Afghanistan Crisis: ಕಾಬೂಲ್ ಏರ್ಪೋರ್ಟ್ ನಲ್ಲಿ ಫೈರಿಂಗ್, 5 ನಾಗರಿಕರ ಸಾವು

Kabul Airport Firing - ಕಾಬೂಲ್ ತೊರೆಯಲು ಯತ್ನಿಸುತ್ತಿರುವ ಸಾವಿರಾರು ಸಂಖ್ಯೆಯಲ್ಲಿ ನಾಗರಿಕರು ವಿಸಾ, ಪಾಸ್ಪೋರ್ಟ್ ಅಥವಾ ಟಿಕೆಟ್ ಇಲ್ಲದೆಯೇ ಕಾಬೂಲ್ ವಿಮಾನ ನಿಲ್ದಾಣಕ್ಕೆ ತಲುಪುತ್ತಿದ್ದಾರೆ. ಮೊಬೈಲ್ ರಿಚಾರ್ಜ್ ಮಾಡಲು ಜನರು ಸಾಕಷ್ಟು ತೊಂದರೆಗಳನ್ನು ಎದುರಿಸುತ್ತಿದ್ದಾರೆ. ಹೀಗಿರುವಾಗ ಜನರು ಇಂಟರ್ನೆಟ್ ಹಾಗೂ ಕಾಲ್ ಕ್ರೆಡಿಟ್ ಅನ್ನು ತುರ್ತು ಪರಿಸ್ಥಿತಿಗಾಗಿ ಉಳಿಸುತ್ತಿದ್ದಾರೆ. ಕಾಬೂಲ್ ರಸ್ತೆಗಳಲ್ಲಿ ತಾಲಿಬಾನ್ ಹೋರಾಟಗಾರರು (Taliban Terrorists) ಅಲೆದಾಡುತ್ತಿದ್ದಾರೆ.

Afghanistan Crisis (File Photo)

ಕಾಬೂಲ್: Kabul Airport Firing - ಅಫ್ಘಾನಿಸ್ತಾನ್ ಮೇಲೆ ತಾಲಿಬಾನ್ ಹಿಡಿತ ಸಾಧಿಸಿದೆ.  ತಾಲಿಬಾನಿ ಉಗ್ರರ ಭಯದಿಂದಾಗಿ ಜನರು ಹೇಗಾದರೂ ಮಾಡಿ ದೇಶವನ್ನು ತೊರೆಯಲು ಪ್ರಯತ್ನಿಸುತ್ತಿದ್ದಾರೆ. ಅಂತಹ ಜನರಿಗೆ ಅಫ್ಘಾನಿಸ್ತಾನದಿಂದ (Afghanistan) ಕೇವಲ ಒಂದು ದಾರಿ ಮಾತ್ರ ಉಳಿದಿದೆ. ಅದೇ ಕಾಬೂಲ್ ವಿಮಾನ ನಿಲ್ದಾಣ. ಇಂತಹ ಪರಿಸ್ಥಿತಿಯಲ್ಲಿ, ವಿಮಾನ ನಿಲ್ದಾಣದಲ್ಲಿ ಭಾರೀ ಜನಸಂದಣಿ ಜಮಾಯಿಸಿದೆ. ಏತನ್ಮಧ್ಯೆ, ವಿಮಾನ ನಿಲ್ದಾಣದಲ್ಲಿ ತಾಲಿಬಾನ್ ಹೋರಾಟಗಾರರು ಹಿಜಾಬ್ ಇಲ್ಲದೆ ಮಹಿಳೆಯರ ಮೇಲೆ ಗುಂಡು ಹಾರಿಸಿದರು ಎಂದು ಟೊಲೊ ನ್ಯೂಸ್ ಉಲ್ಲೇಖಿಸಿದೆ. ಇದಕ್ಕೆ ಪ್ರತಿಯಾಗಿ ಅಮೆರಿಕದ ಸೈನಿಕರು ಕೂಡ ಗುಂಡು ಹಾರಿಸಿದರು. ಮಾಧ್ಯಮ ವರದಿಗಳ ಪ್ರಕಾರ, ಗುಂಡಿನ ದಾಳಿ ನಡೆಸಿದ್ದು ಈ ದಾಳಿಯಲ್ಲಿ ಐವರು ಮೃತಪಟ್ಟಿದ್ದಾರೆ. ಆದರೆ, ವಿಮಾನ ನಿಲ್ದಾಣದಲ್ಲಿ ನಡೆದ ಗುಂಡಿನ ದಾಳಿಯನ್ನು ತಾಲಿಬಾನ್ ಖಚಿತಪಡಿಸಿಲ್ಲ. ಪ್ರಸ್ತುತ ವಿಮಾನ ನಿಲ್ದಾಣವು ಅಮೆರಿಕದ ಸೈನಿಕರ ನಿಯಂತ್ರಣದಲ್ಲಿದೆ.

