ಕಾರ್ ಎಸಿ ವೆಂಟ್‌ಗಳಲ್ಲಿನ ಬ್ಯಾಕ್ಟೀರಿಯಾ ನಾಶಪಡಿಸಲು ಈ ಟ್ರಿಕ್ಸ್ ಟ್ರೈ ಮಾಡಿ

Car AC Vent Cleaning: ಎಸಿಯನ್ನು ದೀರ್ಘಕಾಲದವರೆಗೆ ಬಳಸದಿದ್ದರೆ, ಅದರ ದ್ವಾರಗಳು ಅಥವಾ ನಾಳಗಳಲ್ಲಿ ಬ್ಯಾಕ್ಟೀರಿಯಾಗಳು ರೂಪುಗೊಳ್ಳಬಹುದು. ಮನೆ, ಕಚೇರಿಯಲ್ಲಿ ಬಳಸುವ ಎಸಿಗಳಲ್ಲಷ್ಟೇ ಅಲ್ಲ, ನಿಮ್ಮ ಕಾರಿನಲ್ಲಿ ಬಳಸುವ ಎಸಿಯಲ್ಲೂ ಈ ಸಮಸ್ಯೆ ಇದ್ದೇ ಇರುತ್ತದೆ. ಇದನ್ನು ಸ್ವಚ್ಛಗೊಳಿಸದೆ ಹಾಗೇ ಬಳಸುವುದರಿಂದ ಇದು ಹಲ್ವು ರೋಗಗಳಿಗೆ ಕಾರಣವಾಗುತ್ತದೆ.

Car AC Vent Cleaning: ಕಾರ್ ಎಸಿಯನ್ನು ದೀರ್ಘ ಸಮಯದವರೆಗೆ ಬಳಸದಿದ್ದರೆ ಅದರ ದ್ವಾರಗಳಲ್ಲಿ ಬ್ಯಾಕ್ಟೀರಿಯಾಗಳು ರೂಪುಗೊಳ್ಳುತ್ತವೆ. ಇದಲ್ಲದೆ, ಕಾರ್ ಎಸಿಯನ್ನು ನಿಯಮಿತವಾಗಿ ಬಳಸುವಾಗಲೂ ಕಾರ್ ವೆಂಟ್ ಕೊಳಕು ಮತ್ತು ಧೂಳಿನಿಂದ ಕೂಡಿರುತ್ತದೆ. ಇದು ಎಸಿಯ ಕಾರ್ಯಕ್ಷಮತೆಯನ್ನು ಕುಂದಿಸುವುದು ಮಾತ್ರವಲ್ಲದೆ, ನಿಮ್ಮ ಆರೋಗ್ಯದ ಮೇಲೂ ವ್ಯತಿರಿಕ್ತ ಪರಿಣಾಮ ಬೀರಬಹುದು. ಇದನ್ನು ತಪ್ಪಿಸಲು ಕಾರ್ ಎಸಿ ವೆಂಟ್‌ಗಳನ್ನು ಆಗಾಗ್ಗೆ ಸ್ವಚ್ಛಗೊಳಿಸುವುದು ತುಂಬಾ ಅವಶ್ಯಕ. 

ಕಾರ್ ಸರ್ವಿಸ್ ಸೆಂಟರ್ ನಲ್ಲಿ ಫ್ಯೂಮಿಗೇಷನ್/ಧೂಮೀಕರಣ ಮೂಲಕ ಬ್ಯಾಕ್ಟೀರಿಯಾ ವಿರೋಧಿ ರಾಸಾಯನಿಕ ಅಥವಾ ಅನಿಲದ ಬಳಕೆಯಿಂದ ಕಾರ್ ಎಸಿಯಲ್ಲಿರುವ  ಹಾನಿಕಾರಕ ಬ್ಯಾಕ್ಟೀರಿಯಾಗಳನ್ನು ಕೊಲ್ಲಲಾಗುತ್ತದೆ. ಇದಕ್ಕಾಗಿ ಎಸಿ ಸರ್ವಿಸ್ ನವರು ಪೈಪ್ ಮೂಲಕ ಎಸಿ ವೆಂಟ್ ಗಳ ಒಳಗೆ ಕೆಮಿಕಲ್ ಹಾಕುತ್ತಾರೆ. ಈ ರಾಸಾಯನಿಕವು ಒಳಗೆ ಹೋಗಿ ಎಸಿ ವೆಂಟ್‌ಗಳನ್ನು ಸ್ವಚ್ಛಗೊಳಿಸುತ್ತದೆ. ಇದಕ್ಕೆ 500-1000 ರೂ. ವೆಚ್ಚವನ್ನು ಸಹ ಭರಿಸಬೇಕಾಗುತ್ತದೆ.

