IPL ಹರಾಜಿಗೆ ಕೆಲವೇ ಗಂಟೆಗಳು ಬಾಕಿ ಇರುವಾಗ ತಮ್ಮ ಹೆಸರನ್ನು ಹಿಂದಕ್ಕೆ ಪಡೆದುಕೊಂಡ ಮೂವರು ಆಟಗಾರರು !

3 Players withdraws from ipl auction: ಹರಾಜು ಪ್ರಕ್ರಿಯೆ ಆರಂಭವಾಗಲು ಇನ್ನು ಕೆಲವೇ ಗಂಟೆಗಳು ಬಾಕಿ ಇರುವಂತೆ ಶಾಕಿಂಗ್ ನ್ಯೂಸ್ ಹೊರ ಬಿದ್ದಿದೆ. 333 ಕ್ರಿಕೆಟಿಗರ ಈ ಪಟ್ಟಿಯಿಂದ 3 ಆಟಗಾರರು ತಮ್ಮ ಹೆಸರನ್ನು ಹಿಂಪಡೆದಿದ್ದಾರೆ.

3 Players withdraws from ipl auction : ಇಂಡಿಯನ್ ಪ್ರೀಮಿಯರ್ ಲೀಗ್ 2024 ರ ಮಿನಿ ಹರಾಜಿಗೆ ಸಿದ್ಧತೆ ನಡೆಯುತ್ತಿದೆ. ಅಭಿಮಾನಿಗಳು, ಫ್ರಾಂಚೈಸಿಗಳು, ಈ ಹರಾಜು ಕಾರ್ಯಕ್ರಮಕ್ಕಾಗಿ ಉತ್ಸುಕರಾಗಿದ್ದಾರೆ. ದುಬೈನ ಕೋಕಾ ಕೋಲಾ ಅರೆನಾದಲ್ಲಿ ಭಾರತೀಯ ಕಾಲಮಾನ ಮಧ್ಯಾಹ್ನ 1 ಗಂಟೆಗೆ ಹರಾಜು ಆರಂಭವಾಗಲಿದೆ. ಹರಾಜು ಪ್ರಕ್ರಿಯೆ ಆರಂಭವಾಗಲು ಇನ್ನು ಕೆಲವೇ ಗಂಟೆಗಳು ಬಾಕಿ ಇರುವಂತೆ ಶಾಕಿಂಗ್ ನ್ಯೂಸ್ ಹೊರ ಬಿದ್ದಿದೆ. 333 ಕ್ರಿಕೆಟಿಗರ ಈ ಪಟ್ಟಿಯಿಂದ 3 ಆಟಗಾರರು ತಮ್ಮ ಹೆಸರನ್ನು ಹಿಂಪಡೆದಿದ್ದಾರೆ.

ಹರಾಜಿನಿಂದ ಹೆಸರು ಹಿಂಪಡೆದ ಮೂವರು ಆಟಗಾರರು :
ಇಂಗ್ಲೆಂಡ್ ತಂಡದ 19 ವರ್ಷದ ಯುವ ಲೆಗ್ ಸ್ಪಿನ್ ಆಲ್ ರೌಂಡರ್ ರೆಹಾನ್ ಅಹ್ಮದ್ ಐಪಿಎಲ್ ಹರಾಜಿನಿಂದ ತಮ್ಮ ಹೆಸರನ್ನು ಹಿಂಪಡೆದಿದ್ದಾರೆ. ESPN Cricinfo ವರದಿಯ ಪ್ರಕಾರ, ಈ ಲೆಗ್ ಸ್ಪಿನ್ನರ್ ಶಾರ್ಟ್ ನೋಟಿಸ್ ನೀಡುವ ಮೂಲಕ ತನ್ನ ಹೆಸರನ್ನು ಹಿಂಪಡೆದಿದ್ದಾರೆ. ಮೇ 22 ರಿಂದ 30 ರವರೆಗೆ ಇಂಗ್ಲೆಂಡ್ ತಂಡವು ಪಾಕಿಸ್ತಾನದ ವಿರುದ್ಧ ಟಿ20 ಸರಣಿಯನ್ನು  ಆಡಲಿದೆ. ಜನವರಿ-ಫೆಬ್ರವರಿಯಲ್ಲಿ ನಡೆಯಲಿರುವ ಭಾರತ ಮತ್ತು ಇಂಗ್ಲೆಂಡ್ ನಡುವಿನ 5 ಪಂದ್ಯಗಳ ಸರಣಿಯಲ್ಲಿ ರೆಹಾನ್ ಅಹ್ಮದ್  ಆಡಲಿದ್ದಾರೆ. 