ಕಾಬೂಲ್ ತೊರೆಯಲು ಯತ್ನಿಸುತ್ತಿರುವ ಸಾವಿರಾರು ಸಂಖ್ಯೆಯಲ್ಲಿ ನಾಗರಿಕರು ವಿಸಾ, ಪಾಸ್ಪೋರ್ಟ್ ಅಥವಾ ಟಿಕೆಟ್ ಇಲ್ಲದೆಯೇ ಕಾಬೂಲ್ ವಿಮಾನ ನಿಲ್ದಾಣಕ್ಕೆ ತಲುಪುತ್ತಿದ್ದಾರೆ. ಮೊಬೈಲ್ ರಿಚಾರ್ಜ್ ಮಾಡಲು ಜನರು ಸಾಕಷ್ಟು ತೊಂದರೆಗಳನ್ನು ಎದುರಿಸುತ್ತಿದ್ದಾರೆ. ಹೀಗಿರುವಾಗ ಜನರು ಇಂಟರ್ನೆಟ್ ಹಾಗೂ ಕಾಲ್ ಕ್ರೆಡಿಟ್ ಅನ್ನು ತುರ್ತು ಪರಿಸ್ಥಿತಿಗಾಗಿ ಉಳಿಸುತ್ತಿದ್ದಾರೆ. ಕಾಬೂಲ್ ರಸ್ತೆಗಳಲ್ಲಿ ತಾಲಿಬಾನ್ (Taliban)ಹೋರಾಟಗಾರರು (Taliban Terrorists) ಅಲೆದಾಡುತ್ತಿದ್ದಾರೆ. ಹಲವೆಡೆ ಲೂಟಿಯ ವರದಿಗಳು ಕೇಳಿ ಬರುತ್ತಿವೆ. ಆಗಸ್ಟ್ 17 ರಂದು ಬೆಳಿಗ್ಗೆ 8 ಗಂಟೆಯವರೆಗೆ ಸಾಮಾನ್ಯ ನಾಗರಿಕರನ್ನು ಗೃಹ ಬಂಧನದಲ್ಲಿರಲು ಕೋರಲಾಗಿದೆ.

This is, perhaps, one of the saddest images I've seen from #Afghanistan. A people who are desperate and abandoned. No aid agencies, no UN, no government. Nothing. pic.twitter.com/LCeDEOR3lR

— Nicola Careem (@NicolaCareem) August 16, 2021

ಈ ವಿಡಿಯೋ ಕಾಬೂಲ್ (Kabul) ಅಂತಾರಾಷ್ಟ್ರೀಯ ಏರ್ಪೋರ್ಟ್ ವಿಡಿಯೋ ಆಗಿದೆ. ಈ ವಿಮಾನ ಸಾವಿರಾರು ನಾಗರಿಕರಿಂದ ಸುತ್ತುವರೆದಿದೆ. ವಿಮಾನವನ್ನು ಪ್ರವೇಶಿಸಲು ಬಳಸಲಾಗುವ ಏಣಿಯಲ್ಲಿ ಜನರ ನೂಕುನುಗ್ಗಲು ಸಂಭವಿಸುತ್ತಿದೆ. 

ಕಾಬೂಲ್ ಏರ್ಪೋರ್ಟ್ ಸ್ಥಿತಿ ಒಂದು ಏರ್ಪೋರ್ಟ್ ಸ್ಥಿತಿಯಾಗಿರದೆ ಒಂದು ಬಸ್ ನಿಲ್ದಾಣದ ಸ್ಥಿತಿಯಂತೆ ಕಂಡುಬರುತ್ತಿದೆ. ಬಸ್ ನಲ್ಲಿ ಪ್ರಯಾಣಿಸಲು ಯಾವ ರೀತಿ ಪ್ರಯಾಣಿಕರು ನೂಕುನುಗ್ಗಲು ಮಾಡುತ್ತಾರೆಯೋ, ಅದೇ ರೀತಿಯಲ್ಲಿ ಜನರು ವಿಮಾನವೇರಲು ಪರದಾಡುತ್ತಿದ್ದಾರೆ.

ಏರ್‌ಪೋರ್ಟ್‌ನಲ್ಲಿರುವ ಅಮೆರಿಕಾದ ಪಡೆಗಳು ಇಂದು ಬೆಳಗ್ಗೆ ಗುಂಪನ್ನು ಚದುರಿಸಲು ಗಾಳಿಯಲ್ಲಿ ಗುಂಡು ಹಾರಿಸಿದ್ದಾರೆ. ಪ್ರತ್ಯಕ್ಷದರ್ಶಿಯೊಬ್ಬರು ಎಎಫ್‌ಪಿ ಸುದ್ದಿ ಸಂಸ್ಥೆಗೆ ಹೇಳಿಕೆಯೊಂದನ್ನು ನೀಡಿದ್ದು, ಹೇಳಿಕೆಯಲ್ಲಿ ಅವರು "ನಾನು ಇಲ್ಲಿ ತುಂಬಾ ಹೆದರಿದ್ದೇನೆ . ಅವರು ಗಾಳಿಯಲ್ಲಿ ಬಹಳಷ್ಟು ಗುಂಡುಗಳನ್ನು ಹಾರಿಸುತ್ತಿದ್ದಾರೆ" ಎಂದು ಹೇಳಿದ್ದಾರೆ.

ಇದನ್ನೂ ಓದಿ-Afghanistan: ತಾಲಿಬಾನ್ ಸರ್ಕಾರ ರಚನೆ; ಕಾಬೂಲ್‌ನಿಂದ ವಾಣಿಜ್ಯ ವಿಮಾನ ಹಾರಾಟ ನಿಷೇಧ

ಅಪಾಯಕಾರಿ ಅಪರಾಧಿಗಳನ್ನು ಜೈಲಿನಿಂದ ಬಿಡುಗಡೆ ಮಾಡಿದ ತಾಲಿಬಾನ್
ಏತನ್ಮಧ್ಯೆ ಅಫ್ಘಾನಿಸ್ಥಾನದ ಜೈಲುಗಳಲ್ಲಿ ಬಂದಿಯಾಗಿರುವ ಅಪಾಯಕಾರಿ ಅಪರಾಧಿಗಳನ್ನು ಹಾಗೂ ಉಗ್ರರನ್ನು ತಾಲಿಬಾನ್ ಬಂಧಮುಕ್ತಗೊಳಿಸಿದೆ. ಆದರೆ, ಬಲವಂತವಾಗಿ ಯಾರ ಮನೆಗೂ ಕೂಡ ಪ್ರವೇಶಿಸದಂತೆ ತನ್ನ ಯೋಧರಿಗೆ ತಾಲಿಬಾನ್ ಕಟ್ಟುನಿಟ್ಟಿನ ಆದೇಶ ನೀಡಿದೆ. 

ಇದನ್ನೂ ಓದಿ-ತಾಲಿಬಾನ್ ಮುಂದೆ ಮಂಡಿಯೂರಿದ ಅಫ್ಘಾನಿಸ್ತಾನ, ದೇಶ ತೊರೆದ ಅಧ್ಯಕ್ಷ Ashraf Ghani

ಏರ್ಪೋರ್ಟ್ ಮೇಲೆ 6 ಸಾವಿರ ಸೈನಿಕರನ್ನು ನಿಯೋಜಿಸಿದ ಅಮೇರಿಕಾ
ಈ ಕುರಿತು ಹೇಳಿಕೆ ನೀಡಿರುವ ಅಮೇರಿಕಾ, ಅಫ್ಘಾನಿಸ್ತಾನ್ ಏರ್ಪೋರ್ಟ್ ನಲ್ಲಿ 6 ಸಾವಿರ ಸೈನಿಕರನ್ನು ನಿಯೋಜಿಸಿರುವುದಾಗಿ ಹೇಳಿದೆ. ನಾಗರಿಕರು ಸುರಕ್ಷಿತವಾಗಿ ಹೊರ ಹೋಗುವುದನ್ನು ಸುನಿಶ್ಚಿತಗೊಳಿಸಲು ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಅಮೇರಿಕಾ ಹೇಳಿದೆ. ಪ್ರಸ್ತುತ ಕಾಬೂಲ್ ಏರ್ಪೋರ್ಟ್ ನಲ್ಲಿ ನೂಕುನುಗ್ಗಲಿನ ಸ್ಥಿತಿ ಇದೆ. ದೇಶವನ್ನು ತೊರೆಯಲು ಸಾವಿರಾರು ಸಂಖ್ಯೆಯಲ್ಲಿ ಜನರು ಏರ್ಪೋರ್ಟ್ ತಲುಪಿದ್ದಾರೆ. ಇವರಲ್ಲಿ ಹಲವರು ಯಾವುದೇ ಲಗೇಜ್ ಇಲ್ಲದೆ ವಿಮಾನ ನಿಲ್ದಾಣಕ್ಕೆ ತಲುಪಿದ್ದಾರೆ.