ಇದನ್ನೂ ಓದಿ- ಸ್ಮಾರ್ಟ್‌ಫೋನ್ ಅಪ್ಲಿಕೇಶನ್‌ನಂತೆ ಪಿಸಿಯಲ್ಲೂ ಸಾಂಗ್ ಡೌನ್‌ಲೋಡ್ ಮಾಡಬಹುದು!

ಆದಾಗ್ಯೂ, ಕಾರ್ ಎಸಿ ವೆಂಟ್‌ಗಳನ್ನು ಸ್ವಚ್ಛಗೊಳಿಸಲು (Car AC Vent Cleaning) ಯಾವಾಗಲೂ ನಿಮ್ಮ ಕಾರನ್ನು ವೃತ್ತಿಪರರಿಗೆ ನೀಡಬೇಕೆಂದಿಲ್ಲ ಅಥವಾ ಸರ್ವಿಸ್ ಸ್ಟೇಷನ್ ಗೆ ಕೊಂಡೊಯ್ಯುವ ಅಗತ್ಯವಿಲ್ಲ. ಈ ಕೆಲಸವನ್ನು ನೀವು ಉಚಿತವಾಗಿಯೂ ಮಾಡಬಹುದು. ಇದಕ್ಕಾಗಿ, ನಿಮ್ಮ ಕಾರ್ ಹೀಟರ್ ಪ್ರಯೋಜನಕಾರಿ ಆಗಿದೆ. 

ಇದನ್ನೂ ಓದಿ- WhatsApp: ವಾಟ್ಸಾಪ್‌ನ ಚಾಟ್ ಪಟ್ಟಿಯಲ್ಲಿ ಶೀಘ್ರವೇ ಲಭ್ಯವಾಗಲಿದೆ ಈ ಸೌಲಭ್ಯ

ಕಾರ್ ಹೀಟರ್ ಬಳಸಿ ಕಾರ್ ಎಸಿಯಲ್ಲಿ ಅಡಕವಾಗಿರುವ ಬ್ಯಾಕ್ಟೀರಿಯಾಗಳನ್ನು ನಾಶಪಡಿಸಲು ಹೀಟರ್ ಅನ್ನು ಗರಿಷ್ಠ ಶಾಖಕ್ಕೆ ಹೊಂದಿಸಿ, ಬ್ಲೋವರ್ ಅನ್ನು ಗರಿಷ್ಠ ವೇಗದಲ್ಲಿ ರನ್ ಮಾಡಿ. ಈ ಸಂದರ್ಭದಲ್ಲಿ ನಿಮ್ಮ ಕಾರ್ ಓವರ್ ಹೀಟ್ ಆಗುವುದನ್ನು ತಪ್ಪಿಸಲು ಕಾರಿನ ಎಲ್ಲಾ ಕಿಟಕಿಗಳನ್ನು ತೆರೆದಿಡುವುದನ್ನು ಮರೆಯಬೇಡಿ. 15 ರಿಂದ 20 ನಿಮಿಷಗಳ ಕಾಲ ಪೂರ್ಣ ಬ್ಲೋವರ್ ವೇಗದಲ್ಲಿ ಹೀಟರ್ ಅನ್ನು ಬಿಟ್ಟಾಗ ಎಸಿ ವೆಂಟ್‌ಗಳಲ್ಲಿ ತಾಪಮಾನವನ್ನು ಹೆಚ್ಚಿ ಬ್ಯಾಕ್ಟೀರಿಯಾ ನಾಶವಾಗುತ್ತದೆ.