ಮತದಾರರಿಗೆ ಬ್ರ್ಯಾಂಡ್ ಕಾಂಡೋಮ್ ಉಡುಗೂರೆ..! ವಿಡಿಯೋ ವೈರಲ್‌

Condom war in Andhra : ಚುನಾವಣಾ ಪ್ರಚಾರದ ಸಮಯದಲ್ಲಿ ಮತದಾರರಿಗೆ ಕಾಂಡೋಮ್‌ಗಳನ್ನು ಉಡುಗೊರೆಯಾಗಿ ನೀಡಿರುವ ಘಟನೆಗಳು ಆಂಧ್ರಪ್ರದೇಶದಲ್ಲಿ ಬೆಳಕಿಗೆ ಬಂದಿದೆ. ಈ ಕುರಿತ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ತೀವ್ರ ಟೀಕೆಗಳನ್ನು ಎದುರಿಸುತ್ತಿವೆ.

YSRCP - TDP condom packets : ಚುನಾವಣಾ ಪ್ರಚಾರದ ವೇಳೆ ಮತದಾರರಿಗೆ ಉಡುಗೊರೆ ನೀಡುವುವೇ ತಪ್ಪು... ಅಂತಹುದರಲ್ಲಿ, ಆಂಧ್ರಪ್ರದೇಶ ರಾಜ್ಯದಲ್ಲಿ ಮತದಾರರಿಗೆ ನಿರೋಧ ಪ್ಯಾಕೆಟ್‌ಗಳನ್ನು ಉಡುಗೂರೆಯಾಗಿ ನೀಡಲಾಗುತ್ತಿದೆ ಎಂದು ಹೇಳಲಾಗಿದೆ. ಅಲ್ಲದೆ, ಆಡಳಿತಾರೂಢ ವೈಎಸ್‌ಆರ್ ಕಾಂಗ್ರೆಸ್ ಪಕ್ಷ (YSRCP) ಮತ್ತು ಪ್ರಮುಖ ವಿರೋಧ ಪಕ್ಷವಾದ ತೆಲುಗು ದೇಶಂ ಪಾರ್ಟಿ (TDP) ಹೆಸರು ಮತ್ತು ಚಿಹ್ನೆಗಳನ್ನು ಹೊಂದಿರುವ ಕಾಂಡೋಮ್ ಪ್ಯಾಕೆಟ್‌ಗಳ ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿವೆ.

ಇನ್ನು ವಿಡಿಯೋದಲ್ಲಿ ಆಂಧ್ರ ಮುಖ್ಯಮಂತ್ರಿ ಜಗನ್ ಮೋಹನ್ ರೆಡ್ಡಿ ಅವರ YSRCP ಮತ್ತು ಮಾಜಿ ಮುಖ್ಯಮಂತ್ರಿ ಎನ್ ಚಂದ್ರಬಾಬು ನಾಯ್ಡು ಅವರ ತೆಲುಗು ದೇಶಂ ಪಕ್ಷದ ಹೆಸರುಗಳು ಮತ್ತು ಚಿಹ್ನೆಗಳನ್ನು ಹೊಂದಿರುವ ಕಾಂಡೋಮ್ ಪ್ಯಾಕೆಟ್‌ಗಳನ್ನು ಪಕ್ಷದ ಸದಸ್ಯರು ಮತದಾರರಿಗೆ ಹಸ್ತಾಂತರಿಸುತ್ತಿರುವ ಧೃಶ್ಯ ಸೆರೆಯಾಗಿದೆ. 

𝐓𝐃𝐏 𝐒𝐭𝐨𝐨𝐩𝐬 𝐓𝐨 𝐀 𝐍𝐞𝐰 𝐋𝐨𝐰!
𝐍𝐨𝐰 𝐦𝐚𝐫𝐤𝐞𝐭𝐬 𝐢𝐭𝐬𝐞𝐥𝐟 𝐯𝐢𝐚 𝐜𝐨𝐧𝐝𝐨𝐦 𝐩𝐚𝐜𝐤𝐞𝐭𝐬!! pic.twitter.com/hYTpfNKN2p

— Deccan 24x7 (@Deccan24x7) February 21, 2024

ಇದನ್ನೂ ಓದಿ: ಅಕ್ರಮ ಗಣಿಗಾರಿಕೆ ಪ್ರಕರಣ: ವಿಚಾರಣೆಗೆ ಹಾಜರಾಗುವಂತೆ ಅಖಿಲೇಶ್ ಯಾದವ್’ಗೆ ಸಿಬಿಐ ಸಮನ್ಸ್ ಜಾರಿ

ಇನ್ನು ಚುನಾವಣೆ ಘೋಷಣೆಯಾಗದಿದ್ದಾಗ ರಾಜಕೀಯ ಪಕ್ಷಗಳು ನಡೆಸುತ್ತಿರುವ ಪ್ರಚಾರವೇ ಹೀಗಾದರೆ, ಚುನಾವಣೆ ಘೋಷಣೆಯಾದ ನಂತರ ಏನಾಗುತ್ತದೋ ಎಂಬ ಭಯ ಸಾರ್ವಜನಿಕರಲ್ಲಿದೆ. ಆಂಧ್ರಪ್ರದೇಶ ವಿಧಾನಸಭೆ ಮತ್ತು ಲೋಕಸಭೆ ಚುನಾವಣೆಗಳು ಏಪ್ರಿಲ್-ಮೇನಲ್ಲಿ ಏಕಕಾಲದಲ್ಲಿ ನಡೆಯಲಿದ್ದು, ತೆಲುಗು ದೇಶಂ ಪಕ್ಷವು ವೈಎಸ್‌ಆರ್‌ಸಿಪಿಯನ್ನು ಎದುರಿಸಲು ನಟ ಪವನ್ ಕಲ್ಯಾಣ್ ಅವರ ಜನಸೇನಾ ಪಕ್ಷದೊಂದಿಗೆ ಮೈತ್ರಿ ಮಾಡಿಕೊಂಡಿದೆ.