World Cup 2023: ಆಸ್ಟ್ರೇಲಿಯಾ ಅಂತಿಮವಾಗಿ ವಿಶ್ವಕಪ್ 2023ರಲ್ಲಿ ತನ್ನ ಮೊದಲ ಗೆಲುವು ಸಾಧಿಸಿದೆ. ಸೋಮವಾರ ಲಕ್ನೋದಲ್ಲಿ ನಡೆದ ವಿಶ್ವಕಪ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಶ್ರೀಲಂಕಾವನ್ನು 5 ವಿಕೆಟ್’ಗಳಿಂದ ಸೋಲಿಸಿದೆ. ಭಾರತ ಮತ್ತು ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಎರಡು ಪಂದ್ಯಗಳಲ್ಲಿ ಆಸ್ಟ್ರೇಲಿಯಾ ಸತತ ಸೋಲು ಕಂಡಿತ್ತು. ಆದರೆ ಇದೀಗ ಕಾಂಗರೂ ತಂಡ 2023ರ ವಿಶ್ವಕಪ್’ನಲ್ಲಿ ತನ್ನ ಗೆಲುವಿನ ಖಾತೆ ತೆರೆದಿದೆ.
ಇದನ್ನೂ ಓದಿ: ICC World Cup 2023: ಲಾರಾ ದಾಖಲೆ ಮುರಿಯುವ ಹೊಸ್ತಿಲಿನಲ್ಲಿ ಕಿಂಗ್ ಕೊಹ್ಲಿ..!
ಲಕ್ನೋದಲ್ಲಿ ಸೋಮವಾರ ನಡೆದ ವಿಶ್ವಕಪ್ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಶ್ರೀಲಂಕಾ ತಂಡ 43.3 ಓವರ್‌’ಗಳಲ್ಲಿ 209 ರನ್’ಗಳಿಗೆ ಆಲೌಟ್ ಆಯಿತು. ಗುರಿ ಬೆನ್ನತ್ತಿದ ಆಸ್ಟ್ರೇಲಿಯಾ 35.2 ಓವರ್‌’ಗಳಲ್ಲಿ 5 ವಿಕೆಟ್’ಗೆ 215 ರನ್ ಗಳಿಸಿ ಜಯ ಸಾಧಿಸಿತು. ಆಸ್ಟ್ರೇಲಿಯಾ ಪರ ಜೋಶ್ ಇಂಗ್ಲಿಷ್ 58 ರನ್ ಹಾಗೂ ಮಿಚೆಲ್ ಮಾರ್ಷ್ 52 ರನ್ ಕೊಡುಗೆ ನೀಡಿದರು. ಶ್ರೀಲಂಕಾ ಪರ ದಿಲ್ಶನ್ ಮಧುಶಂಕ ಮೂರು ವಿಕೆಟ್ ಪಡೆದರು.
ಇನ್ನು ಲೆಗ್ ಸ್ಪಿನ್ನರ್ ಆಡಮ್ ಝಂಪಾ (47ಕ್ಕೆ 4 ವಿಕೆಟ್) ಮತ್ತು ನಾಯಕ ಪ್ಯಾಟ್ ಕಮ್ಮಿನ್ಸ್ (32ಕ್ಕೆ 2 ವಿಕೆಟ್) ಸೇರಿ ಆಸೀಸ್ ಬೌಲರ್’ಗಳ ಅದ್ಭುತ ಪ್ರದರ್ಶನದಿಂದಾಗಿ ಆಸ್ಟ್ರೇಲಿಯಾ ಶ್ರೀಲಂಕಾದ 43.3 ಓವರ್‌’ಗಳಲ್ಲಿ ಕೇವಲ 209 ರನ್ ಗಳಿಸಲಷ್ಟೇ ಅವಕಾಶ ನೀಡಿತು. ಆರಂಭಿಕರಾದ ಕುಸಾಲ್ ಪೆರೆರಾ (78) ಮತ್ತು ಪಾಥುಂ ನಿಸ್ಸಂಕಾ (61) 130 ಎಸೆತಗಳಲ್ಲಿ 125 ರನ್’ಗಳ ಜೊತೆಯಾಟವಾಡಿದರು. ಇನ್ನು ಇವರಿಬ್ಬರ ಅರ್ಧಶತಕದ ಆಧಾರದ ಮೇಲೆ ಶ್ರೀಲಂಕಾ ಬಲವಾದ ಆರಂಭವನ್ನು ಮಾಡಿತು, ಆದರೆ ಈ ಜೊತೆಯಾಟದ ಕಳಚಿದ ನಂತರ ಬ್ಯಾಕ್ ಟು ಬ್ಯಾಕ್ ವಿಕೆಟ್ ಬೀಳಲು ಪ್ರಾರಂಭಿಸಿತು.
