ನವದೆಹಲಿ: ನೀವು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ(SBI) ಬ್ಯಾಂಕ್ ನಲ್ಲಿ ಖಾತೆ ಹೊಂದಿರುವಿರೇ. ಹಾಗಾದರೆ ಈ ಸುದ್ದಿ ನಿಮಗೆ ಅತ್ಯಂತ ಮುಖ್ಯ. ಎಸ್ಬಿಐ ತನ್ನ ಹಳೆಯ ಎಟಿಎಂ ಕಾರ್ಡ್ ಗಳಿಗೆ ಸಂಬಂಧಿಸಿದಂತೆ ಒಂದು ಮಹತ್ವದ ಹೆಜ್ಜೆಯನ್ನು ತೆಗೆದುಕೊಳ್ಳುತ್ತಿದೆ. ಹಳೆಯ ಮ್ಯಾಜಿಸ್ಟ್ರೇಟ್ (ಮ್ಯಾಗ್ನೆಟಿಕ್) ಡೆಬಿಟ್ ಕಾರ್ಡ್ ಶೀಘ್ರದಲ್ಲೇ ಬಂದ್ ಆಗಲಿದೆ ಎಂದು ಬ್ಯಾಂಕ್ ತಿಳಿಸಿದೆ. ಮ್ಯಾಗ್ನೆಟಿಕ್ ಸ್ಟ್ರೈಪ್ ಹೊಂದಿರುವ ಕಾರ್ಡ್ ಅನ್ನು ಬ್ಯಾಂಕ್ ಗಳು ಸ್ಥಗಿತಗೊಳಿಸಲಿವೆ. ಮ್ಯಾಗ್ನೆಟಿಕ್ ಸ್ಟ್ರೈಪ್ ಹೊಂದಿರುವ ಕಾರ್ಡ್ ಬದಲಿಗೆ ಚಿಪ್ ಇರುವ ಕಾರ್ಡ್ ಗಳನ್ನು ಬಳಸಲು ಬ್ಯಾಂಕುಗಳು ಯೋಜಿಸಿವೆ. ವಾಸ್ತವವಾಗಿ ಆರ್ಬಿಐ ಆದೇಶದ ಪ್ರಕಾರ ಇದನ್ನು ಮಾಡಲಾಗುತ್ತಿದೆ. ಕಾರ್ಡ್ ಬದಲಿಸುವಿಕೆಗೆ ಡಿಸೆಂಬರ್ 2018 ರ ಅಂತಿಮ ಗಡುವು ನೀಡಲಾಗಿದೆ.
ಡಿಸೆಂಬರ್ 31 ರ ಹಳೆಯ ಎಟಿಎಂ ಕಾರ್ಯನಿರ್ವಹಿಸುವುದಿಲ್ಲ
ಡಿಸೆಂಬರ್ 31 ರ ನಂತರ ಎಸ್ಬಿಐನ ಹಳೆಯ ಎಟಿಎಂ ಅನ್ನು ಯಾವುದೇ ಬ್ಯಾಂಕ್ನ ಎಟಿಎಂ ಯಂತ್ರಗಳನ್ನು ಸ್ವೀಕರಿಸುವುದಿಲ್ಲ. ಎಸ್ಬಿಐನಲ್ಲಿ ಆರು ಅಸೋಸಿಯೇಟ್ ಬ್ಯಾಂಕುಗಳ ವಿಲೀನದ ನಂತರ, ಬ್ಯಾಂಕ್ ಗ್ರಾಹಕರ ಸಂಖ್ಯೆ 32 ಕೋಟಿಗಳಿಗೆ ಏರಿದೆ. ಈ ರೀತಿಯಾಗಿ, ಲಕ್ಷಾಂತರ ಜನರು ತಮ್ಮ ಹಳೆಯ ಡೆಬಿಟ್ ಕಾರ್ಡಿಗೆ ಬದಲಾಗಿ ಹೊಸ ಕಾರ್ಡ್ಗಾಗಿ ಅರ್ಜಿ ಸಲ್ಲಿಸಬೇಕಾಗುತ್ತದೆ.
