾಗಿಂಗ್ ಸೈಟ್ ಟ್ವಿಟರ್ ಎಪ್ರಿಲ್ 1 ರಂದು ಟ್ವೀಟ್ ಮಾಡಿದಾಗ ಕಂಪನಿಯು ಎಡಿಟ್ ಫೀಚರ್‌ನಲ್ಲಿ ಕೆಲಸ ಮಾಡುತ್ತಿದೆ. ಈ ಫೀಚರ್ ಜನರು ತಮ್ಮ ಟ್ವೀಟ್ ನಲ್ಲಿ ತಪ್ಪು ಮಾಡಿದರೆ ಅಂತಹ ಟ್ವೀಟ್‌ಗಳನ್ನು ಎಡಿಟ್ ಮಾಡಲು ಅನುವು ಮಾಡಿಕೊಡುತ್ತದೆ ಎಂದು ತಿಳಿಸಿತ್ತು. ಆದರೆ, ಟ್ವಿಟ್ಟರ್ ಜನರನ್ನು ಏಪ್ರಿಲ್ ಮೂರ್ಖರನ್ನಾಗಿ ಅಂದರೆ ಏಪ್ರಿಲ್ ಫೂಲ್ ಮಾಡುತ್ತಿದೆ ಎಂದು ಹಲವರು ಭಾವಿಸಿದ್ದರು. ಈಗ ಟ್ವಿಟ್ಟರ್ ಎಡಿಟ್ ವೈಶಿಷ್ಟ್ಯವು ಜೋಕ್ ಅಲ್ಲ ಎಂದು ಸ್ಪಷ್ಟಪಡಿಸಿದೆ ಮತ್ತು ಟ್ವಿಟರ್ ಕಳೆದ ವರ್ಷದಿಂದ ಟ್ವೀಟ್‌ಗಳನ್ನು ಎಡಿಟ್ ಮಾಡುವ ವೈಶಿಷ್ಟ್ಯದಲ್ಲಿ ಕಾರ್ಯನಿರ್ವಹಿಸುತ್ತಿರುವುದಾಗಿ ಸ್ಪಷ್ಟಪಡಿಸಿದೆ.

ಆದಾಗ್ಯೂ, ಟ್ವಿಟರ್ ಬಳಕೆದಾರರು ಇದೀಗ ಎಡಿಟ್ ವೈಶಿಷ್ಟ್ಯಕ್ಕಾಗಿ ಕಾಯಬೇಕಾಗಿದೆ. ಏಕೆಂದರೆ ಮುಂಬರುವ ತಿಂಗಳುಗಳಲ್ಲಿ ಮೊದಲು 'ಟ್ವಿಟರ್ ಬ್ಲೂ' (Twitter Blue) ಬಳಕೆದಾರರಿಗೆ ಟ್ವಿಟರ್ ಪರೀಕ್ಷೆಗಾಗಿ ಎಡಿಟ್ ವೈಶಿಷ್ಟ್ಯವನ್ನು ಹೊರತರಲಾಗುವುದು. ಅದು ಸಹ ಪ್ರತಿ ತಿಂಗಳು ಟ್ವಿಟ್ಟರ್ (Twitter)ಗೆ ಸಬ್ಸ್ಕ್ರೈಬ್ ಮಾಡುವವರಿಗೆ ಮಾತ್ರ ಲಭ್ಯವಿರುತ್ತದೆ. ಇದರ ಮೂಲಕ ವೈಶಿಷ್ಟ್ಯವು ಹೇಗೆ ಕಾರ್ಯನಿರ್ವಹಿಸುತ್ತದೆ ಮತ್ತು ಅದರ ನ್ಯೂನತೆಗಳನ್ನು ತಿಳಿಯಲಾಗುತ್ತದೆ ಎಂದು ತಿಳಿದುಬಂದಿದೆ.

now that everyone is asking…

yes, we’ve been working on an edit feature since last year!

no, we didn’t get the idea from a poll 😉

we're kicking off testing within @TwitterBlue Labs in the coming months to learn what works, what doesn’t, and what’s possible.

