ರಾಕಿಂಗ್ ಸ್ಟಾರ್ ಯಶ್ ರನ್ನು ಅಮಿತಾಬ್ ಬಚ್ಚನ್ ಗೆ ಹೋಲಿಸಿದ ಬಾಲಿವುಡ್ ನಟಿ ಕಂಗನಾ ರನೌತ್

ಮುಂಬೈ: ಯಶ್ ಅಭಿನಯದ ಕೆಜಿಎಫ್ 2 ಚಿತ್ರವು ವಿಶ್ವದಾದ್ಯಂತ ಹೊಸ ದಾಖಲೆಯನ್ನು ನಿರ್ಮಿಸುತ್ತಿರುವ ಬೆನ್ನಲ್ಲೇ ಈಗ ರಾಕಿಂಗ್ ಸ್ಟಾರ್ ಯಶ್ ಅಭಿನಯಕ್ಕೆ ಮೆಚ್ಚುಗೆಯ ಸುರಿಮಳೆ ಹರಿದು ಬಂದಿವೆ.

ಈಗ ಯಶ್ ಅಭಿನಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿರುವ ನಟ ನಟಿಯರ ಸಾಲಿಗೆ ಈಗ ಹೊಸದಾಗಿ ಬಾಲಿವುಡ್ ನಟಿ ಕಂಗನಾ ರನೌತ್ ಸೇರಿದ್ದಾರೆ.ತಮ್ಮ ಅಧಿಕೃತ ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ಅವರು ಯಶ್ ರನ್ನು ಅಮಿತಾಬ್ ಬಚ್ಚನ್ ಅವರಿಗೆ ಹೋಲಿಸಿದ್ದಾರೆ.ಯಶ್ ಅವರು ದಶಕಗಳಿಂದ ಭಾರತದಿಂದ ಕಾಣೆಯಾಗಿರುವ ಆಂಗ್ರಿ ಯಂಗ್ ಮ್ಯಾನ್..ಅಮಿತಾಬ್ ಬಚ್ಚನ್ ಅವರು ಎಪ್ಪತ್ತರ ದಶಕದಿಂದ ಬಿಟ್ಟುಹೋದ ಆ ಶೂನ್ಯವನ್ನು ತುಂಬುತ್ತಾರೆ" ಎಂದು ಅವರು ಕೊಂಡಾಡಿದ್ದಾರೆ.1970 ಮತ್ತು 1980 ರ ದಶಕದಲ್ಲಿ ಡಾನ್, ದೀವಾರ್, ಶಕ್ತಿ ಮತ್ತು ಅಗ್ನಿಪಥ್‌ನಂತಹ ಚಲನಚಿತ್ರಗಳೊಂದಿಗೆ ಅಮಿತಾಭ್ ಬಚ್ಚನ್ ಅವರು ಹಿಂದಿ ಸಿನಿಮಾದ "ಆಂಗ್ರಿ ಯಂಗ್ ಮ್ಯಾನ್" ಎನ್ನುವ ಹೆಗ್ಗಳಿಕೆಗೆ ಪಾತ್ರರಾಗಿದ್ದರು.

ಇದನ್ನೂ ಓದಿ: ಕೆಜಿಎಫ್‌-2 ಗೆ ತಲೈವಾ ಫಿದಾ...ದೇಶಾದ್ಯಂತ ನಟ ನಟಿಯರಿಂದ ಪ್ರಶಂಸೆಯ ಸುರಿಮಳೆ..!

ಕೇವಲ ಯಶ್ ಬಗ್ಗೆ ಅಷ್ಟೇ ಅಲ್ಲದೆ ದಕ್ಷಿಣ ಭಾರತದ ಇತರ ನಟರಾದ ರಾಮ್ ಚರಣ್, ಎನ್ಟಿಆರ್ ಜೂನಿಯರ್ ಮತ್ತು ಅಲ್ಲು ಅರ್ಜುನ್ ಅವರ ಫೋಟೋ ಕೊಲಾಜ್ ಅನ್ನು ಸಹ ಹಂಚಿಕೊಂಡು "ದಕ್ಷಿಣ ಸೂಪರ್ ಸ್ಟಾರ್‌ಗಳು ತಮ್ಮ ಸಂಸ್ಕೃತಿಯಲ್ಲಿ ಆಳವಾಗಿ ಬೇರೂರಿದ್ದಾರೆ... ಅವರ ಪ್ರತಿಭೆ ಮತ್ತು ಕಠಿಣ ಪರಿಶ್ರಮದ ಹೊರತಾಗಿ ಅವರ ಸತ್ಯಾಸತ್ಯತೆ ಪ್ರೇಕ್ಷಕರಿಗೆ ತಲುಪುತ್ತದೆ' ಎಂದು ಅವರು ಕೊಂಡಾಡಿದ್ದಾರೆ.

ಇದನ್ನೂ ಓದಿ: ಕಾಲಭೈರವ ಎದ್ದು ಕುಣಿಯುವ ಸಮಯ ಬಂದಿದೆ : ಜೆಡಿಎಸ್ ನೂತನ ರಾಜ್ಯಾಧ್ಯಕ್ಷ ಸಿ.ಎಂ. ಇಬ್ರಾಹಿಂ

ಇದಕ್ಕೂ ಮುನ್ನ ಕಂಗನಾ ರಣಾವತ್ ತಮ್ಮ ಮುಂಬರುವ ಚಿತ್ರ ಧಕಡ್‌ನ ಟ್ರೇಲರ್ ಅನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದರು.ರಜನೀಶ್ ರಾಜಿ ಘಾಯ್ ನಿರ್ದೇಶಿಸಿದ ಮತ್ತು ದೀಪಕ್ ಮುಕುತ್ ಮತ್ತು ಸೋಹೆಲ್ ಮಕ್ಲೈ ನಿರ್ಮಿಸಿದ ಆಕ್ಷನ್ ಚಲನಚಿತ್ರವು ಮೇ 20 ರಂದು ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆ.ಢಾಕಡ್‌ನಲ್ಲಿ ಕಂಗನಾ ರಣಾವತ್ ಏಜೆಂಟ್ ಅಗ್ನಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ.