ಆಸ್ಟ್ರೇಲಿಯಾ vs ನ್ಯೂಜಿಲ್ಯಾಂಡ್ ಪಂದ್ಯದಲ್ಲಿ ಬರೋಬ್ಬರಿ 771 ರನ್ ದಾಖಲು: ಇದು ವಿಶ್ವಕಪ್ ಇತಿಹಾಸದಲ್ಲೇ ಅತಿ ಹೆಚ್ಚು ಸ್ಕೋರ್

Most aggregate runs in ODI World Cup history: ಡೇವಿಡ್ ವಾರ್ನರ್ 65 ಎಸೆತಗಳಲ್ಲಿ 81 ರನ್ ಗಳಿಸಿದರೆ, ಟ್ರಾವಿಸ್ ಹೆಡ್ 59 ಎಸೆತಗಳಲ್ಲಿ ಬಿರುಸಿನ ಶತಕ ಸಿಡಿಸಿ ಆಸೀಸ್ ದಾಖಲೆಯ ಮೂರನೇ ಸತತ 350 ಪ್ಲಸ್ ಸ್ಕೋರ್‌’ಗೆ ಕಲೆಹಾಕಲು ಕಾರಣವಾದರು.

Australia vs New Zealand

Most aggregate runs in ODI World Cup history: ಧರ್ಮಶಾಲಾದಲ್ಲಿರುವ ಹಿಮಾಚಲ ಪ್ರದೇಶ ಕ್ರಿಕೆಟ್‌ ಅಸೋಸಿಯೇಷನ್‌ ಕ್ರೀಡಾಂಗಣದಲ್ಲಿ ಇಂದು ನಡೆದ ಏಕದಿನ ವಿಶ್ವಕಪ್‌ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್‌ ತಂಡಗಳು ಅತಿ ಹೆಚ್ಚು ರನ್‌ ದಾಖಲಿಸಿವೆ. ಆಸ್ಟ್ರೇಲಿಯಾ ವಿಶ್ವಕಪ್‌ ಪಂದ್ಯದಲ್ಲಿ ಮೂರನೇ ಗರಿಷ್ಠ ಮೊತ್ತ ದಾಖಲಿಸಿದ್ದು, ನಿಗದಿತ 50 ಓವರ್‌’ಗಳಲ್ಲಿ ಬೃಹತ್ 388 ರನ್ ಪೇರಿಸಿದೆ.

ಇದನ್ನೂ ಓದಿ: “20 ವರ್ಷಗಳಿಂದ ಆಂಗ್ಲರ ವಿರುದ್ಧ ಗೆದ್ದಿಲ್ಲ ಭಾರತ”- ಈ ವಿಚಾರದ ಬಗ್ಗೆ ರೋಹಿತ್ ಶರ್ಮಾ ಹೇಳಿದ್ದೇನು

ಡೇವಿಡ್ ವಾರ್ನರ್ 65 ಎಸೆತಗಳಲ್ಲಿ 81 ರನ್ ಗಳಿಸಿದರೆ, ಟ್ರಾವಿಸ್ ಹೆಡ್ 59 ಎಸೆತಗಳಲ್ಲಿ ಬಿರುಸಿನ ಶತಕ ಸಿಡಿಸಿ ಆಸೀಸ್ ದಾಖಲೆಯ ಮೂರನೇ ಸತತ 350 ಪ್ಲಸ್ ಸ್ಕೋರ್‌’ಗೆ ಕಲೆಹಾಕಲು ಕಾರಣವಾದರು.

ಇನ್ನು 389 ರನ್’ಗಳ ಗೆಲುವಿನ ಗುರಿ ಬೆನ್ನತ್ತಿದ ನ್ಯೂಜಿಲೆಂಡ್ ತಂಡ ಓವರ್ ಮುಕ್ತಾಯದ ವೇಳೆಗೆ 383 ರನ್ ಕಲೆಹಾಕಿತ್ತು. ಇನ್ನು ಕೀವೀಸ್ ಪರ ರಚಿನ್ ರವೀಂದ್ರ 89 ಎಸೆತಗಳಲ್ಲಿ 116 ರನ್ ಕಲೆ ಹಾಕಿದ್ದರು. ಅಂತಿಮವಾಗಿ ಪಂದ್ಯವು ದಾಖಲೆಯ 771 ರನ್‌’ಗಳನ್ನು ಒಟ್ಟುಗೂಡಿಸಿತು. ಅಂದಹಾಗೆ ವಿಶ್ವಕಪ್‌ ಇತಿಹಾಸದಲ್ಲಿ ಉಭಯ ತಂಡಗಳು ಒಟ್ಟಾಗಿ 700+ ರನ್‌ ಗಳಿಸಿದ್ದು ಇದು ಮೂರನೇ ಬಾರಿ.

ಈ ಹಿಂದೆ ಇದೇ ಆವೃತ್ತಿಯಲ್ಲಿ ಹೊಸದಿಲ್ಲಿಯಲ್ಲಿ ನಡೆದ ದಕ್ಷಿಣ ಆಫ್ರಿಕಾ-ಶ್ರೀಲಂಕಾ ಮುಖಾಮುಖಿಯಲ್ಲಿ 754 ರನ್‌’ಗಳ ಅತ್ಯುತ್ತಮ ಮೊತ್ತ ದಾಖಲಾಗಿತ್ತು. ಮತ್ತೊಂದು 2019 ರ ವಿಶ್ವಕಪ್‌’ನಲ್ಲಿ, ಆಸ್ಟ್ರೇಲಿಯಾ ಮತ್ತು ಬಾಂಗ್ಲಾದೇಶ ಒಟ್ಟು 714 ರನ್‌ಕಲೆಹಾಕಿತ್ತು.

ವಿಶ್ವಕಪ್ ಇತಿಹಾಸದಲ್ಲಿ ಒಂದೇ ಪಂದ್ಯದ ಎರಡು ಇನ್ನಿಂಗ್ಸ್‌’ನಲ್ಲಿ ದಾಖಲಾದ ಗರಿಷ್ಠ ರನ್:

• 771 - ಆಸ್ಟ್ರೇಲಿಯಾ ವಿರುದ್ಧ ನ್ಯೂಜಿಲೆಂಡ್, ಧರ್ಮಶಾಲಾ – 2023
• 754 - ದಕ್ಷಿಣ ಆಫ್ರಿಕಾ ವಿರುದ್ಧ ಶ್ರೀಲಂಕಾ, ದೆಹಲಿ – 2023
• 714 - ಆಸ್ಟ್ರೇಲಿಯಾ ವಿರುದ್ಧ ಬಾಂಗ್ಲಾದೇಶ, ನಾಟಿಂಗ್‌ಹ್ಯಾಮ್ – 2019
• 688 - ಆಸ್ಟ್ರೇಲಿಯಾ ವಿರುದ್ಧ ಶ್ರೀಲಂಕಾ, ಸಿಡ್ನಿ – 2015
• 682 - ಇಂಗ್ಲೆಂಡ್ ವಿರುದ್ಧ ಪಾಕಿಸ್ತಾನ, ನಾಟಿಂಗ್‌ಹ್ಯಾಮ್ – 2019
• 670 - ಭಾರತ vs ಇಂಗ್ಲೆಂಡ್- ಬೆಂಗಳೂರು-2011

ಇದನ್ನೂ ಓದಿ: ಹಾರ್ದಿಕ್ ಪಾಂಡ್ಯ ಬದಲಿಗೆ ಇಂಗ್ಲೆಂಡ್ ವಿರುದ್ಧ ಕಣಕ್ಕಿಳಿಯಲಿದ್ದಾರೆ ಈ ಆಟಗಾರ: ಕೆಎಲ್ ರಾಹುಲ್