— Twitter Comms (@TwitterComms) April 5, 2022

ಟ್ವಿಟರ್ ಬ್ಲೂ ಪಾವತಿಸಿದ ಚಂದಾದಾರಿಕೆ ಸೇವೆ:
'ಟ್ವಿಟರ್ ಬ್ಲೂ' (Twitter Blue)ಎಂಬುದು ಪಾವತಿಸಿದ ಚಂದಾದಾರಿಕೆ ಸೇವೆಯಾಗಿದೆ.ಇದನ್ನು ಕಳೆದ ವರ್ಷ ಜೂನ್‌ನಲ್ಲಿ ಕೆನಡಾ ಮತ್ತು ಆಸ್ಟ್ರೇಲಿಯಾದಲ್ಲಿ ಟ್ವಿಟರ್ ಪ್ರಾರಂಭಿಸಿತು. ಆದಾಗ್ಯೂ, ನಂತರ ನವೆಂಬರ್ 2021 ರಲ್ಲಿ, ಇದನ್ನು ಯುಎಸ್ ಮತ್ತು ನ್ಯೂಜಿಲೆಂಡ್‌ಗೆ ವಿಸ್ತರಿಸಲಾಯಿತು. Twitter Blue ನಿಮಗೆ ಡ್ರಾಫ್ಟ್ ಅನ್ನು ನಿಗದಿಪಡಿಸಲು ಮತ್ತು ಟ್ವೀಟ್‌ಗಳನ್ನು ರದ್ದುಗೊಳಿಸಲು ಅನುಮತಿಸುತ್ತದೆ.

ಇದನ್ನೂ ಓದಿ- BSNL: ಜಿಯೋ-ಏರ್‌ಟೆಲ್‌ಗೆ ಟಕ್ಕರ್ ನೀಡಿದ ಬಿಎಸ್ಎನ್ಎಲ್

ದೀರ್ಘ ಸಮಯದಿಂದ ಇದಕ್ಕೆ ಬೇಡಿಕೆಯಿದೆ:
ಟ್ವಿಟರ್‌ನ ಕನ್ಸೂಮರ್ ಪ್ರಾಡಕ್ಟ್ಸ್ ಮುಖ್ಯಸ್ಥ ಜೆ. ಸುಲ್ಲಿವಾನ್ (Jay Sullivan) ಪ್ರಕಾರ, ಕಳೆದ ಕೆಲವು ವರ್ಷಗಳಿಂದ ಟ್ವಿಟರ್ ಬಳಕೆದಾರರ ಹೆಚ್ಚು ಬೇಡಿಕೆಯಿರುವ ಒಂದು ವೈಶಿಷ್ಟ್ಯವೆಂದರೆ ಟ್ವೀಟ್‌ಗಳನ್ನು ಎಡಿಟ್ ಮಾಡುವ ಸಾಮರ್ಥ್ಯ, ಏಕೆಂದರೆ ಟ್ವೀಟ್‌ನಲ್ಲಿನ ಸಣ್ಣ ತಪ್ಪು ಕೂಡ ಬಳಕೆದಾರರಿಗೆ ಟ್ವೀಟ್ ಅನ್ನು ಅಳಿಸಲು ಮತ್ತು ಹೊಸ ಟ್ವೀಟ್ ಅನ್ನು ರಚಿಸಲು ಅನುಮತಿಸುತ್ತದೆ. ಹೀಗಾಗಿ ಟ್ವಿಟರ್ ಎಡಿಟ್ ಮಾಡಲಾದ ದಾಖಲೆಯನ್ನು ತೋರಿಸಲು ಕೆಲಸ ಮಾಡುತ್ತಿದೆ, ಸಂಪಾದನೆಯ ಸಮಯದ ಮಿತಿಯಿಂದಾಗಿ ಈ ಎಡಿಟ್ ವೈಶಿಷ್ಟ್ಯವು ದುರುಪಯೋಗವಾಗುವುದಿಲ್ಲ ಎಂದಿದ್ದಾರೆ.