ಪೆರೇರಾ 82 ಎಸೆತಗಳಲ್ಲಿ 12 ಮತ್ತು ನಿಸ್ಸಂಕಾ 67 ಎಸೆತಗಳಲ್ಲಿ 8 ಬೌಂಡರಿಗಳನ್ನು ಬಾರಿಸಿದ್ದಾರೆ. ಇವರಿಬ್ಬರ ಬ್ಯಾಟಿಂಗ್ ವೇಳೆ ತಂಡ ಸುಲಭವಾಗಿ 300 ರನ್ ತಲುಪುವಂತಿತ್ತು. ಈ ಇಬ್ಬರೂ ಆಟಗಾರರಿಗೆ ಕಮ್ಮಿನ್ಸ್ ಪೆವಿಲಿಯನ್ ಹಾದಿ ತೋರಿಸಿದರು. ಕಮ್ಮಿನ್ಸ್ ಎಸೆತದಲ್ಲಿ ಅದ್ಭುತ ಕ್ಯಾಚ್ ಪಡೆದ ಡೇವಿಡ್ ವಾರ್ನರ್, ನಿಸ್ಸಂಕಾ ಅವರ ಇನ್ನಿಂಗ್ಸ್ ಅನ್ನು ಕೊನೆಗೊಳಿಸಿದರು, ನಂತರ ಪೆರೆರಾ ಅವರನ್ನು ಬೌಲ್ಡ್ ಮಾಡಿ 157 ಸ್ಕೋರ್‌’ನಲ್ಲಿ ಶ್ರೀಲಂಕಾಕ್ಕೆ ಎರಡನೇ ಹೊಡೆತ ನೀಡಿದರು. ಇವರ ಹೊರತಾಗಿ ಚರಿತ್ ಅಸಲಂಕ (25) ಮಾತ್ರ ಎರಡಂಕಿಯ ರನ್ ಗಳಿಸಲು ಸಾಧ್ಯವಾಯಿತು.
ಆಡಮ್ ಝಂಪಾ ಸ್ಪಿನ್ ಮ್ಯಾಜಿಕ್:
ಇದಾದ ಬಳಿಕ ನಾಯಕ ಕುಸಾಲ್ ಮೆಂಡಿಸ್ (9) ಹಾಗೂ ಸದಿರಾ ಸಮರವಿಕ್ರಮ (2) ಅವರನ್ನು ಔಟ್ ಮಾಡುವ ಮೂಲಕ ಆ್ಯಡಮ್ ಝಂಪಾ ತಮ್ಮ ಸ್ಪಿನ್ ಮ್ಯಾಜಿಕ್ ಪ್ರದರ್ಶಿಸಿ ಫಾರ್ಮ್’ಗೆ ಮರಳುವುದಾಗಿ ಘೋಷಿಸಿದರು. ಡೈವಿಂಗ್ ಮೂಲಕ ಪಂದ್ಯದಲ್ಲಿ ಎರಡನೇ ಅದ್ಭುತ ಕ್ಯಾಚ್ ಪಡೆದ ವಾರ್ನರ್, ಮೆಂಡಿಸ್ ಅವರನ್ನು ಔಟ್ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಜೊತೆಗೆ ಚಮಿಕಾ ಕರುಣರತ್ನೆ (2) ಮತ್ತು ಮಹಿಷ್ ತೀಕ್ಷಣ (0) ಅವರನ್ನು ಸಹ ಎಲ್‌’ಬಿಡಬ್ಲ್ಯು ಔಟ್ ಮಾಡಿದರು.
ಇದನ್ನೂ ಓದಿ: ವಿಶ್ವಕಪ್’ನಲ್ಲಿ ಇತಿಹಾಸ ಸೃಷ್ಟಿಸುವತ್ತ ರೋಹಿತ್ ಹೆಜ್ಜೆ!
ಎಡಗೈ ವೇಗದ ಬೌಲರ್ ಸ್ಟಾರ್ಕ್ ಧನಂಜಯ್ ಡಿ ಸಿಲ್ವಾ (7) ಮತ್ತು ಲಹಿರು ಕುಮಾರ (4)ರನ್ನು ಬೌಲ್ಡ್ ಮಾಡಿದರು. ಅಸಲಂಕಾ ಅವರನ್ನು ಔಟ್ ಮಾಡುವ ಮೂಲಕ ಮ್ಯಾಕ್ಸ್‌ವೆಲ್ ಶ್ರೀಲಂಕಾ ಇನ್ನಿಂಗ್ಸ್ ಅನ್ನು ಕೊನೆಗೊಳಿಸಿದರು.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://tinyurl.com/7jmvv2nz
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್