ಇದನ್ನೂ ಓದಿ : ರೋಮಾಂಚನಕಾರಿ ಮಹಿಳಾ ಕಬ್ಬಡಿ ಪಂದ್ಯಾವಳಿಗೆ ಅದ್ದೂರಿ ತೆರೆ

ಹೆಸರು ಹಿಂಪಡೆದ ಬಾಂಗ್ಲಾದೇಶ ಆಟಗಾರರು : 
ರೆಹಾನ್ ಅಹ್ಮದ್ ಅಲ್ಲದೆ ಬಾಂಗ್ಲಾದೇಶ ತಂಡದ ಫಾಸ್ಟ್ ಬೌಲರ್‌ಗಳಾದ ತಸ್ಕಿನ್ ಅಹ್ಮದ್ ಮತ್ತು ಶೋರಿಫುಲ್ ಇಸ್ಲಾಂ ಕೂಡಾ ಐಪಿಎಲ್ ಹರಾಜಿನಿಂದ ತಮ್ಮ ಹೆಸರನ್ನು ಹಿಂಪಡೆದು ಎಲ್ಲರನ್ನು ಅಚ್ಚರಿಗೊಳಿಸಿದ್ದಾರೆ. ಬಾಂಗ್ಲಾದೇಶವು ಮಾರ್ಚ್ ಮತ್ತು ಏಪ್ರಿಲ್‌ನಲ್ಲಿ ತವರಿನಲ್ಲಿ ಶ್ರೀಲಂಕಾ ಮತ್ತು ಜಿಂಬಾಬ್ವೆ ವಿರುದ್ಧ ಆಡಬೇಕಾಗಿದೆ. ಇದರಿಂದಾಗಿ ಈ ಇಬ್ಬರೂ ಕ್ರಿಕೆಟಿಗರು ಐಪಿಎಲ್‌ನ ಭಾಗವಾಗಲು ಸಾಧ್ಯವಾಗುವುದಿಲ್ಲ.

ಶಾರ್ಟ್‌ಲಿಸ್ಟ್ ನಲ್ಲಿ 333 ಆಟಗಾರರು :
ಈ ಹರಾಜಿಗೆ 333 ಆಟಗಾರರನ್ನು ಶಾರ್ಟ್‌ಲಿಸ್ಟ್ ಮಾಡಲಾಗಿದೆ.  214 ಭಾರತೀಯ ಮತ್ತು 119 ವಿದೇಶಿ ಆಟಗಾರರು ಈ ಪಟ್ಟಿಯಲ್ಲಿ ಸೇರಿದ್ದಾರೆ. 116 ಕ್ಯಾಪ್ಡ್ ಮತ್ತು 215 ಅನ್‌ಕ್ಯಾಪ್ಡ್ ಆಟಗಾರರು ಈ ಹರಾಜಿನಲ್ಲಿ ಸೇರಿಕೊಳ್ಳಲಿದ್ದಾರೆ. ಮಿನಿ ಹರಾಜಿನಲ್ಲಿ, 10 ಫ್ರಾಂಚೈಸಿಗಳು 77 ಸ್ಲಾಟ್‌ಗಳನ್ನು ತುಂಬಬೇಕು. ಅದರಲ್ಲಿ 30 ವಿದೇಶಿ ಆಟಗಾರರಿಗೆ ಮೀಸಲಿಡಲಾಗಿದೆ.

ಇದನ್ನೂ ಓದಿ : ಬಡವರ ಬಂಧು, ದಕ್ಷಿಣ ಆಫ್ರಿಕಾ ತಂಡದ ನಾಯಕ ಟೆಂಬಾ ಬವುಮಾ!