ಪರಿವರ್ತನೆಯ ಪ್ರಕ್ರಿಯೆಯು ಸಂಪೂರ್ಣ ಸುರಕ್ಷಿತ
ಡೆಬಿಟ್ ಕಾರ್ಡಿನ ಪರಿವರ್ತನೆ ಪ್ರಕ್ರಿಯೆಯು ಸಂಪೂರ್ಣವಾಗಿ ಸುರಕ್ಷಿತವಾಗಿದೆ ಮತ್ತು ಅದಕ್ಕೆ ನೀವು ಯಾವುದೇ ಹಣವನ್ನು ಪಾವತಿಸಬೇಕಾಗಿಲ್ಲ ಎಂದು ಬ್ಯಾಂಕ್ ಟ್ವಿಟ್ಟರ್ ಮೂಲಕ ತಿಳಿಸಿದೆ. ಎಸ್ಬಿಐನ ಹಳೆಯ ಮ್ಯಾಜಿಸ್ಟ್ರೇಡ್ ಡೆಬಿಟ್ ಕಾರ್ಡನ್ನು ಹೊಂದಿರುವ ಗ್ರಾಹಕರು ಅದನ್ನು ಇಎಂವಿ ಚಿಪ್ ಡೆಬಿಟ್ ಕಾರ್ಡ್ ಗೆ 31 ಡಿಸೆಂಬರ್ 2018 ರ ಒಳಗೆ ಬದಲಾಯಿಸಬೇಕು. ನಿಮ್ಮ ಕಾರ್ಡ್ ಅನ್ನು ಡಿಸೆಂಬರ್ 31, 2018 ಒಳಗೆ ಬದಲಾಯಿಸದಿದ್ದರೆ, ಹಳೆಯ ಎಟಿಎಂನಿಂದ ನೀವು ಯಾವುದೇ ಕೆಲಸವನ್ನು ಮಾಡಲು ಸಾಧ್ಯವಾಗುವುದಿಲ್ಲ ಎಂದು ಬ್ಯಾಂಕ್ ತಿಳಿಸಿದೆ.
Dear Customers, it’s time to make a shift. As per the RBI guidelines, you are required to change your Magstripe Debit Cards to EMV Chip Debit Cards by the end of 2018. The conversion process is absolutely safe and comes with no charges. Know more: https://t.co/hgDrKXlInp pic.twitter.com/QoLZZSQuEj
— State Bank of India (@TheOfficialSBI) August 10, 2018
ನಿಮ್ಮ ಎಟಿಎಂ ಕಾರ್ಡ್ ಶೀಘ್ರದಲ್ಲೇ ಸ್ಥಗಿತವಾಗಬಹುದು
ಮ್ಯಾಗ್ನೆಟಿಕ್ ಸ್ಟ್ರೈಪ್ ಹಳೆಯ ತಂತ್ರಜ್ಞಾನ
ಆರ್ಬಿಐ ಪ್ರಕಾರ, ಮ್ಯಾಗ್ನೆಟಿಕ್ ಸ್ಟ್ರೈಪ್ ಕಾರ್ಡ್ ಈಗ ಹಳೆಯ ತಂತ್ರಜ್ಞಾನವಾಗಿದೆ. ಅಂತಹ ಕಾರ್ಡುಗಳನ್ನು ಸಹ ನಿಲ್ಲಿಸಲಾಗಿದೆ. ವಾಸ್ತವವಾಗಿ, ಈ ಕಾರ್ಡ್ಗಳು ಸಂಪೂರ್ಣವಾಗಿ ಸುರಕ್ಷಿತವಾಗಿರಲಿಲ್ಲ. ಅದಕ್ಕಾಗಿಯೇ ಅವುಗಳನ್ನು ಸ್ಥಗಿತಗೊಳಿಸಲು ಕ್ರಮ ಕೈಗೊಳ್ಳಲಾಗುತ್ತಿದೆ. EMV ಚಿಪ್ ಕಾರ್ಡ್ ಅನ್ನು ಮ್ಯಾಗ್ನೆಟಿಕ್ ಸ್ಟ್ರೈಪ್ ಕಾರ್ಡ್ ಗಳ ಬದಲಾಗಿ ನೀಡಲಾಗುವುದು.
ಹೊಸ ಇಎಂಐ ಚಿಪ್ ಡೆಬಿಟ್ ಕಾರ್ಡ್ ಅಥವಾ ಆನ್ಲೈನ್ ಬ್ಯಾಂಕಿಂಗ್ ಗಾಗಿ ನಿಮ್ಮ ಹೋಮ್ ಬ್ರಾಂಚ್ನಲ್ಲಿ ನೀವು ಅರ್ಜಿ ಸಲ್ಲಿಸಬಹುದು ಎಂದು ಬ್ಯಾಂಕ್ ನೀಡಿದ ಮಾಹಿತಿಯಲ್ಲಿ ತಿಳಿಸಲಾಗಿದೆ. ಹಳೆಯ ಎಟಿಎಂ ಕಾರ್ಡ್ ಬದಲಿಗೆ ಹೊಸ ಇವಿಎಂ ಚಿಪ್ ಡೆಬಿಟ್ ಕಾರ್ಡ್ ನೀಡಲು ಯಾವುದೇ ಶುಲ್ಕ ವಿಧಿಸಲಾಗುವುದಿಲ್ಲ ಎಂದು ಎಸ್ಬಿಐ ತಿಳಿಸಿದೆ.
