ICC World Cup 2023: ಇಂಗ್ಲೆಂಡ್‍ಗೆ 285 ರನ್ ಟಾರ್ಗೆಟ್ ನೀಡಿದ ಅಫ್ಘಾನಿಸ್ತಾನ

ICC World Cup 2023: ದೆಹಲಿಯ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಐಸಿಸಿ ವಿಶ್ವಕಪ್ ಟೂರ್ನಿಯ 13ನೇ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಇಂಗ್ಲೆಂಡ್‍ಗೆ ಅಫ್ಘಾನಿಸ್ತಾನ ತಂಡವು 285 ರನ್‍ಗಳ ಗುರಿ ನೀಡಿದೆ.

ENG vs AFG

ನವದೆಹಲಿ: ದೆಹಲಿಯ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಐಸಿಸಿ ವಿಶ್ವಕಪ್ ಟೂರ್ನಿಯ 13ನೇ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಇಂಗ್ಲೆಂಡ್‍ಗೆ ಅಫ್ಘಾನಿಸ್ತಾನ ತಂಡವು 285 ರನ್‍ಗಳ ಗುರಿ ನೀಡಿದೆ.

ಇದನ್ನೂ ಓದಿ: ಭಾರತದಲ್ಲಿ ಒಲಿಂಪಿಕ್ಸ್ ಯಾವಾಗ ನಡೆಯಲಿದೆ? ಉತ್ತರ ನೀಡಿದ ಇಂಟರ್ನ್ಯಾಷನಲ್ ಕೌನ್ಸಿಲ್ ಅಧ್ಯಕ್ಷ

ಟಾಸ್ ಗೆದ್ದ ಇಂಗ್ಲೆಂಡ್ ಫೀಲ್ಡಿಂಗ್ ಆಯ್ದುಕೊಂಡಿತು. ಅದರಂತೆ ಮೊದಲು ಬ್ಯಾಟಿಂಗ್ ಮಾಡಿದ ಅಫ್ಘಾನಿಸ್ತಾನ ನಿಗದಿತ 49.5 ಓವರ್‍ಗಳಲ್ಲಿ ಎಲ್ಲಾ ವಿಕೆಟ್ ಕಳೆದುಕೊಂಡು 284 ರನ್ ಗಳಿಸಿತು. ಅಫ್ಘಾನಿಸ್ತಾನ ಪರ ರಹಮಾನುಲ್ಲಾ ಗುರ್ಬಾಜ್(80) ಭರ್ಜರಿ ಅರ್ಧಶತಕ ಭಾರಿಸಿ ಮಿಂಚಿದರು. 57 ಎಸೆತಗಳಲ್ಲಿ 4 ಸಿಕ್ಸರ್ ಮತ್ತು 8 ಬೌಂಡರಿ ಇದ್ದ 80 ರನ್ ಗಳಿಸಿದ ಗುರ್ಬಾಜ್ ಅವರು ಇಬ್ರಾಹಿಂ ಜದ್ರಾನ್(28) ಜೊತೆಗೂಡಿ ಮೊದಲ ವಿಕೆಟ್‍ಗೆ 114 ರನ್‍ಗಳ ಉತ್ತಮ ಆರಂಭ ಒದಗಿಸಿದರು.

ಇದನ್ನೂ ಓದಿ: ಏಕದಿನದಲ್ಲಿ ವಿಶೇಷ 'ಶತಕ' ಪೂರೈಸಿದ ಜಡೇಜಾ, ಕಪಿಲ್ ದೇವ್-ಅನಿಲ್ ಕುಂಬ್ಳೆ ಕ್ಲಬ್ ಸೇರಿದ ಜಡ್ಡು!

ಇನ್ನುಳಿದಂತೆ ಇಕ್ರಮ್ ಅಲಿಖಿಲ್(58) ರನ್ ಗಳಿಸಿದರೆ, ಮುಜೀಬ್ ಉರ್ ರೆಹಮಾನ್(28), ರಶೀದ್ ಖಾನ್(23) & ಅಜ್ಮತುಲ್ಲಾ ಒಮರ್ಜಾಯ್(19) ರನ್ ಗಳಿಸಿ ತಂಡದ ಮೊತ್ತವನ್ನು 250 ಗಡಿ ದಾಟಿಸಲು ನೆರವಾದರು. ಇಂಗ್ಲೆಂಡ್ ಪರ ಬೌಲಿಂಗ್‍ನಲ್ಲಿ ಆದಿಲ್ ರಶೀದ್ 3 ವಿಕೆಟ್ ಪಡೆದು ಮಿಂಚಿದರೆ, ಮಾರ್ಕ್ ವುಡ್, ಲಿಯಾಮ್ ಲಿವಿಂಗ್ಸ್ಟೋನ್ ಮತ್ತು ಜೋ ರೂಟ್ ತಲಾ ಒಂದೊಂದು ವಿಕೆಟ್ ಕಬಳಿಸಿದರು.