ನವದೆಹಲಿ: ಕಳೆದ ವಾರದಲ್ಲಿ ವಿಶ್ವಾದ್ಯಂತ ವರದಿಯಾದ ಹೊಸ ಕರೋನವೈರಸ್ ಸಾವುಗಳ ಸಂಖ್ಯೆ 17% ರಷ್ಟು ಕುಸಿದಿದೆ, ಆದರೆ COVID-19 ಪ್ರಕರಣಗಳಲ್ಲಿ ಏರಿಕೆಯಾಗುತ್ತಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.
ಸಾಂಕ್ರಾಮಿಕ ರೋಗದ ಕುರಿತು ವಿಶ್ವ ಆರೋಗ್ಯ ಸಂಸ್ಥೆ (WHO) ಬಿಡುಗಡೆ ಮಾಡಿರುವ ಸಾಪ್ತಾಹಿಕ ವರದಿಯಲ್ಲಿ, ಕಳೆದ ವಾರ 11 ಮಿಲಿಯನ್‌ಗಿಂತಲೂ ಹೆಚ್ಚು ಹೊಸ COVID-19 ಪ್ರಕರಣಗಳು ದಾಖಲಾಗಿವೆ.ಜೊತೆಗೆ 43,000 ಹೊಸ ಸಾವುಗಳು ಸಂಭವಿಸಿವೆ ಎಂದು ಹೇಳಿದೆ.ಕಳೆದ ಮೂರು ವಾರಗಳಿಂದ ಜಾಗತಿಕವಾಗಿ COVID-19 ಸಾವುಗಳ ಸಂಖ್ಯೆ ಇಳಿಮುಖವಾಗಿದೆ ಎನ್ನಲಾಗಿದೆ.
ಇದನ್ನೂ ಓದಿ: Video : ರೀಲ್ಸ್ ಮಾಡುವ ಭರದಲ್ಲಿ ತನ್ನ ಬೆನ್ನಿಗೇ ಬೆಂಕಿ ಹಚ್ಚಿಕೊಂಡ ಭೂಪ..! ಮುಂದೆ.?
ಪಶ್ಚಿಮ ಪೆಸಿಫಿಕ್ ಮತ್ತು ಆಫ್ರಿಕಾದಲ್ಲಿ ಪ್ರಕರಣಗಳಲ್ಲಿ ದೊಡ್ಡ ಹೆಚ್ಚಳ ಕಂಡುಬಂದಿದೆ, ಅಲ್ಲಿ ಸೋಂಕುಗಳು (Coronavirus) ಕ್ರಮವಾಗಿ ಶೇ 29% ಮತ್ತು 12% ರಷ್ಟು ಏರಿದೆ. ಉಳಿದಂತೆ, ಮಧ್ಯಪ್ರಾಚ್ಯ, ಆಗ್ನೇಯ ಏಷ್ಯಾ ಮತ್ತು ಅಮೆರಿಕಗಳಲ್ಲಿ ಪ್ರಕರಣಗಳು 20% ಕ್ಕಿಂತ ಹೆಚ್ಚು ಕಡಿಮೆಯಾಗಿದೆ.ಯುರೋಪ್ನಲ್ಲಿ, ಪ್ರಕರಣಗಳು ಸುಮಾರು 2% ರಷ್ಟು ಹೆಚ್ಚಿವೆ.
ಕೊರೊನಾ ಪ್ರಕರಣಗಳು ಹೆಚ್ಚುತ್ತಿರುವ ಬೆನ್ನಲ್ಲೇ ಈಗ ಈ ಏರಿಕೆಯನ್ನು ಎಚ್ಚರಿಕೆಯಿಂದ ಗಮನಿಸಬೇಕು ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.ಸಾಂಕ್ರಾಮಿಕ ರೋಗದ ತೀವ್ರ ಹಂತದಿಂದ ನಿರ್ಗಮಿಸುವಾಗ ಅನೇಕ ದೇಶಗಳು ತಮ್ಮ COVID-19 ಪರೀಕ್ಷಾ ತಂತ್ರಗಳನ್ನು ಬದಲಾಯಿಸುತ್ತಿವೆ ಮತ್ತು ಹಿಂದಿನದಕ್ಕಿಂತ ಕಡಿಮೆ ಪರೀಕ್ಷೆಯನ್ನು ನಡೆಸುತ್ತಿವೆ ಎಂದು ಅದು ಹೇಳಿದೆ.
ಇದನ್ನೂ ಓದಿ: FY 21-22 : ಮಾರ್ಚ್ 31 ರೊಳಗೆ ತಪ್ಪದೆ ಮುಗಿಸಿ ಈ 5 ಹಣಕಾಸು ಸಂಬಂಧಿತ ಕೆಲಸಗಳನ್ನು!
ಇತ್ತೀಚಿನ ವಾರಗಳಲ್ಲಿ, ಸ್ವೀಡನ್ ಮತ್ತು ಯುಕೆ ಸೇರಿದಂತೆ ದೇಶಗಳು ವ್ಯಾಪಕವಾದ ಕೊರೊನಾ ಪರೀಕ್ಷೆಯನ್ನು ಕೈಬಿಡುವ ಯೋಜನೆಗಳನ್ನು ಘೋಷಿಸಿವೆ.ಇನ್ನೂ ಕೊರೊನಾ ಪ್ರಕರಣ ಹಾಗೂ ಸಾವುಗಳು ಬ್ರಿಟನ್‌ನಲ್ಲಿ ಸ್ವಲ್ಪ ಹೆಚ್ಚಾಗಿದೆ, ಇದರಲ್ಲಿ ಬಹುತೇಕವಾಗಿ ಸಾಂಕ್ರಾಮಿಕ ಓಮಿಕ್ರಾನ್ ಸಬ್‌ವೇರಿಯಂಟ್ BA.2 ನಿಂದ ಉಂಟಾಗಿವೆ.ಹೆಚ್ಚಿನ ಜನರು ಮುಖವಾಡಗಳನ್ನು ತ್ಯಜಿಸಿ ಹೆಚ್ಚಿನ ಸಂಖ್ಯೆಯಲ್ಲಿ ಸೇರುವುದು ಹಾಗೂ ಎಲ್ಲಾ COVID-19 ಪ್ರೋಟೋಕಾಲ್‌ಗಳನ್ನು ಉಲ್ಲಂಘಿಸುತ್ತಿರುವುದರಿಂದಾಗಿ ಕೊರೊನಾ ಪ್ರಕರಣಗಳ ಹೆಚ್ಚಳಕ್ಕೆ ಕಾರಣವಾಗಿದೆ ಎನ್ನಲಾಗಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