1/ We’ve been exploring how to build an Edit feature in a safe manner since last year and plan to begin testing it within @TwitterBlue Labs in the coming months. Sharing a few more insights on how we’re thinking about Edit 🧵 https://t.co/WbcfkUue8e

— Jay Sullivan (@jaysullivan) April 5, 2022

ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಮ್ ಈಗಾಗಲೇ ಈ ವೈಶಿಷ್ಟ್ಯವನ್ನು ಹೊಂದಿವೆ:
ಎಡಿಟ್ ವೈಶಿಷ್ಟ್ಯವು ಇತರ ಸಾಮಾಜಿಕ ಮಾಧ್ಯಮ ಸೈಟ್‌ಗಳಾದ ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಮ್‌ನಲ್ಲಿ ಈಗಾಗಲೇ ಇದೆ. ಅದರಲ್ಲಿ ಬಳಕೆದಾರರು ಏನಾದರೂ ತಪ್ಪಾಗಿ ಪೋಸ್ಟ್ ಮಾಡಿದ್ದರೆ ಅಥವಾ ಬಳಕೆದಾರರು ತಮ್ಮ ಪೋಸ್ಟ್‌ನಲ್ಲಿ ಬದಲಾವಣೆಗಳನ್ನು ಮಾಡಲು ಬಯಸಿದರೆ, ಅದನ್ನು ಸುಲಭವಾಗಿ ಮಾಡಬಹುದು.

ಇದನ್ನೂ ಓದಿ- NASA: ಭೂಮಿಯಿಂದ ಅತಿಹೆಚ್ಚು ದೂರದಲ್ಲಿರುವ ನಕ್ಷತ್ರ ಕಂಡುಹಿಡಿದ ಅಮೆರಿಕ..!

ಮೂಲ ಪೋಸ್ಟ್ ಅನ್ನು ನೋಡಬಹುದು:
ಆದಾಗ್ಯೂ, ಫೇಸ್‌ಬುಕ್‌ನಲ್ಲಿ, ಬಳಕೆದಾರರು ತಮ್ಮ ಪೋಸ್ಟ್ ಅನ್ನು ಎಡಿಟ್ ಮಾಡಿ ಮತ್ತು ಕೆಲವು ಬದಲಾವಣೆಗಳನ್ನು ಮಾಡಿದರೆ, ನಂತರ ಅವರ ಸಾಮಾಜಿಕ ಮಾಧ್ಯಮ ಸ್ನೇಹಿತರು ಅಥವಾ ಅವರಿಗೆ ಸಂಬಂಧಿಸಿದ ಸಾಮಾಜಿಕ ಮಾಧ್ಯಮ ಅನುಯಾಯಿಗಳು ಪೋಸ್ಟ್ ಅನ್ನು ಎಡಿಟ್ ಮಾಡಿದ ಬಳಕೆದಾರರು ಮೊದಲು ಏನು ಪೋಸ್ಟ್ ಮಾಡಿದ್ದಾರೆ ಎಂಬುದನ್ನು ನೋಡುವ ಸೌಲಭ್ಯವಿದೆ. ಮೂಲ ಪೋಸ್ಟ್ ಮತ್ತು ಸಂಪಾದಿಸಿದ ನಂತರ ಏನು ಪೋಸ್ಟ್ ಮಾಡಲಾಗಿದೆ ಎಂಬುದು ಇದರಿಂದ ಸುಲಭವಾಗಿ ತಿಳಿಯುತ್ತದೆ. ಇತರ ಸಾಮಾಜಿಕ ಮಾಧ್ಯಮ ಸೈಟ್ Instagram ನಲ್ಲಿ, ಅನುಯಾಯಿಗಳು ಮೂಲ ಪೋಸ್ಟ್ ಅನ್ನು ನೋಡಲು ಸಾಧ್ಯವಾಗುವುದಿಲ್ಲ, ಆದರೆ ಎಡಿಟ್ ಮಾಡಿದ ಪೋಸ್ಟ್‌ನಲ್ಲಿ, ಅದು ಎಡಿಟ್ ಮಾಡಲಾಗಿದೆ ಎಂದು ತೋರಿಸುತ್ತದೆ.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.